ساعدوني يا بلقيسيات مو قادرة اصببر

[شغف للسعادة]

السلام عليكم

خواتي انا زوجي قاعد يخوني وهلمرة غير عن كل مرة احسه السالفة جد بالنسبة وانا كلمتها الملعونة تقولي ما فيني اتركه
قاعد احاول امشي على نصايح الدكتورة ان اطنشة وعيش لنفسي عشان يرد لي مرة ثانية حطيت تسجيل بسيارته وكان طالع معاها
بنات ساعدوني شسوي انا قاعدة اموت
يالله ساعدني
وهو قبل اسبوع قالي ان تركها بس ما تركها وقالي كيفج بتعيشين معاي كيفج او تبين الطلاق نطري لشهر واحد عشان يجمع لي المؤخر وهو طاالب ولو كان يشتغل اعتقد كان تزوجها وخلص
يا رحمن يا رحيم ساعدني يا الله

بنات ساعدوني شسوي مابي الطلاق ابي زوجي يرجع لي​

 

[السندرله]

ياقلبي والله حاسه فيك حاولي تستغلي هذا الشهر اللي قال عليه وان شاء الله مايسير الا كل خير

 

[قلبي للفردالصمد]

الحل بتلاقينه بالدعاء والصلاة ربي هو الي بينصرك يمهل ولا يهمل شايف كل شئ وبياخذ لك حقك توكلي على ربك ونعم بالله الله يبعد عنك كل مكروه ويرد كيدهم في نحورهم

 

[جرح الشوق]

من راي الشخصي اشوفه باااااااااااااايعك ولا يهمه زعلك يعني باطقاق ومن كلامه انه مااااااااااااا يحبك ولا يهتم لامرك وخرابيطه صدقيني ما راح يتركها فاحسن حل نركيه والله يعوضك خير

 

[نون نسوة]

بسم الله الرحمن الرحيم
ابعض الحلال عند الله الطلاق ....
ولكن كيف ترضين لنفسك الاهانه والذل وتعرفين ان زوجك يخونك وساكته
ياا عزيزتي اشتري كرامتك والانسان بلا كرامه ليس ثمن
خليك حاسمه ادا ما عندك اطفال منه اشتري نفسك وراحتك صدقيني راح يجي يوم تندمي على الوقت اللي ضيعتيه مع خاين باع الموده والرحمه وشرى الخيانه والذل لك ...
اذا هو يجمع عشان المؤخر شكله نااوي الطلاق صدقيني مراح ينفع تمسكه فيه اذا هو بايع
ونصيحه لك عزي نفسك واطلعي من البيت بقليل من الكرامه اللي ضيعتيها مع خاين لا يعرف قيمة زوجه رائعه صاينه لوده ....
اعتذر بشده لك ولكن
انت تبحثين عن السعاده بحياه زوجيه ربما تكون نهايتها سعيده او العكس
اتركيه اثبتي له انه لا يهمك ولا يعني لك سوى رجل خاين الى الان يعيش دور المراهقه ...
دايم الرجل يحب المراه القويه التي لا ترضى الا بعتلاء العرش او تخلع التاج وتمضي المراه التي لا ترضى بالمناصفه ولا تستجدي الوسطيه ...
لا تعيش الذل تحت رحمة رجل خاين يخونك امام ناظرك
ثوري على مشاعر الهزيمه التي بداخلك ولا ترضي بالخساره فالخساره جدا فاادحه فهي سوف تاكل وتشرب معك طول السنوات سوف يتمادى في الخيانه لانك امراه رضيت ان تكون ضعيفه خوفا من الطلاق او بسبب حب كاذب لا حياة له ...

اسأل الله ان يمدك بالقوه والسعاده التي تنشدينها

 

[شغف للسعادة]

مشكورين حبيباتي لاحساسكم فيني
الله ذخري والله اكله وائتمنه على ياتي وحياة طفلي رحمة الله واسعه وان شاء الله تسعني ويصلح حال زوجي
اخاف اندم ابي ابذل جهدي ابي اسعى لاخر حل اقدر اسويه قبل لطلاق والله يراني ويعرف حالي وقلبي يا ارحم الراحمين ارحمني​