امووووره
New member
- إنضم
- 2008/05/03
- المشاركات
- 321
انا توني متزوجه واخت زوجي من ابوه مشغلتني اربع وعشرين ساعه تتصل على زوجي ويروح لمها يوميا حتى تتصل الفجر تقول بصحيكم لصلاة خلاص عنده مره وش تبي حتى بسفرة شهر العسل بس تتصل ذابحتني يقول واقفه معي بزواجي ولها فضل علي اول ايام زواجي جتني مرتين وتطلع معنا خصوصا برد يعني فيه بر:clap: احس تضايقني مره بكلامها وزوجي يقول تمزح انتي تاخذين كل شي في بالك وتتدخل ببعض خصوصياتنا وتعطي آرا من دون مااطلب منها يقول هي حسبت امي اصلآ ماعرفها الا من سنتين بعد ماتوفى ابوه على فكره اهو له ام بس تعبانه وفي سفرة العرس كنا بجده وله اخت هناك بعد من ابوه تخيلوا كل يوم تطلع معنا ماتعشينا انا وزوجي لحالنا الا مره اول يوم تعرفون اول يوم استحي وسمعتها مره تكلم اختها انا وياها بالسياره وزوجي نازل تقول لو تشوفينه متغير مره اهي تحسبني ماسمعتها وشلون بغيره وانا ماقعدت معاه وفي السفره الثانيه مسافرين كلنا وكنا جالسين عند البحر وفيه باعوض قلت يوه خايفه تقرصني ويجيني حمى الضنك واموت قالت احس خلك تموتين عشان يرجع لنا اخوي وكان زوجي جالس ويقول تمزح واخته الثانيه تقول وش عليك منها بنت ال......حنا شعر وجهك لو يجينا شي ودايمآ يقولون انتي مغيرته ويقولون له انت متغير ....مره متضايقه انا احب الناس وخالتي ام زوجي محترمتها انا ساكنه فوقها احيانا اطبخ وارسلها والا ننزل نتغدى معها واسوي قهوه وحلى وانزل واول ماجى الصيف رحت انا وزوجي وشريت لها وبنتها مفارش مااقصر ابد وخواله يحبوني مره يقولون الحمدلله اللي رزقكم بها لاني طيبه واهدي خالاته لانهم هم اللي مربينه من صغره لان ابوه مطلق امه من زمان وزوجي يحبني الحمدلله بس هم تاعبيني آآآآآسفه طولت عليكم عطوني آراكم يعطيكم العافيه
