ساعدوني مليت من نفسي .. !!!

[شمعة الدنيا]

السلام عليكم ورحمة الله وبركاته

شلونكم خواتي

بغيتكم تساعدوني وتشوفولي حل بمشكلتي

((الســــــــــــــــــــــرعــــــــه))

اي مشكلتي السرعه انا بكل شي يخص حياتي متسرعه بقراراتي سريعه بزعلي سريعه برضاي سريعه حتى بألامور الحياتيه واليوميه سريعه

صحتي تدهورت والسبه هالسرعه حتى بسياقتي سريعه اي والله جم كاميره تصيدني على الخط والسبه السرعه

احس اني مو طبيعيه واذا صار اخر الليل وحطيت راسي على المخده ابي انام بسرعه لازم انام الحين صج تعبت وبعدين اقعد افكر انا شنو المفيد اللي سويته بحياتي او بيومي اللي مر كل شي سويته بسرعه بسرعه في الشغلات اللي ضبطت وفي الشغلات اللي فشلت فيها
وانا السبب لاني ماعطيت نفسي فرصه وترويت وفكرت عدل

حتى ولدي الصغير ماافكر قبل لااعاقبه وتلقين ايدي تسبق افكاري وأطقه وبعدين اندم وابجي

زوجي لاحظ هالشي فيني واخاف يمل مني

ياربي صج صج افكاري مخربطه وعقلي مشغول ابي احد يساعدني او يدعيلي انه الله يعطيني الحكمه والرويه بأموري وحياتي

طالبتكم ياخواتي

ومشكورين لسعه صدركم

مع السلامه

 

[محتاجةلطفلة]

الله يعينك يارب وانا كمان ازعل بسرعة وزوجي طفش من الزعل

 

[وفاءأمينة]

هلا بالغالية

كنت مثلك حياتي بس نحاول نتغير قدر الإمكان

نصيحتي ليك كثري من الإستغفار،

أعطي لنفسك مجال للتأمل

إسئلي نفسك ليش العجلة؟ الشغل ما راح يخلص و الدنيا ما راح تطير

في التأني السلامة و في العجلة الندامة

حبيبتي التسرع مو حلو على الأعصاب و لا الصحة

اللحظة اللي تعدي من عمرنا ما ترجع

حاولي تعيشي كل لحظة و استمتعي بيها و أعطي كل عمل وقته هدئي نفسك تريي بقراراتك

خليك كول
و الله يسعدك و يوفقك