ساعدوني للمرة الثالثة

[ام نواره]

http://www.niswh.com/vb/t151124.html

السلام عليكم

عزيزاتي اظنكم تذكرون موضوعي

صار تطورات انا طرشت له مسج عشان يسامحني بس ما رد علي

واتصلت فيه ورد وطلبت منه انه يجي ويشوف بناته ونتفاهم بس قال لي على اي اساس ما عندنا شي نتفاهم فيه وطلب انه يكلم الوالده

وكلمته وتصوروا شو قال لها ؟؟؟؟؟

قال اذا برجع بنتج لازم توافق على شروطي

قال انا ابغى اتزوج عليها اذا تبغى ترجع توافق على شرطي واذا ما تبغى ترجع و تبغى الطلاق انا موافق بترجع بيتها معززه مكرمه

بعد كل هالصبر والمعاناه الي عانيته معاه ومع امه وهذه هي مكافأتي على صبري يجيب لي شريكه على قلبي ولا بعد قال بيعادل بيننا

انه احس امه كانها الزوجه الثانية يسمع كلامها في كل شي

والله تعبت شو اسوي حطاني بين خيارين صعبين

شو اختار؟؟؟؟؟؟






​

 

[مناكير وردي]

اا حاسة انه ممكن يعدل ويخاف الله فيك بعد مايتزوج اقبلي
يمكن الزواج ال2 يخليه الطف من كا ويتغير فعلا
خلي هالفرصة عذر وشوفي
ولا قدر الله اذا طلع موقفه خايس وقتها معذورة يوم تتركيه
الله معك

 

[الورده الشرقيه]

مدري والله وش اقولك هذا الموضوع فيه طلاق وانا ماابي اتحمل النتيجه
مااملك الا ادعيلك ان الله يسهل امرك ويرده لحضنك مثل مارد موسى لحضن امه
وولاتنسين صلاه الليل واكثري من الاستغفار الاستغفار الاستغفار
قال النبي عليه السلام من التزم الاستغفار جعل الله له من كل هم فرجا ومن كل ضيق مخرجا ويرزقه من حيث لا يحتسب
والله يوفقك ويفرجها لك

 

[أحبه ولكن]

الله يرده ويسخرهلك يارررب

 

[تجرح وتداوي]

والله يالغاليه مااملك لك غير الدعاء استخيري وربي معك
بس تصدقين انا اشوف ان السبب اللي سويتيه بموضوعك الاول غلطه بس ماتوصل لهاالدرجه انه يزعل كل هالزعل
ومن حركة زوجك كانه يدور على اطرف زله منك ويحط الزواج عذر له
الله يرده لك ويسخره ويمكن ترجعين له ومايتزوج ماتدرين
وانصحك شوفي نمطه وغيري من اسلوبك معاه
وتقبلي مروري

 

[نور كندا]

كل الرجال انانيين ومخلوقين من طينة الغد ر والخيانة ويلاقوا اصغر غلطة للزوجة ليعملوا يلى براسهم من راى خليكى ببيتك واقعدى على قلبه واهلكيه طلبات ومشتريات لحتى تطلع عيونو ولاتتركى البيت ولو حياتك وخليه ملزم ببناته وبيته غصبا عن راسه

 

[ام نواره]

شو يا دكتورة ناعمةشو رايج؟

 

[ورده زمرديه]

اعانك الله