ساعدوني ياخواتي مالي غيركم بعد ربي

ح

حفيدة جدتي

New member
إنضم
2010/11/15
المشاركات
4
السلام عليكم ورحمة الله وبركاته...
انا عضوه جديده وصراااحه احب هالمنتدى مره مره واحس الناس اللي فيه ناس فاهمه وواعيه ربي يوفقكم لكل خير...
ابي مشورتكم ومساعدتكم ونصائحكم ياخواتي وربي يرزقكم بكل ماتتمنون...
انا عمري 21 تملكت في شهر رمضان من شاب ملتزم والحمدلله هو اخو صديقتي وامه مره طيبه عنده 7 خوات ماشاء الله كلهم متزوجات الا وحده صغيره بالمتوسط وعنده اخوان متزوجين من ابوه بس طالعين برا البيت بس اسمع عن حريم اخوانه انهم حقات مشاكل والله خايفه وطبعا صديقتي المقربه من 8 سنوات هي اخته من امه وابوه والباقي من ابوه لكنهم ساكنين معهم بنفس البيت لان امهم متوفيه المهم مالكم بالطويله>>ليه خليتي شي:20:
انا قبل مايخطبوني كنت دايم ازور بيتهم وهو شافني بالصدفه واعجب فيني وخواته مرررره طيوبات وعسل وامه بعد حيييل طيبه وتعرف امي
انا بسكن معهم بنفس البيت بس لي قسم خاص فيني يعني غرفه وحمام وصاله
بس مافيه بالبيت غير امه....
اللي بقوله ان زواجي باقي عليه 15 يوم وانا يابنات مره خايفه ولاعندي خوات متزوجات وانا اكبر شي وامي مره كبيره
انا جهزت لعمري كل شي ساعدوني كم وحده من صديقاتي بس الحمدلله طلعت بشي زين وكل من شاف جهازي قال ماشاء الله
اللي ابيكم تساعدوني فيه انا خايفه ماادري كيف اتعامل معهم وكيف اتعامل مع ام زوجي وخواته وهو مررررره طيب كان بينا تواصل بالمسجات بس بعدين طلب يكلمني وانا رفضت لاني انحرج مررررره بس من يومين جلس يكلمني حيييل حنون وانا قلت له بوقف المكالمات قبل الزواج قال خلاص بس انا حييييل مستحيه منه وحيييل خايفه
ماادري خايفه تتغير علاقتي بامه وخواته وصديقتي خصوصا
شيب راسي من كثر مااسمع مشاكل ام وخوات الزوج
انا انسانه مره مسالمه وهاديه وخوافه ودمعتي ع طرف عيني
ساعدوووووني ياخواتي وقولولي خبراتكم ونصايحكم وماراح انساكم من دعواتي ابد
والله خاااااااايفه ومالي بعد الله غيركم ربي يوفقكم دنيا واخره>>:8:​
 
شوفي حبيبتي جامك تقولين ان امه طيبه واخته صديقتك بالعكس اهم شي تكون الخاله طيبه

وانتي خليه مثل امك راح تحسن انك مرتاحه مره وعامله مثل ماتعاملن امك وراح والله ترتاحين

ودام ان صديقتك اخته راح تعرفين عنه كل شي من قبل وانتي راح تريحن معه من سولفيه انهم طيبن مو صح
 
اهم شي انك تحترمين امه وخواته عشان تكسبين زوجك

وانتي مالك دخل في شي وخلي علاقتك سطحيه معاهم بس السلام عليكم وعليكم السلام

بسسسسسسسسسسسس

ولا تخافين ولا تشيلين همممم
 
دام امه وهو واخواته ناس طيبه خلاص حبيبتي وادعي واستغفري وشيلي الاوهام من راسك وخليكي واثقه وطيبه معاهم الله يوفقك توكلي على الله
 
ياحياتي انتو ربي لايحرمني منكم ويوفقكم دنيا واخره ويحقق كل امانيكم
 
الا حبيت انصحك فيه من تجربة احترميهم وعامليهم بالحسناء ولا تسيرين مثل زوووجه اخووي الله يهديها عاملانهاا بالحسناء واعتبرانها وحدة مناوقامت تسمع كلام الناااس ليييييييييين ماخسرتنا ؟؟؟؟؟؟؟؟؟ وخربت بيتها لا تسمعين نصاايح من احد خاااصه الا يبون الشررر حطي تحتته ميئه خط وعااامليهم بالحسناء لانهم واالله مااراح ينسوون الا سويته فيهم صدقيني
 
تصرفي بطبيعتك وماعليك من احد غير زوجك
وانتبهي احد ياثر عليك وعلا علاقتك بزوجك

ربي يوفقك ويتمم لك على خير
 
نصيحتي لك يالغاليه !
خليك معهم انسانه لبقه ورسميه نوعاً ما
وابتعدي عن الميانه الزايده ,, ولا تتدخلين بأمورهم الخاصه ابد ,,
او تفشين اسرارهم لاحد --> كذا بتجيبين العداء لنفسك !!
وبما انك بتسكنين معهم في البدايه لاتكثرين قعده عندهم ويصير اغلب وقتك معهم
لين تعرفين طبعهم زين ,,
يمكن هم من النوع اللي يحب الخصوصيه ,, وما ياخذون راحتهم بوجودك
اول شهرين بيجاملونك كثيييير لانك عروسه وغريبه عنهم
وبعدين يبين طبعهم .. واللي اصله طيب ما يتغير ,,’’

انا مثلك عروسه قريب ان شاء الله
لكن حريم اخواني عاشوا معنا فتره !!
وعطوني دروس للمستقبل :)

الله يتمم زواجنا على خير ويوفقني واياك
يااااااا رب​
 
البنات ما قصروا .. و ردودهم حلوة ..
خاصة غــ K ــلاي .. ردها عجبني أكثر شيء ..

لأن الطيب و الاحترام هذا شيء اساسي .. و اذا هذا في شخصيتك من الاساس لا تحاتين .. لكن المشكلة اذا ما كانت هناك حدود .. فهذا يفتح المجال للتدخلات ..
المفروض انتي ما تتدخلين في خصوصياتهم ولا هم يتدخلون في خصوصياتك .. خاصة قسمك في بيتهم و غرفتك.. لا تسمحين لاي احد يدخلها .. لأن هذا المكان خاص لك انتي و زوجك بس..
و الكثييييير من العرايس يقعون في هذا الخطأ بأنها تخلي غرفتها مفتوحه و كل اللي بالبيت يدخلها .. و بعدين ما تاخذ راحتها ..
عدا عن ذلك .. عامليهم كأنهم أهلك .. و اي انتقاد تسمعينه من أمه خذيه كانه من أمك و عديها ..
و لا تسمعين اللي يتكلم عنهم بالسوء .. مهما كان المفروض اهلك سائلين عن الشخص هذا و عن أهله لما تقدم لخطبتك .. يعني اكيد ما وافقوا عليه و انتي ما وافقتي إلا لأنه من عائلة طيبة ..

الزبدة .. العلاقة بينك و بين اهل زوجك اساسها الاحترام .. لكن يجب من البداية تحطين حدود لخصوصياتك عشان ما تتعبين معاهم في المستقبل ..​
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل