ساعدوني صينية رز فرح ابنتي دمرت حياتي ارجوكم

  • بادئ الموضوع بادئ الموضوع غرام13
  • تاريخ البدء تاريخ البدء
السالفه ماتستاااااااااااهل

ودام زوجك راضي عنك خلاص اش المشكله

بس انت حاولي يرضي امه بس

ولا يهمك احد بالله مشكله على اكل وصواني ماقد حصلت

وقولي لاختك السالفه وادا طلع منها قولي لها لاعاد تعيدها

الناس مو مفجوعين على الاكل
 
انا الى الآن..ماأشوف لك دخل بالموضوع؟..والا؟.....

يعني لاااسببتي مشكله ولاتدخلتي في شي....لذا إبعدي عن مجتمع اهل زوجك هالفتره الييين تهدى الاموور وبعدين يحلها ربك من عنده.

.بس شيلي زوجك على كفوف الراحه...بيني له انك يثمر فيك المعروف..
 
اسال الله ان يصلح بينكم لان رضاء الوالدين سعاده في الدنيا والاخره ودعاء الوالدين مستجاب طبعا ليس على المظلوم
وعليك اختي ان تتصلي في اختك وتفضفضي عليها وماتبيني انك عارفه من اللي اخذ الصواني وان اهل زوجك يقولوا وحده وشفناها اخذت ثلاث وشوفي ردت فعلها وخليها تشركك بالحلول
 
الي عملته حماتك مو مشكلت صواني الاكل
الي عملته كلام وبها تحكيلك اياه وتسمعوا الك ولزوجك .....................
الغلطه غلطت اختك وانتي غير مسؤوله عنها حتى لو اختك الي غلطت انتي ما الك دخل تنسبي وتنهاني بطريقه مباشره او غير مباشره
انتوا انسوا شوي الموضوع وان شاء الله النفوس بتهدا
وزوجك بالنهايه هاي امه ولو غلطت عليه بيرجعوا بيتصالحوا.................وكأن شيئا لم يكن
وانتي الي بتاكليها بالاخر فاطلعي من الموضوع واتركيهم يحلوا الخلاف بينهم.................
 
عزيزتي

الموضوع مو مستاهل على صواني بالعافيه على اختك وزوجها

وام زوجك خذوها على قد عقلها وابعدو عنهم فتره لحد ماتهدى الانفس حتى لو طال الزمن


مصيرها ترضى


وانتي مالك دخل بالموضوع وحاوي تكوني حياديه ولاتتكلمي عن اهل زوجك امام زوجك


بالتوفيق
 
ام زوجك مبين مضيعه العقل اعتبروها خرفت ولا تواخذوها وانحلت المشكله راضوها زي ماتراضون الطفل الصغير
 
ربي يفرجها علي وعليك وعلى أمة محمد صلى الله عليه وسلم​
 
يؤ يؤ يؤ كل هالمشاكل عشان صينيتن رز شووو هالبخل وشو هالطمع والجشع


الحين المعازيم ما كلوو واشبعووو وانتهى الفرح طيب ليش الخوض في الماضي وليش تسمحي لحماتك تطولها وهي قصيره اصلا هي باين عليها تتلكك من اول ما وقفت في فرح بنتك وهذا قصور منها المفروض تفرح لبنت ابنها وقاعده تعد الصواني من البلكونه ههه -- وسلفتك نقالة حكي وراعية مشاكل يعني اشتغل الحسد بعد هالفرح -- اختك طماعه استغلت انشغالك وكان من وقتها لما عرفتي قلتي رجعي صينيه عيب قدام المعازيم -- انتي للاسف ماعندك حسن تصرف ---- المفروض لما حماتك احرجتك قدام زوج بنتك كان قلتي اختك عندها ظروف ماديه صعبه وكان جايهم ضيوف ثاني يوم وتبي تاخذ من الصواني مساعده لها ثاني يوم خخخخخ او اي بكشه من هنا ولا هنا حسب طبايعكم وعاداتكم وبعدين زوج بنتك مثل اابنك ليش كل هالاحراج وضحي بينك وبينه انه اختك وضعها صعب واستئذنت من زوجك وخلاااااص -- ليش كل العايله تزودها شوي ما صار شي الحمدلله الناس تصير لها مشاكل عجيييييييييبه في افراحها وحماتك احكي لها شو حارق رزك عالصواني لا همك الفرح ولا همك نرفع راس زوج بنتي واهله على ايش الزيطه والزنبليطه ........

