ساعدوني مملكه ومشكله مع خطيبي تنهي حياتي

الحالة
مغلق و غير مفتوح للمزيد من الردود.
ر

روعه القدر

New member
إنضم
2011/12/25
المشاركات
8

السلام عليكم

انا من المتابعات لهذا المنتدى الرائع

وماشاء الله دايم اقرا المواضيع واشوف المساعده كيف

انا عندي مشكله وانا في بدايه حياتي ولا اريد ان اهلي يدخلون في مشاكلنا من بدري

انا مملكه وباقي على زواجي شهر

واخذنا بعض عن حب وكان في اعتراض من اهله بس الحمدلله ربي كتب نصيب بينا

وتمت الملكه ولله الحمد

بس صارت المشاكل بينا كثير كثير مرررررره

وهو نمطه جنوبي وانا كمان بس بينا اختلاف

وهو على اي شي يزعل

ويعصب اني اروح السوق

واي شي يضايقه يجي يعصب علي

وانا عروسه واجهز نفسي ولازم اروح السوق كل يوم

الفتره بين الملكه والزواج شهرين

وماعندي وقت

وصارت مشكله كبيره على خرجاتي للسوق

يقول تخرجين بس الساعه 9 وانت في البيت حاولت افهمه مو راضي

وقلت له طيب بس يوم تاخرت وزعل وجلس يهدد

ويقول انا راح اربيك من جديد وانت ماتمسمعين الكلام


والحين معند اني مااروح السوق ولا اخرج من البيت حاولت اكلمه وافهمه مو راضي

وحلف لو خرجت وهو مايدري يطلقني


ويش الحل معاه حاولت افهمه اني لازم اروح واحجز واخلص اموري بس مو راضي


وصار بس يزعل ويقول انه عايش معاي بنكد

وصار يسبني ويهددني ان حياتي ماراح تستمر معاه وانه بيطلقني

ماابغى ادخل اهلي في حياتي من بدري وياخذون موقف منه لانهم يحبونه مره ومحترمينه ومتوقعين يعيشني في سعاده

وانا خايف من الزواج والحياه معاه


انا تعبت وانا احبه بس ماابغى اكون ضعيفه

ساعدوني في حل الله يرضى عليكم
​
 
حبيبتي انتي لسا على البر و اذا هوة من هلء بسبك و بهددك بالطلاق فكري منيح و لا تستعجلي بالزواج لا تندمي بعدين لازم يحترمك لانه الحياة الزوجية مبنية على الاحترام مو فرض الاوامر ...
 
خير وش يحسس فيه . قولي له روح اسال اقرب حرمه عن العرووسه وعفسستها قبل الزواج وبعدين تعال احلف ع راسسي


خليكي قووويه وفهميه ان هذي بدايتها وانا مو ببيتك وتهددني بالطلاق اجل وانا ببيتك وش بتسوي


قولي له انا ماراح اقول لاهلي عششان هم طايرين فيك بالسما بس مافي مبرر تمتنعي اخلص اغراضي . مو عاجبك اطلع راقبني

بس خرجه بخررج وانت سوي الي تبيييه وفهميه ان الحلفان الكثير مو من الرجوووووله




او اخرجي بدون مايدري وريحي راسسك
 
طيب بسيطة قوليله يازوجي العزيز ياحبيبي ياحياتي ياروحي ياعمري

تعال وديني المكان اللي ابغاه عشان اخلص اموري ... واذا قال لا أو مرة إيه ومرة لا

قوليله خلاص اذني معاي واعطيه ثقة من ناحيتك عشان يطمن ... عشانه جنوبي ما بأقلك

حاوريه واقنعيه لكن استخدمي معاه العاطفة والتمسكن وإذا ما فاد حاوريه وخليه يقنعك ايش تسوي ...​
 
الله يسعد من رد علي

انا ابغى حل يرضينا

وماابغى ادخل حياتي في بدايتها مشاكل

ابغى اكسبه
 
اتصلي فيه او ارسلي مسج .قولي انا احبك واموت فيك بس ما احس معك بالامان ع كل اختلاف بيننا تهددني بالطلاق انا حابه احس بالاستقرار .احنا نستعد لحياة زوجيه سعيده مو نبتديها بالتهديد وفرض الرأي..
وانا ماخرج للسوق لوحدي اروح مع اهلي من ماقبل ماتعرف عليك..والسوق مزحوم ومليئ بالناس مافي خوف.
وعشان حياتنا تستمر ونبدأها صح من غير خلافات.نخفف من الاتصالات هذه الفتره وكل واحد فينا يكمل اشغاله وتجهيزاته .....
وزيدي عليهاشوي كلام حب وشوق ليوم الفرح ..
وكلميه من غير عناد وعصبيه وانتي هاديه وبحب ودلع واستعطاف..
الله يتمم لك ع خير.
 
اسلوبه مب حلو بالمرة يا هالانسان مصدق نفسه و الفرحة انه بيصير ريال و مسؤول و الفرحة مسيطرة على مخه شوي يا هالريال من الاول كاشف اوراقه و انتي بعدج فالبداية و الطلاق احسن ما يكون بعد الدخلة لو هو من الحين مسوي لج تجي لو يصير عندج عيال و يمل منج يا ترا كيف اسلوبه بيكون تاكدي من اخلاقه لان لو هو من الرياييل الي يخافو ربنا ما تعامل وياج بهالاسلوب
 
ااه اشوف اللي حولي ومملكني كلهم فرحانين الا انا

واهلي مبسوطين عشاني ومايدرون باللي فيني
 
الله يبارك لك بزوجك ونفرح فيك قريب ان شاءالله ياروعه

واضح انه يعشقك موت ويغار عليكِ من الهوا الطاير

كلميه باللين وغرقيه حب ودلال وكلام غزل وشوق لان هذا الاسلوب ينفع معه اكيد

كل ماتكلميه قولي له قائمة النواقص اللي لسى ماشتريتيها ووصلي له فكرة انك متململه من طلعة السوق وانك كارهتها لكن مجبوره عشان خاطر عيونه


باللين كل شي يهون غاليتي وذكاء منك انك ماخبرتي اهلك

عسى الله يوفقك ويسعدك
 
والله ياحبي كنت نفــــــــــــــــــــــــــــــــــس حالتك وترئ كله هذا من الغيره الزايده والخوف عليك ............ خذيه بالضعف والهدوء ةو الحب والدلع والصمت اذا عصب والاغراض اللي تقدري يخلصها احد غيرك يكون افضل وزعي علي خواتك واقاربك اللي تموني عليهم ............... الله يسهل عليك وتنفرج معاك .. انا فهمت طريقه بس متأخركثير لالالالالالالالالالالازم اذا رفع صوته انا اخفض واقول ابشر الا زعلك ,وصدقيني تاخذيه بصفك مع التكرارا​
 
الله يسعدكم

يارب يسخره لي


وباخذه بالهدوء والسكوت

وبشوف النهايه معاه
 
انا مع رندا كووول اسمعي كلامها زين
وزياده عليها اسأل الله العالي القدير في هالساعه المباركه يسخر لك زوجك كما تحبيه وترضيه ..والله يصلحه ويهديه ..ويتمم زواجك ع خير
كل التوفيق ياقلبي
 
انا مع راندا لازم تكلميه وتقوليله انامااحس بالامان وخايفه من الجاي لان ايشي يزعلك تحلف وتطلق يعني بسهوله تتنازل عني وقولي كلام حلو وبلين علشان يوصله كلامك وتفكيرك والله يهديه واكيد هو من غيرته فخليه يوديك
 
والله حبيبتي هالانسان مريض يبي يثبت رجولته عليك ..وبينتي له انك تحبينه وتخافين منه ...
اذا كلمك قلي رحت السوق وقضيت وووووو ...اذا زعل قلي انا ماسويت شي غلط تبي اطلق طلق ..
وقفلي بوجه وشوفي النتيجه اذا ما احترمك وتعدل ماكون بنت ابوي ...بلا حبيبي بلا كلام فاضي...
شافك ضعيفة واسلوبك هش ...فقام يتمادا...
 
كتير فرحان عحاله صار متزوج وبيهدد بالطلاق وعفكرة هو متمادي لأنه شايفك ساكتيله وبتسايريه خبري
أهلك واللي يصير يصير يا فتاح يا عليم بده يفرض كلمته ومو عارف شلون
 
بعدچ على البر يا عيوني دام هذه البداية شنو بعد الزواج...بداية ما تبشر بخير ... اسمحي لي على الصراحة بس لازم تفكررري قبل الزواج
 
بصراحة انا اشوف اذا انه يتأمر من الحين ويهدد بالظلاق وما ادري ايش فانا من رايي انك تفكرين بالموضوع زين
اذا وانت عند اهلك ما حسب لك حساب ولا فكر انك ممكن تقولين لاهلك وما اظن يفرق معاه هالشي يهدد بالطلاق اجل لا كنت في بيته وش بيسوي فيك
اظن بيحدد لك وقت للنوم ووقت للاكل ولو تاخرتي بيهددك بالطلاق
انا اشوف يا انك توضحين له الموضوع وانه ما يصير يهددك بالرايحة والجاية قولي له المفروض هذي اسعد ايام بحياتي بعد الملكة لكن تدري انك خليتها اسوا ايام بحياتي لأني ما احس بالامان واخاف منك وانت بعيد كيف لا صرنا في بيت واحدقولي له كل الناس مبسوطين بزواجي الا انا خايفة هذا هو اللي انت تبغاه والا ايش الا تبغا توصل له بالضبط قولي له ان الحياة الزوجية مو سيطرة وفرض راي لا الحياة الزوجية تفاهم واخذ وعطا

قولي له انا ترا صرت افكر جديا بموضوع زواجنا

هدديه انت هذي المرة قولي انت باسلوبك هذا قاعد تعطيني فكرة مصغرة عن حياتنا بعدين ومو هذي الحياة اللي انا ابغاها لازم افكر بموضوع زواجنا من جديد لاني ما ابغا ارجع عند اهلي بعد كم سنة بعيال او اني اقعد عندك جسد بدون روح بس عشان العيال
وشوفي وش ردة فعله واذا والله ما عطاك وجه ولقيت انه ما فيه تجاوب منه قولي لاهلك ما فيها شي لا تقولين ما ابغا ادخل اهلي بيننا هذا لما تكونين عنده صح لاتدخلين اهلك لكن دامك لسا بنت قولي لهم بسس شويه شويه مو تعطينهم على وجههم

وانا مو مع الاخوات اللي يقولون سايريه وما ادري ايش هذا النصايح تنفع لو ان الفاس قد وقع في الراس وتزوجتي لكن انت لسا عالبر
استخيري الله مرة واثنين وثلاثة في تركه وشوفي

هذا رايي وان شاء الله ما اكون كثرت كلام
 
الحالة
مغلق و غير مفتوح للمزيد من الردود.
عودة
أعلى أسفل