ساعدوني لون بشرة بنتي بيعقدها

[رومانسيه تائهه]

هلا حبيباتي البلقيسيات
أتمنى ألاقي عندكم الجواب الشافي لما أنا فيه
عندي بنت الله يخليها لي لون بشرتها أسمر
وأخوها الله يحفظهم لي لون بشرته بيضاء ودائما تقارن نفسها فيه وكمان مع باقي العيله
كيف أعزز الثقه فيها وأقولها أن لونك حلو أبغى بنتي تصير واثقه من نفسها
أرجوكم ساعدوني :sadwalk:

 

[مستعينة بخالقي]

والله ان حالي من حالك عندي اثنين اولاد بالفعل بشرتهم بيضا ماشاء الله والبنت سمرا
سبحان الله مدري وش السبب
حتى هي تقعد تحط نيفيا بكثره اقولها ليش ماما كذا تقول ابي اسير مثل اخوي
الله يعينا على تربيتهم التربية الصالحة

 

[نبع الحنين]

نفس المشكله البنت حلــــــــــــوه بس ظالمها السمار والولد عادي وخادمه البياض .... مسكينه دايم تقول لي ماما ابغى اصير مثلك بيضا زي الجدار .... ابغى اعزز ثقتها في نفسها .. شلــــــون ؟؟؟

 

[رومانسيه تائهه]

أخواتي مستعينة بخالقي نبع الحنين
الله يعيننا شكلنا نعاني نفس المعاناه اتمنى من الأخصائيات أنهم يساعدوننا ولهم منا كل الشكر والعرفان

 

[راماالصغيرة]

نفس المشكلة لكن بنتي كبيرة 8سنوات وتفهم وتغار من صديقاتها في المدرسة ودايم تقارن بين لونها ولون اللي حواليها من خالات او عمات
ياليت الاخصائيات يساعدونا
وجزاكم الله عنا خير الجزاء

 

[همس بلقيس]

هلا خواتي انا بعد عندي نفس المشكله ودوم احاول اقول لبنتي انها حلوه ولونها وايد جميل وانه لازم تهتم بنفسها مثل تحط لوشن للجسم وتتسبح زين وكل ما تكبر بتحلو وتبيض

 

[حنين العراق]

صباحكم سُكر ومو اي لون
السكر الاسمر :msn-wink:
غاليتي شلونج ياربي بخير
وشلونها البنوتة الوردة
طبعا رح احجي وياج عراقي :sly: لانو الموضوع كلش حلو وبالمقابل دارج هواية
اتخذت الخطوة الاولى والصحيحة حبيبتي بالاستشارة
ورح انطيج راييي الي ياربي يفيدج
اول شي كولي لبنوتك الله يخليها الاغاني اكثرها على السمر الحلوين الجميلي العيون
*اسمر وعيونة وساع جتالة*:icon30:
لازم تتحدثين وياها حسب درجة فهمها قابليتها للاستماع
وحسب عمرها
ايضا حاولي تلاكين صور لهنديات وباكستانيات من عارضات او ممثلات وترويها شلون الناس تكول عنهم حلوين ومثل الكيمر وعليه دبس:msn-wink:
وطبعا مخلوط بالعسل المصفى
اذا كانت العيلة مالتك الله يخليها تحب اكل الباذنجان اكثر خضرة وخصوصا اكثر من البطاطا او اليقطين
فاضربي المثل وكولي شلون الباذنجان طيب والكل يحبه:showoff:
بعدين جيبي شوكولا بيضة وشوكولا بالكاكاو وكولي للكل اختاروا:icon30:وطبعا الكل يعشق الشوكولا بالكاكاو
واللهي ياعزيزتي في بلاد الغربة السمر شايفين نفسهم لانو البيض متوفرين هواية:clap:طبعا هذا من صالح الشرقيين
بوسيلي البنوتة الوردة وفهميها بطريقة سلسة وصدكيني رح تستجيب لكل هالامثلة
تحياااتي
حنووونة​

 

[وردة’عسل]

كل شي وله مميزات واللون الاسمر له مميزات

في كثير سمرات بس حلوات وصارواا ملكات جمال

 

[وردة’عسل]

شوفي شلون السمرات حلوات

وشوفي بعد

وشوفي تيارا هذي صج صج حلوة

 

[وردة’عسل]

وقوليلها انه وايد بيض يتمنون يصيرون سمر

 

[نبع الحنين]

مشكـــــــــــــــورين والله يجزاكم خير .

