ساعدوني محتاجتكم

[فاقدهـ امهاآ]

السلاآم ع ـليكم ورحمة الله وبركاتهـ

ما أدري وش اول بس حابهـ افضفض

انا من فتره عرفت المنتدى وكنت ادخل واقرا وربي تحسنت نفسيتي كثير :tears:

الله يجزاكم كل خير بنصايحكم ساعدتوا ناس كثير وانتم ماتدروون

انا بنت ماتزوجت الى اللحين كنت الحمد لله اخدم امي وارعاآها والحمد لله ماقصرت عليهاآ بشي باذن الله

من ثلاث سنين توفت امي بين يديني والحمد لله صبرت وما جزعت (( اللهم اجعل مثواآها الجنه واجمعني بهاآ في مستقر رحمتك))

المشكله في خواتي وكلامهم اللي مايرحم

لان كل اللي اصغر مني بالعايله تزوجوا تى الشباب منهم فهم يستغلون هالكلام علشان يجروني

دايم يقولون اني خلاص مافي امل اتزوج ويخافون مني اني احسدهم واحسد بناتهم اللي تزوجوا

وربي نفسيتي زفت لما امي كانت موجوده ماكنت اهتم من كلامهم لاني حاطه في بالي خدمة امي

ومو جايبه الزواج ببالي

بس يوم ماتت ماصار عندي احد اشكي له

وهم يبغوني اتزوج واحد عاطل عن العمل وياخذ مصروفه من اهله

وانا ما ابغاه :tears:

والحمد لله ان ابوي عايش وهو يحبني ومو مقصر علي بشي ويقولي لاتاخذينه انتي عندي معززه مكرمه

بس ابوي مو دايم لي وانا خايفه

انا عمري 29 سنه

الله يخليكم ادعوا لي ان الله يرزقني الزوج الصالح عاجل غير آجل
​

 

[يارب افرج همي]

الله يرحم امج يارب
استخيري ربج بالرجال اللي خاطبخ ماتدرين لو سعادتج عنده وتري السعاده موبالفلوووس
والله يرزقج بالزوج الصالح عاجلاا غير اجل يارب العالمين

 

[اوراق ملونة]

الله يرزقك بالزوج الصالح ان شاء الله

ويرحم والدتك..غاليتى لن يضيع الله اجرك

ابدا فلا تقلقى (هل جزاء الاحسان الا الاحسان)

واستخيري مثل ماقالت الاخت يمكن هو يكون

سبب سعادتك ..وان شاء الله بينور طريقك

 

[ليل الشتا]

لي عودة

 

[فاقدهـ امهاآ]

يارب افرج همي

اوراق ملونه

جزاكم الله خير بس والله انا فكرت بس وشلون اخذ واحد مايشتغل وهو يفكر انه يتزوج وياسس عائله

يعني معقوله بعدين رايح يتغير بعد الزواج ويشتغل لاني انا ما اشتغل بعد فكيف راح نستمر بالمصروف اللي ياخذه من ابوه

واذا ربي كتب وجبنا عيال كيف راح تكون حياتنا والله انا محتاره

وراح استخير واشوف وش اللي كاتبه لي ربي

ليل الشتا

بانتظارك عزيزتي

جزاكم الله خير

 

[يارب افرج همي]

موفقه ياقلبي

 

[يارب افرج همي]

الله يكتب اللي فيه الخير

 

[قلـب طفلـه]

هلا وغلا جعلك ماتفقدين غااااااالى ياالغلا,,,
اول شئ آستخيرى
ماخـــــــآب من استخار استخيرى ربك قبل الناس...

شوفى يمكن إذا تزوجتيه ربى يفتح له باب الرزق منك )كل شئ جايز

وان شاءالله ربى بيووفق بس وانا اختك,, مادامه مافيه اى شى غير انو عاطل انصحك توافقييييين لانو ماتدرين يمكن ربى يفتح له باب الرزق على يدك,,,


وقولى آمين

يارب ترزقك ابن الحلال اللى يسعدك ياحي ياقيووم ...
وتوفقك معــــــــــه

ولا تنسين الاستخاره يالغلا,,,

تحياتى

 

[اعلامية طموحة]

مرحبا يالغلا​

الله يرحم روح والدتك .. وجعلها آخر الأحزان​

بالنسبة للشاب والله انا متفهمة احساسك تماما وحتى كتبت استشارة في موضوع الزواج من أشخاص ماديتهم ضعيفة

استاذة النجده .. كيف اتزوج شخص راتبه ضعيف؟؟؟؟؟​

وحصلت تفاعل حلو من البنات وآراء حلوه​

انا اللي انصحج به الاستخارة .. والدعاء ومحد يعرف​

اذا السالفة (فقط) مسئلة ماده فتأكدي هل يبحث عن عمل ولا لا.. لازم شخصيتك ماتكون انهزامية لمجرد انك كبرتي .. انتي صغييييييره 29 سنة مب وايد ترا​

لازم تكوني قوية شخصية واقبلي بالشاب بمزاجك بعد ماتخلي والدج يسألج عن اخلاقه .. وليش للحين مايشتغل .. هل مامحصل ولا فيه عيوب​

 

[نزف]

يا الله
لا تهتمي ولا تتزوجي الا عن اقتناع
ومادام عند ابوك لا يهمك كلام اخواتك
حبيبتي لا تقللي من قيمة نفسك ابد
ف الالاف البنات اكبر منك سنا وللحين ما تزوجن
يعني بعده النصيب ما جا
الله يرزقك ابن الحلال عاجلا غير اجل يارب