ساعدوني هل اسلوبي صح ولالا

[sosocute04]

:sadwalk:اهلين باحلى بلقيسات محتاجة مشورتكم
دحين زوجي سافر مصر لمده عشرة ايام .... وعشان كنت زعلانة منو ماكنت اكلمو بس 3 مرات وحتى بدون كلمة احبك او حتى وحشتني واليوم رجع من السفر وكان يبغاني استقبلو في البيت وجلس يحقق اخوانك ليش ماجابوكي البيت منتي عارفة اني راجع اليوم فقلت بصراح كلهم مرضى واولهم انا وقال خلاص خليكي عندهم وحتى اذا اخذت السيارة (( عشان موقف السيارة عند صاحبو )) ماراح اجي اخدك عشان انا تعبان ومالي حيل اطلع عند اهلك سواء اليوم او بكرة وقالي سلام وقفل الجوال

ملاحظة :-
غلطي في كل سفرياتو لما يرجع منت استقبلو في البيت واسويلو ليلة جنان وهادا اكبر غلطة ليا وكنت متعشمة انو ماراح يسافر مرة تانية لوحدو وزوجي شمال شرقي
ساعدوني:32:

 

[sosocute04]

استغفر الله العظيم

 

[شخصية]

حبيبتي خلييييه حتى يشبع من القعدة بروحه و هو بنفسه بيجي ياخذج من بيت اهلج .. بليز لا تتصلين فيه و لا تسوينله سالفة باين عليه بطران و شايف نفسه وايد .. انا قريت القصة و مقهورة هالكثر عيل انتي كيف!!!!!!!!! .. صدقيني احكريه و لا تردين عليه بعد اذا اتصل .. و غلطتج انج كنتي تسوين ليالي جنان بمناسبة عودته يعني كنتي تحلين السفر في عيونه مادام كلما رد يحصل هاللايالي الجنان .. وين كان عقلج يا اختي !!! سامحيني مقهورة عشانج والله .

 

[sosocute04]

تسلميلي يا قلبي بردتي قلبي وكنت محتارة من اول في دا الا سلوب اسويها ولا لا الله يعطيكي العافية

 

[انا الملكة]

طنشية احسن لج بكرة يمل برووحة ولا تتصلي علية ابد ولاحتى رسالة

 

[كفاني وحسبي]

الله المستعان الله يسخره لك ويجيك ويحب راسك بعد

 

[خديجه الكبرى]

نصيحة اذا انتي بستمرين معاه رجعي بيتك وطنشي واخذي حقك

وطالبيه بهدايا وقولي له مافيه سفره مرة ثانيه بدوني

وكشخي وتزيني ودللي نفسك

نصيحة لاتقعدين عند اهلك ولايوم

 

[نوفا_المملوحه]

sosocute04 الصراحه انا قريت موضوووعج ... بس الشي الوحيد اللي ابي افهمه شنووو سبب زعلج من زوجج هل بسبب كثرت سفراته بره يعني و الا من شنوو ... بس التصرف اللي بدر منج انج ما استقبلتيه من سفرته مو من صالحج انتي عودتيه على الخبة و اللويه لما يرد من سفره ... على قوله المثل: ريلج على ما عودتيه ... كان بالامكان تجهزين كل شي و بعدين تقوليله اللي في خاطرج لان هوو راح يحس بهالشي و يفهمها من عيوونج اذا والله يحبج ... و على ردة فعله هذي طبيعيه بين عليه التكبر و الغرور و هذي طبيعه الرياييل الشرقيين ... الحين انتي شنووو راح تستفدين من الحقران منوو اللي راح يتواكل غيرج الحين هووو يعيش يومه عادي و لا كأن شي صااار بالمقابل انتي مضايقه ليش من الاول تتكلمين وت قووليله اللي مضايقج منه ... واذا هووو من النوع "عاشق السفر" للرفاهيه و الله خليه وانتي ماعليج الا تدعين له ان الله يستر عليه و يحفظه من شر الانس و الجن ... و بس صدقيني هوو راح يمل و يتغير مع الوقت بس ما عليج الا تهتمين بنفسج و تعيش حياااتج ... (الله يوقفكم )​

 

[كالفورنيا]

شوفي يعتمد على سبب سفره
إذا كان عمل لا والله غلطانه أنك ما كنتي في بيتك وفي أستقابله
أما أذا كان سياحه لا خليه يعرف أنك زعلانه وأنه غلطان
أثقلي عليه شوي لين يعرف أن الله حق ويحس بغلطه
موفقه​

 

[سلطانهxxx]

طنشيه راح يركض وراك ويدور رضاك حلوه فوق شينه قواية عينه الله يعينك عليه ويصبرك بس اثقلي وخليه هو يجيك مو تروحين له ياويلك<<<<<<<<<مقهووووره

 

[نور كندا]

انا لو مكانك اتركه اسبوع لاادق ولاتصل حتى يشتاق لى وحده وياتى لياخزنى على راحته

 

[sosocute04]

يابنات ابشركم زوجي اتصل على بابا وكلمو وبعدين كلمتو بتقالة وجاة اخدني وانا دحين في البيت وبالنسبة لسفراتة كتيرة مررة لوحدو بس عمل ودحين اللي راحها مع اصحابة والحمدلله الله يجعلها اخر السفرات والله يسلمكم ويخلينا سند لبعض