ساعدوني قبل لا أروح العمرة ان شاء الله..

[زوجة أصيلة]

السلام عليكم ورحمة الله وبركاته..​

بقولكم قصتي وابيك تساعدوني..​

انا متزوجة من سنة و4 شهور والحمدالله ربي رزقني ابنوته زي القمر..
بس سالفتي هي..اني تزوجت بعد مشاكل وبلاوي..
بداية قصتي..تعرفت ع زوجي بالمنتدى وهو حبني قبل لا يشوفني وانا كانت علاقتي معاه عادي مثل أي عضو بالمنتدى..بعد شهرين من التواصل بالمنتدى والمسن صار يتعلق فيني أكثر ومع الايام بالأخذ والعطا طلع يعرف اخواني وسار رمس اخوه أكبر منه.واخوووه وقف معاه وسار رمس امه وامه يت تشوفني..
ويوم رمس ابوه ابوه مارضى وقف معارض..وزوجي أصر على رايه..بعدين يه ابوه بيتنا عسب يهدد ابوي..
وأبوي ما يحب التهديد..ابوي قاله اذا الولد شاري بنتي وبنتي تبغيه انا بوقف معاهم..
المهم يه زوجي ورمس ابوي هو واخوه وانا وافقت وابوي وافق بعد ما سأل عنه طلع خوش ريال وماعليه رمسة..وسار ابوه المخفر يقدم بلاغ عللى ابوي..وسار ريلي اتفاهم معاهم وجي..بس ابووه وااايد لعوز ريلي من مخفر لمخفر..
وراغه من البيت وطلق مرته عسب وقفت مع ولدها..
هو ليش ما يبي أولادة يتزوجووون؟؟(لانه يحب البيزات واااايد..ياخذ بيزاتهم كله وما يخلي من رواتبهم شي..وياخذ عليهم سلفيات..يعني واحد أكبر أولادة خذ عليه سلفيات لين ما وصل المليون..والثاني 800ألف وزوجي خذ عنه 400ألف)..
المهم بعد شهرين من المغامرات احنا تزوجنا سوينا عرس وكل شي الحمدالله زوجي ماخله علي قاصر..
والحمدالله مرتاحين..بس طول هالفترة ريلي يحاول يستسمح من ابوه بس ابوه كله يصده ومايبي يجوفه ولا حتى يرمسه..فالبدايه جان جده بعد واقف ضد زوجي بس مع الأيام رضى عنه وصار يحبني وااايد..
بس ابوه عنيد..زوجي يتصل فيه يطرش مسجات وكل شي بس ماشي فايدة..حتى لما ولدت قال يمكن أبوي بيستانس وطرش له مسج ولا حتى عبره..ومن قبل 3 شهور راح زوجي يودي بنتي حق قال يمكن اذا شاف حفيدته بيحن قلبه بس راغه وقاله ما أبي أجوفك..
واحين زوجي يأس واستسلم وصار ما يطيق يسمع طاريهم..
وألحين احنا بنرووح العمرة ان شاء الله فأقول حق زوجي حاول تستسمح من أبوك لانك بترووح العمرة..يقولي لا تفتحيلي هالسالفة..​

وانا ما أعرف شو أسوي..
أخاف ربي ما يتقبل من زوجي لان ابوه مب راضي..والله خايفة..​

قولولي شنو رااايكم​

 

[الوردوالياسمن]

ياقلبي زوجك سوى اللي عليه لكن انتي لا تجلسي تزني فوق راسه

صح من فتره لفتره ذكريه واتركيه براحته

 

[رجة بس برزه]

الله يهدي القلوب ويسخر أبوه ويحنن قلبه

 

[قطـــــريه]

اختي زوجك ما قصر والزمي عليه من وقت للثاني يستسمح من ابوه بس لا تصرين عليه انتي بالذات لانج كذا راح تذكرينه انج السبب ويمكن ينقلب عليج .. خليه براحته وادعي لبوه بالهدايه ومن وقت للثاني قولي له دز مسج لبوك عشان تسأل عنه هاي حقه عليه لو مارد انت سويت اللي عليك ومن هالنوع ...

 

[زوجة أصيلة]

تراني ها الي قاعدة أسويه..وهو من فترة لفترة يدز له مسج وطبعا ما كو اي ردوود غير انه عنده خوات اضغر منه هم الي يرمسون بالنيابه عن ابوهم..وكله يغلطون على زوجي وعلي واقوله اسكت وخلهم يولون..
بسس والله لو تدرووون على كثر ابوه ما يسوي فينا هو كلش مو مرتاح كل يوم مريض وتعبان وحتى اخوانه وخواته الي فنشووه وقاعد فالبيت والي سالفتهم سالفة الله يستر عليهم

 

[مكان القمر]

ساعديه على بر والده عن طريق المال بما أن الوالد يحب المال
كأن يقوم بإرسال مبلغ معين كل فترة

ونصيحة كوني من خلف الشاشة ولا تحاولي الظغط على زوجك اكثر حتى لا يقول انتِ السبب !

بارك الله فيك

 

[زوجة أصيلة]

يزاااكم الله ألف خير..

 

[popse]

الله يصلح الحال

 

[جرح الشوق]

زوجك سوا اللي عليه وزياده فلا تضغطي عليه اكثر ولا تنكدي عليه والله يتقبل منكم العمره ودعائك لبنتي بالشفاء

 

[فجروغروب]

الله يصلح من بينهم يارب

 

[مبتغاي الجنه"]

زوجك ماقصر لاتخافين الله يستر عليكم ويعافيكم شكلك اماراتيه والله يعجبني كلامك

 

[محبة مكة]

لا عادي يروح العمرة وانتي احسن لك لا تدخلي نفسك