ساعدوني :( ..... محتارة بهدية زوجي

[قلــ سعود ــب]

السلام عليكم ورحمة الله وبركاته ​

أنا بغيتكم تســـــــــــاعدوني ​

متوهقه بهدية زوجي ​

أبي اهديه قبل العرس وما باقي على زواجي غير أقل عن شهر ​

ياريت تعطوووني أفكاركم وتساااعدوني ​

بس ســـاعة ما ابي اشتري لأنه ماشاء الله ماخذ ساعه وغاليه كتير وميزانيتي ما تسمح أخذ له أغلى من ساعته ​

ابدعوني بأفكاركم الحلوه .......؟؟​

 

[كرز99]

خذي سبحه حجر حلو
او عطر
كبك ماركه
قلم ماركه
محفظه ماركه وحطي داخلها اسمك او صورتك وانتي صغيره وتكون دايم معه

 

[ورد مجروح]

أأأأممممم شوفي وش ميوله وش الأشياء اللي يحبها مثلا لو يحب الألييكترونيات جيبيله أحدث جهاز يحب الرومانسية جيبيله شمع مطبوع عليها صورته,,, وهيييييك,, شووو رأيك؟؟؟؟؟؟

 

[مهرة 0]

حلوة فكرت المحفظة والسبحة

 

[يا الزين]

...

أشتري له مجموعة شاور جل وكريمات حلاقه وجسم ووجه تجي كاملة زي حقت العرائس بس للرجال مع بجامة وروبها وسليبر
حسسيه انه حلو الإهتمام لأنه عندن هنا كبت لو فكر الواحد يهتم اللي حوله يحسسونه أنه إنتقاص من رجولته ​

 

[شذا الأزهار]

عطر مع لوشن ...شوفي عطور لانكوم الرجالية تجننن وخذي منها طقم.

نظارة شمسية


الله ييسر لك أمرك ياقلب س وجميع العرايس

 

[قلــ سعود ــب]

مشكــــــــــورين على نصايحكم الحـــــــــلوه

باخذ من كل وحده فكــــرة وبجمعهااا في بوكس

إن شا الله الاقي فرصه



الله ييسر أمور زواجكم يارب

ويسخر لكم أزواجكم ^^​

 

[قربك جنون]

مرحبا
حلو لو اهديتي له بوك ماركه كل مافتح البوك يطلع فلوسه تذكرك
او عطر عندك عطر شاريول وهاذي صورته وفيه الي لونه اسواد كمان حلو

وعند بربري عطرهم حلو لونه كذا جلد بني وكان زوجك كشخه ويعرف المحلات الراهيه روحي لمحل القاسم في العليا كانك من اهل الرياض عطورهم حلوووه والعلب حقة العطر تجنن وبالتوفيق يافلبي

 

[قربك جنون]

تبين نصيحه ع الطاير وفري الهديه الين بعد الزواج احسن لان زواجك اقل من شهر قريب خلاص

وانتي عنده الحين اكبر هديه

 

[قلــ سعود ــب]

أهلين قربك جنون

مشكــــــــــورة على الأفكار الحلوه

بروح أشم ريحة العطر


أنا مب من السعوديه حيااتوو ^^​

 

[انسه طفشانه]

مالها داعي الهديه بصراحه
لوو حابه تهديه خليها بعد الزووواج

 

[أملي في خالقي]

ماشاء الله البنات ماقصروا أعطوكي أفكار

الله ييسر لك الهدية المناسبة أهم شيء شوفي هو وش يحب واشتريله

مجموعة كريمات للجسم أشوفها حلوة ومناسبة لأنه عريس

الله يوفقك وييسر لك كل خير

 

[قلــ سعود ــب]

انسانه طفشانه


ميلاده بيصادف قبل العرس وخاطري اهديه ^^​

 

[قلــ سعود ــب]

أملي في خالقي


عجبتني فكرة كريمات للجسم


بس محتارة من وين اخذهم ............!!​

 

[احلى التفاصيــل]

موفقه

 

[يا الزين]

...

في بودي شوب عندهم مجموعة رجال وكمان محلات العطور والمكياج زي وجوه ودبنهامز وفافافوم هاذي تلاقين فيها مجموعات للرجال مع العطور​

 

[قلــ سعود ــب]

مشكـــــــــــــوره حيــــــــــــــاتووو

بروح بودي شوب وباريس غاليري ^^​

 

[فستاني ضاع]

طيب عندي فكرة بسيطة ومادري اذا تعجبك ولا
شو رأيك تاخذين منشفة وتطرزين عليها كلمة أحبك ومجموعة شور جل وكريمات ...

 

[بدوري القمر]

ااذا فكررتي بسيت عطور ولوشنس تبع ماركس اند سبنسر نااايس عطر مع لوشن مع شاور جل وباودر وافتر شيفينغ وبودي سبراي وديودرنت مغلفه داخل سله راقيه وعليها شوكلت باتشي بطريقه عشوائية وورده حمرا عليها كرت بيطلع واااو على فكره الرياييل يحبوون الورد مو تقوولون الورد للبنات بس

وفي بعد ممكن تشتري صندوووق نايس وتشترري واليت وتروحي لباتشي يحطون لك الشوكلت مع الواليت بطريقه حلووووه وراقيه​