ريلي طلع من البيت زعلان مني ويبكي والله قلبي عورني اول مره يبكي قدامي
انا ادري اني غلطانه اني عليت صوتي عليه بس اساس المشكله مايسوى انه يكبره
بقولكم السالفه وانتو حكمو:انا متزوجه ولد خالتي من اربع سنين وعندي منه ثلاث عيال بنت وولدين واول ماتزوجني كنت ادرس فالجامعه سنه اولى ومانجحت والسبب حملي والوحام مع العلم اني كنت شاطره في دراستي قبل مااتزوج ومن بعد الزواج والحمل رسبت وطردوني وقلت لزوجي بكمل في جامعه خاصه ورفض رفض تام وقالي الحرمه مالها غير بيتها مع العلم انه مقتدرورضيت باللي قاله وقعدت فالبيت مع انيه خاطريه فالدراسه وانا دايما اقول ان الشهاده سلاح للمراه في هذا الزمن والزوج ماينضمن يمكن في يوم يفرك فره النعال والسنه اللي طافت قلتله ابغي ادرس قلي اووه بالله عليج سكري الموضوع مع العلم خواته كلهن مكملات دراسه وهو يشجع تعليمهن ويساعدهن بعد...
المهم قلتله بدرس وانته اليوم بتسمعني ومب كل مره تطنشني .. قاليه ماعندي فلوس عشان دراستج ..وتشادينا بالكلام لين قالي تبين هذا هوه الحال بينا ماتبين الدرب مفتوح وشليت عياليه ورحت عند هليه... وراضانيه وقاليه بسوي اللي تبينه وبدرسج على حسابيه وبحطلج دريوليه وكل اللي تبينه بيصير... ورجعت وصبرت سنه كامله ويوم قلتله السنه بدرس والحين بدى التسجيل وبروح اسجل قاليه مب على خاطريه دراستج قلتله برايه اللي في خاطرك فخاطرك وانا بدرس ولا تكلمنيه فهالموضوع وترييت فتره ولا صار اللي اباه مع انه قاليه اوكيه واللي تبينه بيصير وفتحتله الموضوع مره ثانيه الليله وقاليه انزين منوه بيوصلج وبيردج قلتله دريول هليه وانته ماسويتليه الدريوليه مع انك واعدنيه قاليه شسوي عاده تبينيه قلتله تحقق اللي وعدتنيه به قال : احسه مش من صالحج انج تدرسين قلتله ليش ...والواحد شضمنه في ريله هالايام يعيش معه ولا لأ
قاليه وش تقصدين قلتله يعني لا سمح الله حد يعلم يمكن في يوم تفرني فره النعال وش ضمنيه انيه بعيش وياك للابد ومابحتاي لنفسيه.
قالي بالله عليج هاي رمسه عاقل
وانتي حاطه فبالج اننا فيوم بنفترق .. قلتله لا بس احط سلاحي في جيبي بعدين اتطمن على مستقبليه..
قال: ماتستحين تقولين هالكلام ... قلتله : لأ لانه كلام الحق ماينزعل منه
وتشادينا بالكلام وكبر السالفه لين قاليه انا عيل ماعندي غير كلام واحد ياانا يالجامعه
قلتله هااااا قول هالكلام من الاول تبا توصل لين هنيه يعني هالسالفه كلها وهالوقعه كلها عشان تمنعني من الجامعه قول جذيه من الاول..
المهم انا صوتيه واااايد عالي يوم اتكلم ولا يروم حد يغلبنيه فالمجادله وقلتله ان دراستي اهم ومابتخلى عنها قام زعل ونش بيسري الدوام واحس صوته مخنوق بيبكي ...
ونشيتله ولويت عليه وانا ابكي وقلتله انته ليش تبا تكبر الموضوع وان هالسالفه ماتسوى اتدمر اللي امبيننا وقام هوه يبكي ويدفرني ويقوليه ما اباج وقلتله لاتطلع عشان خاطري وقالي مالج خاطر عنديه ومااباج
واناماكان في خاطري شي واباج تدرسين بس انتي اللي حديتينيه على هالكلام
وهو يبكي ويقول انتي تدخلين افكار مادري من وين تييبينهن وهذامب كلامج وهوه يدفرني يبا يطلع وانا احاول فيه وانا ابكي والوي عليه واقوله قول لااله الا الله لاتدخل الشيطان امبينا قول لااله الاالله... وطلع من البيت ومااضن بيرد واحس انه مايبانيه وخلاص انتهى اللي بينا
اتصله واغلق تيلفونه واكلمه عالمسنجر ومايرد عليه.... شو اسوي دخيلكم ساعدوني
انا عنديه عيال ماريد اشتتهم ....
