ساعدوني في هالعشر؟؟؟

ل

لولو*الصغيرة

New member
إنضم
2009/06/03
المشاركات
257
اتمنى من كل غالية تدخل تدعيلي...
خواتي انا زوجي جنوبي وانا انسانة مثالية جدا بشهادة الجميع صار لي 3 سنين متزوجة ومافي اطفال مليت من تصرفاته واهماله واستهتاره وبروده بالعلاقة حاولت اتكلم معاه بس لاحياة لمن تنادي صبرت وهو يحبني بس مايعبر وانا احب التراب اللي يمشي عليه لكن اهماله تعبني اهمال بالعلاقة اولا واشياء وايدة احب اهله ووالدته وحاطتهم على راسي عمري ماضاقت اي احد دايما لبيه وان شاء الله لكن هو صاد عني وباخر شهرين صار ما يسأل عني يدخل يطلع ماكني زوجة لها حق ولا يسأل فيني وهجر شهرين قعدت حاولت اتكلم معاه مايتجاوب كل ماقلته في شي؟ ضايقت بشي؟ قال لا قلته في خاطرك قال لا وظل الوضع مثل ماهو تعبت نفسيتي وانهرت شكنني في انوثتي تعبت استخرت وطلعت رحت لاهلي وبعثت له مسج اني كنت محتاجه لك ومحتاجه اتكلم معاك بس واذا كنت تبيني تعال نقعد وفهمني شالمشكلة لكن لاجا ولا سأل اكثر من شهر .....تعبت اشتقت له لكن عزت علي نفسي هل انا رخيصة لهالدرجة امه وخواتممه مب راضين على هالشي لكن هو مارد شسوي ؟؟؟؟؟ طبعا دايما كنت اقرى سورة البقرة ببيتي ودي ارجع له بس خايفة مااعرف شنو يفكر فيه ؟؟؟؟
 
الله يفرج همك يارب انتي مازعلتيه خليه هو يجي من نفسه بس انتي لا تركظين وراه كل الي عليك انك تسوينه انك تتصلين عليه كل فتره وتطنن عليه بس بدون ما تلحين عليه بسوال يعني كيف حالك انا شاالله بخير لا تطولين بلمكالمه وسكري يعني سوي الي عليك وبس
 
احس اني مجروحة وايد مابين كل اللي سويته له ولهله والله وانا بالعشر ان كل خواته يشهدون اني قايمة به وكل ليلة اسوي شي والحمدلله بشهادة الكل ماعلي قصور لامن شكل ومن اخلاق انا ادري ان مافي انسان كامل لكن بقدر استطاعتي مومقصرة عليه ومع ذلك كان هدفي انه نقعد وانتكلم مع بعض واعرف شفي خاطره لكن ياخذ موقف ومااعرف شفيه ويهجر من غير مايوضح سبب شلون بيعرف الانسان اذا كان غلطان او مقصر بشي وربي يشهد اني كنت مجهزة له للعيد مفاجآت وحركات وشاريه كل شي جديد ماتوقعت اهون عليه ......بنات انا وايد مجروحة
 
الله يجزاكم خير .....بس خواتي شاركوني انا غلط والا صح ودي اعيش حياة طبيعية احس اني زوجة صابرة ومتحملة ودي بطفل حاولت ان نروح لطبيب مارضا وقال تو الناس ومع ذلك رحت وكشفت وقالي الدكتور الحمدلله طيبة ولازم كشف الزوج ومع ذلك تحملت لاني احبه لكن الجفا والقسوة لهال الحد ماتوقعت شسوي ؟؟؟؟؟؟
 
والله مدري وش اقول لك يمكن فيه شي شاغله مثلاً

عنده عماره يعمرها أوعليه دين أو مشاكل بالعمل

شوفي احدكبير يستحي منه يتوسط بينكم ويشوف وش فيه ،،

الله يفرج همك وييسر أمرك ويريح بالك يارب..​
 
الله يفرج همك الغالية بس صلي ف هالعشر الاواخر وكثري من الدعاء وانه الله يرجعه لج في سجودج
 
الله يجزاكم خير مافي شي عنده واذا كان فيه انا شلون بفهم وبعرف حتى تبرير لهالتغير وهالهجر مافي كلمه شخص قريب مني ومنه ويعزه ويحترمه قال مافي شي بس ابيها ترتاح وانا احبها وابغيها لكن من يوم ما طلعت لا اتصال ولا مسج ولارد احس اني مخنوقة !!!!!!!!!!!!!!!!!!!!!!!!!!!!!!
 