كملي ...بس بسئلك الصواني كيف حجمها يعني بتكفي لكم شخص وصواني رز عادي او بالحم .؟؟

 
(اذا بيصير طالع لاصوت وألم الناس عليه انا مابيلزمني الهامل المرة اللي بيسمع لنساوين)


...............

انتي باين عليك طيبه وما تعودتي عالمشاكل مع حماتك عشان كذا متضايقه كثير من الي حصل ..... الحل انتي تروحي لها او تبعثي لها هديه حلوه وثمينه ما تقدر تردها وتفرحها وتحكي انه هي امك وبتحبيها ومهما صار وارخي الحبل عشان الوضع بينها وبين زوجك يتعدل لانه باينه هي متحامله عليك حسداً من عند انفسهم عشان الفرح والتكاليف الي خلتها تقول على ابنها هامل ومره وبيطيع النسوان.
 
الله يعينك على المشاكل ويهونها يارب
الموضوع يبي له وقت وإن شاء الله بينحل
الله كريم أنتي هونها وتهون لاتنشيلين هم ..​
 
اخواتي شكرا لتعاونكم معي ولكن ارجو الا تحكموا على اي شىء الا بعد قراءة قصتي كاملة وتعرفون الان من ماذا اعاني ارجو منكن بل الرجاء ان نبقى على تواصل حتى عالاقل تحكمون وتساعدوني فيما اعاني المشكلة صينية رز صح مش مستاهلة ومش لازم يصير عليها مشكلة بس اللي صار بسببها مستاهل وحياتي على وشك الانهيار
 
أحلفي انكم متهاوشين على صحنين رز !!!!

خلصت المشاكل فديتج !!!

يا حبيبتي الموضوع جدا تااااااااااافه وأم زوجج مرة كبيرة وقامت تقط خيط وخيط أرحموا كبر سنها ... خلوها تبربر لين تشبع ... كلام لا يودي ولا يجيب,,

خلج عاقلة وتغاضي عن تفاهات الحريم اللي ما تخلص ,,, وقطي اللي صار ورى ظهرج .. وام زوجج روحوا لها وأشتروا خاطرها ,... ترى زوجج عمره ما يتوفق وأمه غاضبه عليه ...

كبريها تكبر صغريها تصغر ,,, لا تكبرون السالفة لأن مافيه سالفة أصلا ,,, وزوجج غلطاااااااااااااااااااااااان لو أمه تلعن شكله وتمد يدها عليه المفروض يبوس ريولها ...هاي حلوة اللبن ... هاي أمه يا ناس مب من حقه أبدااا يغلط فيها حتى لو هي على غلط ....
السكوت حاليا أفضل حل ... لا تتناقشين فالموضوع أبدا مع أي كان ... وأطلبي من زوجج يروح يبوس رجول أمه ويعتذر منها ...
يا شيخة أنا أم زوجي تسبني بدون سبب ولا اقول لزوجي رد عليها ...بالعكس أنا اللي أروح أتأسف منها على ولا شي تخيلي !! . خليها تبربر لين بكرة ما راح ينقص منج شي ...
 
حبيبتي حياتج بتكون على وشك الانهيار اذا الكلام كثر,,, اذا الكل بيتدخل ,,هنيه صج حياتج بتكون على وشك الانهيار ... أما اذا صليتي على النبي وتصرفتي بحكمة حزتها الأمور بتكون طيبة ,,,
أبتسمي لزوجج وقولي ما حصل الا كل خير وأمك على عيني وراسي وخلها براحتها تتكلم لين تشبع ... خل تتكلم عند الناس ,,,أهم شي أنتي وزوجج عايشين بسلام مع بعض ,,

قطي الناس ورى ظهرج وقطي كلامهم ورى ظهرج ,,,أهم شي بيتج ... لا تخلين كل من هب ودب يتكلم ,,, أهم شي بيتج بس ,, وأم زوجج راضوها حتى لو هي غلطانة ,,, لج الأجر فهالعجوز...
 
متابعه للنهايه الله يصلح الحال يارب
 
اف

طيب انتي وزوجك راضيين على الصينيتين

الناس وش دخلهم ؟
 
القصة خلصت ؟؟؟؟
مالقيت مشكلة الله يهديكم كله عشان صينية رز الله يديم النعمة والله الموضوع مررررررة مايسوى
الوالد مايرفع صوته على امه كيف عاد يطردها من البيت هي لو تضربه وتسبه ما فيه مشكلة لانها امه
 
الموضوع كان تافه بس انتو كبرتو المساله وصارت مشكله كبيرة
وانا حاسه بقهرك
ع العموم ظلي استغفري ليل نهار وصدقيني المشكله راح تختفي
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل