ساعدوني والله مستحيه

الحالة
مغلق و غير مفتوح للمزيد من الردود.
ب

بيستاش 2003

New member
إنضم
2009/12/07
المشاركات
6
بسم الله الرحمن الرحيم

هذي المره الاولى الي اشترك فيها فالموقع واتمنى انكم تساعدوني وماتطنشوني

مشكلتي مع بنتي عمرها 7 سنين شفتها هي وبنت اختي الي عمرها 8سنين فالغرفه ومسكرين عليهم الباب سبحان الله لمل دخلت شفتهم منزلين سراويلهم ويالسين يلعبون لعبة الدكتور والمصيبه انهم مسكوا اعضاء بعض والله اني تضايقت وخذت بنتي وضربتها ضرب لدرجة اني متضايقه من نفسي ومنها اكثر المشكله انها هي الي اقترحت اللعبة هذي
مع اني والله معلمتنها انا الي ينزل سرواله الله مايحبه وانه عيب حد غيرها يشوفها وهي منزله سروالها بس الله يهديها سوتها وما سمعت الكلام الله يخليكم ساعدوني كيف اتصرف معاها للعلم اني زعلانه منها ومااكلمها
 
السلام عليكم

12 مشاهده ومافي اي تجاوب افا والله ماتوقعت تطنشوني لهدرجه
 
هلا اختي الغاليه بصراحه انا حاسه فيج وردة فعلج كانت متوقعه رغم انج بالغت بالموظوع ياحبيبتي احتمال كبير ان بنتج شافت لقطه او شي وحبت اتقلدها او انها كانت فعلا تبي تلعب دكتور واللي صار كان مجرد فضول نصيحتي لج لان عندي بنت بسن بنتج انج تتقربين منها كثير وتحظنيها كثير ودايما خلج معاها هاي المرحله بالنسبه لبنتج تعتبر مثل المراهقه بس عصغر وكل البنات فالسابعه يكونون جيه حاولي تعلميها الصلاه وخليها تصلي معاج خليها تساعدج فالمطبخ وقبل نومها علميها الاذكار وعلميها تتعوذ ععمرها وخلج فتره تنامين معها تراقبين تصرفاتها هل الموظوع اثر فيها بس نصيحه لج اذا شفتيها مسكت عظوها قدامج لاتنازعيها ابد فميها قوليلها ماما هذا مكان البول كيف تلمسينه تصير ايدج خايسه بس ابد لاتنازعيها وصدقيني نتيجة تقربج منها ونصحج الها راح تنسا اللي صار ولا تكبرين الموظوع الله يحفظها لج
 
ياااااااارب اعنا على تربية اولادنا التربيه الصالحه في زمن كثرت فيه الفتن واحفظهم من كل سوء
والله اني صرت اوسوس من هالناحيه على كثر القصص والبلاوي اللي اسمعها

الله المستعان
لاحول ولاقوة الابالله
 
السلام عليكم

مشكوره اختي اميره وكلي دلع والله اني احاول مااقصر معاها ومن ناحية الاحضان دوم احضنها بس هي الله يهديها والله اني دوم اقولها اذا شفتي بنات يسون هالحركات هذيله الله يزعل منهم ومايحبهم ولازم انت بعد ماتسوين نفسهم ويوم قتلها ليش سويتي جذي انا زعلانه منج قالت نسيت واخر مره اسويها والصراحه انا حرمتها من الطلعه وقتلها مابوديج عرس عمج تمت تصيح قطعت قلبي بس شو اسوي لازم شوي تحس بالغلطه الي سوتها الله يهديها ويهدي جميع عيال المسلمين



اختي آهااااااات مشكوره عالمرور ومشكوره عالدعاء اللهم آميييييييييين
والله انا بعد دوم اوسوس من هالناحيه بس الله المستعان

صدق هي ماشاء الله عليها اصلن يوم تشوف فالتلفزيون لقطات احضان او رقص على طول تنزل عينها او تفر القناة تقول امي عيب اوحتى اذا لابسين قصير تقول امي هذيله الله مايحبهم لانهم لابسين جذي
لاني علمتها ان هالسوالف عيب ومايجوز نشوفه

والله اني بعدني مستغربه منها الله يهديها ماتوقعت انها جذي تسوي لاني منبهتنها ومعلمتنها والله تعبت
هيه صح هي واااااااااايد عنيده وماتسمع الكلام الله يصلحها ويهديها وصياحه بعد
 
الله يصلح لك بنتك يارب
أنا والله في هالمواقف هذي
مآأعرف شلووون اتصرف:thumbdown:
 
أختي بيستاش 2003
لاتلومينها ....فهي تشعر باللذة ....فكرهيها في هذا المكان أنه مكان نجاسة ولا ينبغي مسه لأنه مليء بالجراثيم بسبب البول
أعانك الله وإيانا على تربية أبنائنا
 
الله يعينك يارب بس انصحك انك تلهينها اي شئ مثلا تخلينها ترتب العابها تمسح مثلا دولابها مثلا تر تب غرفتها تجيب لها كراسات ومعها الوان وخليها ترسم وقولي اذا رسمتي رسمه حلوه بعطيك هديه حلوه يهني حاجات زي كذا اهم شئ شئ يلهيها عن هذا الشئ ولا تخلينها فاضيه ابد حتى لو رحتي عند احد حاولي تراقبينها من بعيد وخليهم يلعبون العاب تنسيهم هذا الشئ والله يهديها يارب
 
انامالي بنات لسعع وماادري بس هي صغيره ماسوتها بقصد حرام تنضرب
 
:icon26:اختي الكريمه ما ابي اخوفك
بس حاولي تعرفين من بنتك مين علمها اللعبه
يمكن احد يستغلها وهي على بالها لعب
والله يصلح عيالنا وازواجنا:icon26:
 
الله يهديها ويصلحها اهم شي راقبيها وحاولي تنسينها مثل ماقالو البنات اصبري الصبر مفتاح الفرج
 
الله يعيننا على تربية أبنائنا
بس والله فعلا لازم تسألينها من علمهم هذي اللعبه لانه نفس الشئ لقيت مره من بناتنا يلعبون بطريقه مشابه ولما هاوشتهم قلو نلعب دكتور...والله العظيم نفس الشئ ونفس العذر!!!!!!!!!!!!!!!!!!!!!!
 
يغلق لإستيفاء حقه من المناقشه
 
الحالة
مغلق و غير مفتوح للمزيد من الردود.
عودة
أعلى أسفل