 

[رومانسيه تائهه]

مشكورين والله حبيباتي
الله يعطيكم العافيه

 

[ألماس ثلجي]

واي مشكورين بصراحة وايد أفدتوني
لكن السمرة دايما تكون فيها جاذبية سبحان الله

 

[مرت ريلها]

حببيها بلونها عن طريق الصور يعني اكتبي بقوقل ملكات جمال الاطفال السمر راح تلاقين وايد بنات حلوات وخليها تشوفهم راح تحب تصير مثلهم اشتريلها العاب باربي السمر ودايما قوليلهل وايد لون بشرتها حلو مثلج ولا تخلين احد يعيب عليها ويجرحها انا مثل سالفتج بس بالشعر ههههههههه بنتي شعرها مو ناعم بس اخوانها اسمله عليهم شعرهم حلو ودايما تحتر من اخوانها هههههههه والله يخليلج عيالج يارب

 

[.::**(همس)**::.]

الله يخلي لك بنتك ويحفظها لك ..

تدرين وين الخلل فيه ؟!!

في الكلام اللي تسمعه .. يوم يمدحون وحدة جميلة .. أول ما يقولون: بياض .. ونعومة .. وحلا .. إلخ ..

فخلاص الجمال والزين ارتبط بالبياض ..

فحاولي ما تذكرين إيجابيات البشرة البيضاء .. وبالمقابل عززي جمال وجاذبية البشرة السمراء ..

 

[إمرأة القارورة]

انا و لله الحمد سمراء قمحية اللون..من عائلة أغلب بناتها فاتحات البشرة...خاصة امي...لونها مثل لون الحليب ما شاء الله..
كنت اتضايق و انا صغيرة لما كانوا بنات خالاتي و خالاتي يقارنوا الوانهم بلوني أو لون امي بلوني...و اللي تقول وااااااو انا ابيض انا ابيض...و كأن لوني دحل يعني..بس في الداخل ما كنت اكره لوني و إنما أكره اللي يفكروه فقط...و الان صرت فوق السمار اعمل برونزر و اتشمس...و أسمع كل أنواع الإهانات الباردة من خالاتي و جدتي...كل ما يشوفوني اسوي مكياجي و اعمل برونزر يقولوا (ليش تكوّسي بنفسك؟) اي بمعنى (ليش تغبّري بنفسك؟)..رغم إني أشوف لوني حلو و لله الحمد..و مقتنعة فيه و واثقة منه فأصبحت اسمع اشياء زي (نحب ثقتك في نفسك) لول..بعدين يعني لو ماكنت سمراء كنت أكيد رحت صالونات التسمير و سمّرت بنفسي..
العندليب غنّى و قال (أسمر يا أسمراني) مش أبيض يا ابياضاني..لول...

و بعدين قاعدة مهمة لكــــــــــــــــــــــــــل البنات كانوا كبار صغار بيض سمر...الواحدة لو شافت نفسها حلوة بتفرض على الناس أنهم يشوفوها حلوة...لأنها بتكون تعكس ثقتها بنفسها...
و انا صراحة اشوف إحدى جميلات العالم سمراء إفريقية و هي الفنانة Rihana..و المكسيكية Eva Langoria..اللي ما تعرف أشكالهم شوفوا تحت..

​

 

[سلمى العمر]

بنات انا لما كنت اصغر كنت اعاني من نفس المسكلة امي ماشاء الله متل الحليب و اخوي و كل قرايباتي بس من دون غرور لما بدينا نكبر صرت انا اجمل من الجميع حتى لون بشرتي الكل يتغزل فيه و يحاولون يعملون برونزاج ليصيرون مثلي و لما رحت على اوربا لقيت البنات يحاولون يصيرون سمر موت نحنا عندنا مستحضرات التبييض و هنن مستحضرات التسمير و الله شي غريب
بعدين للمعلومة و مع احترامي للبنات الضقر لكن الرجال يحبون البنات السمر اكثر و يشوفونها مثيرة اكثر
و بعد نصيحة ربي بنتك تكون انثى سواء سمرة او شقرة و تتعلم الدلع و الغنج لانه يزيد جمالها جمال علميها البسمة تضوي وجهها

 

[هيتان]

انا بنتي الكبيرة سمراء والصغيرة بيضاء بس واثقة من نفسها لاني دايم امدحها وهي اصل جميلة واقول لونك زي لون العسل وزي الهنود جميلين وسمر