انا ادري اني غلطانه اني عليت صوتي عليه بس اساس المشكله مايسوى انه يكبره
بقولكم السالفه وانتو حكمو:انا متزوجه ولد خالتي من اربع سنين وعندي منه ثلاث عيال بنت وولدين واول ماتزوجني كنت ادرس فالجامعه سنه اولى ومانجحت والسبب حملي والوحام مع العلم اني كنت شاطره في دراستي قبل مااتزوج ومن بعد الزواج والحمل رسبت وطردوني وقلت لزوجي بكمل في جامعه خاصه ورفض رفض تام وقالي الحرمه مالها غير بيتها مع العلم انه مقتدرورضيت باللي قاله وقعدت فالبيت مع انيه خاطريه فالدراسه وانا دايما اقول ان الشهاده سلاح للمراه في هذا الزمن والزوج ماينضمن يمكن في يوم يفرك فره النعال والسنه اللي طافت قلتله ابغي ادرس قلي اووه بالله عليج سكري الموضوع مع العلم خواته كلهن مكملات دراسه وهو يشجع تعليمهن ويساعدهن بعد...
المهم قلتله بدرس وانته اليوم بتسمعني ومب كل مره تطنشني .. قاليه ماعندي فلوس عشان دراستج ..وتشادينا بالكلام لين قالي تبين هذا هوه الحال بينا ماتبين الدرب مفتوح وشليت عياليه ورحت عند هليه... وراضانيه وقاليه بسوي اللي تبينه وبدرسج على حسابيه وبحطلج دريوليه وكل اللي تبينه بيصير... ورجعت وصبرت سنه كامله ويوم قلتله السنه بدرس والحين بدى التسجيل وبروح اسجل قاليه مب على خاطريه دراستج قلتله برايه اللي في خاطرك فخاطرك وانا بدرس ولا تكلمنيه فهالموضوع وترييت فتره ولا صار اللي اباه مع انه قاليه اوكيه واللي تبينه بيصير وفتحتله الموضوع مره ثانيه الليله وقاليه انزين منوه بيوصلج وبيردج قلتله دريول هليه وانته ماسويتليه الدريوليه مع انك واعدنيه قاليه شسوي عاده تبينيه قلتله تحقق اللي وعدتنيه به قال : احسه مش من صالحج انج تدرسين قلتله ليش ...والواحد شضمنه في ريله هالايام يعيش معه ولا لأ
قاليه وش تقصدين قلتله يعني لا سمح الله حد يعلم يمكن في يوم تفرني فره النعال وش ضمنيه انيه بعيش وياك للابد ومابحتاي لنفسيه.
قالي بالله عليج هاي رمسه عاقل
وانتي حاطه فبالج اننا فيوم بنفترق .. قلتله لا بس احط سلاحي في جيبي بعدين اتطمن على مستقبليه..
قال: ماتستحين تقولين هالكلام ... قلتله : لأ لانه كلام الحق ماينزعل منه
وتشادينا بالكلام وكبر السالفه لين قاليه انا عيل ماعندي غير كلام واحد ياانا يالجامعه
قلتله هااااا قول هالكلام من الاول تبا توصل لين هنيه يعني هالسالفه كلها وهالوقعه كلها عشان تمنعني من الجامعه قول جذيه من الاول..
المهم انا صوتيه واااايد عالي يوم اتكلم ولا يروم حد يغلبنيه فالمجادله وقلتله ان دراستي اهم ومابتخلى عنها قام زعل ونش بيسري الدوام واحس صوته مخنوق بيبكي ...
ونشيتله ولويت عليه وانا ابكي وقلتله انته ليش تبا تكبر الموضوع وان هالسالفه ماتسوى اتدمر اللي امبيننا وقام هوه يبكي ويدفرني ويقوليه ما اباج وقلتله لاتطلع عشان خاطري وقالي مالج خاطر عنديه ومااباج
واناماكان في خاطري شي واباج تدرسين بس انتي اللي حديتينيه على هالكلام
وهو يبكي ويقول انتي تدخلين افكار مادري من وين تييبينهن وهذامب كلامج وهوه يدفرني يبا يطلع وانا احاول فيه وانا ابكي والوي عليه واقوله قول لااله الا الله لاتدخل الشيطان امبينا قول لااله الاالله... وطلع من البيت ومااضن بيرد واحس انه مايبانيه وخلاص انتهى اللي بينا
اتصله واغلق تيلفونه واكلمه عالمسنجر ومايرد عليه.... شو اسوي دخيلكم ساعدوني
انا عنديه عيال ماريد اشتتهم ....