ربي يفرج كربك عليك بالدعاء والاستغفار وربي يهون عليك
حاولي انتي بعد تطنشي وتعيشي حياتك وتنبسطي
صحيح صعبه تسوينها بس حاولي وهو مصيره يصحى ويرجع لك بس ادعي الله وهونيها وتهون
 
الله يجزاكم كل خير لكن ودي خواتي اللي يعرفون الجنوبي وطباعه شلون ممكن يفكر وشلون يتصرف وهل ممكن يتخذ قرار ؟؟؟؟؟؟؟؟؟؟؟؟؟؟؟؟؟؟ودي اعرف مع اني وربي شاهد ماقصرت حتى وانا عند اهلي بعثت لوالدته فوالة لرمضان والحين للعيد وحتى خواته اشهدوا انه ماجاهم احسن من فوالتي لها والله احبهم بس مااعرف شفيه
 
الله يفرجها عليكِ يا رب.... شوفي حبيبتي بكون صريحه معاج... طلعتج من البيت غلللللللط... ما كان في اي هواشه او زعل يستدعي انج تطزعين من البيت.... انتِ قزتي صارله شه ين متغير.... هذا مايسمح لج انج تطلعين مم البيت.... تلاقينه الحين يقول في نفسه "انا ما عصبت عليها.... ما تضاربت معاها... ما رفعت ايدي عليها..... ليش تطلع من البيت بدون سبب؟؟؟؟ مثل ما طلعت و راحت بيت اهلها بنفسها،،،، ترجع بروحها" .... ما يجاملج اختس بس هذا تفكيره..... المفروض و انتي في البيت كنتِ تدخلين احد كبير من بينكم.... الله سبحانه و تعالى قال بما معناه و حكم من اهله و حكم من اهلها..... تقعدون قعده و تتناقشون وتقولين اللي فخاطرج قدامه و قدامهم و تتناقشون... و لازم فيوقفه حازمه بالنسبه للانجاب.... خليج صريحه مع نفسج.... انتي مستعده تعيشين بدون اطفال.... انا متأكده الحين ان في بنات بيقولون "و هي شو يضمنها انها بتتزوج واحد يعد ما تتطلق و ان هذابعد ما بيكون فيه عيب" حبيبتي الارزاق بإيد رب العالمين.... يس ابيج تذكرين شي واحد... هذا الشي انتِ بنفسك كتبتيه هني... اذا قبلتي تعيشين معاه بدون أطفال لازم خلااااااص تقنعين نفسج ان هذا نصيبج.... مو تقعدين تقولين انا حرمت نفسي علشانه.... و بعد ما بين في عينه.... حبيبتس هذا قرارج و هو ما اجبرج تعيشين معاه.... آسفه اذا كلامي يضايي بس هذا الواقع لازم نتحمل نتيجة قرارتنا و ما نذل الناس او نمن عليهم....
الحين كيف نحل المشكله اللي انتي شويتيها.... خلينا نعترف بهالشي.... هو ما جبرج و طردج من البيت.... (صح تصرفاته صعبه و الهجر ما يجوز بس هو ما طردج) انتي طلعتي بنفسج..... اتصلي الحين عليه و تكلمي بدلع..... "حبييي ما ولهت علي.... اذا انت ما ولهت.... انا الشوق ذبحني.... انا الحين ارتحت (لان الناس يوم سألوه قالهم ما صارشي انا بس ابيها ترتاح).... ودي أعيد فبيتي..... ممكن تمر و تاخذني..... ابي اكون اول وجه تشوف صباح العيد...

و يوم بترجعين خلييييييج عااااااديه و لا كأنه في شي و سوي كل المفاجآت اللي خططتي لها و بعدها بأسبوعين او ثلاثه .... مب أقل... اعزميه على مطعم و تكلموا..... وافق يتكلم كان بها..... ما وافق..... فحكم من أهله و حكم من اهلها و تحلون الموضوع ان شاء الله...

اقولج هالكلام لاني جنوبيه..... و الله اللي يبيعني برخيص ابيعه بالترااااب.....

طمنيني عليج اختي
 
اسمحيلي عالاخطاء في الكتابه قاعده اكتب من المحمول

الله يوفقج
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل