ساعدوني في تحديد نمط زوجي ؟.

[بنوتة زايد]

السلام عليكم ورحمه الله وبركاته ...

أخبااااااااركم ياحلوووييييين ....


الصراحه وايد اسمع واقرأ عن انماط الازواج ...


بس بصراحه بغيت رايكم هل تتوقعون هالشي مفيد ؟؟؟ يعني بستفيد في شو لو حددت شخصية زوجي ؟؟؟

والصراحه فيني فضول اريد اعرف شو شخصية زوجي ؟؟؟


بعطيكم صفاته ياليت اللي تعرف تقولي هو من اي شخصيه ؟..





في حاله الزعل :

يزعل بسرعه خاصة اذا تميت اناقشه فالموضوع ... مبدأ دايما قولي ان شاء الله ولا تناقشين..

واذا زعل .. على طول يغير اسلوبه يعني يعاملني ولا كأني موجوده قدامه .. يعني يتم ساكت واذا كان محتاج شي لو يموت بس مايتكلم معاي ...

يطول وااايد في الزعل من 5 ايام الي اسبوع ومرات اكثر ولازم أنا اللي أبدا واراضيه ..

يعني سريع الغضب وبطئ الرضا..


من ناحيه اخرى احسه ناكر الجميل وايد يعني اذا طبخت ونظفت وسويت عادي بعد فتره يقولي متى انتي اصلا طبختي لي ... هالطبع اللي فيه واااااااايد يتعبني ....

من ناحية أناقتي :

أحسه شديد الملاحظه يعني اي تغير بسيط اسويه في عمري يلاحظه والحمدلله هالصفه الزينه فيه يحب اني اكشخ له ويعجبه أناقتي ...


من ناحيه الدلع وحركات الـ.... :

تعجبه جرئتي ويحب التغير ...

بس الصراحه عندي معاه مشكله يعني في بداية الزواج هو عودني اني انام في حضنه... بس بعد فتره ماادري ليش يقولي لاتنامين في حضني انا حران ولا اريد اتحرك على راحتي ...
ويوم ابعد عنه فتره وماانام في حضنه يقولي ليش صرتي ماتنامي في حضني نفس قبل يعني محتاره معاه .. والصراحه انا اذا تعدوت على نومه معينة مااقدر اغير يعني يا اني اتعود انام في حضنه او لا ..

مممم يلا ساعدوي في تحديد نمطه واذا في اي صفات معينه عشان تعرفون شخصيته انا حاضره ...

 

[بنوتة زايد]

مافي ولارد ؟؟.....

 

[حليوه]

روحي ل[أسأله تحدد من أي الأنماط أنتي ]في هذا القسم