ساعدوني خلاص بمووووت منه ???

[ام فيييصل]

السلام عليكم
بدخل بالموضوع بنات تخيلوا زوجي من النوع الي يستهبل علي قدام اهله ومرات يقلل من قيمتي قدامهم بحكم الاستهبال وهالشي والله يضايق ويكلمني بأسلوب خاااايس قدام اهله حتى انا استحي منهم والله
واليوم زودها وتكلمت معاه وضاربنا ومد يده علي بقوووه حسبي الله ونعم الوكيل وقلت وانا من القهر دزيته وقلت له بروح بيت اهلي وبقولهم?قالي والله لو قلتي لهم والله ماتقعدين على ذمتي وهالولد ماتشوفينه ولا تشوفيني انا ابي اقول لاهلي وبنفس الوقت مابي اقول لهم مابي اخسره وأخسر ولدي قلت له كله ولا الاحترام وهو يحب يفوشر قدام اهلي على حسابي بس مادري ساعدوني شسوي

والله اكلمكم وانا اصيح????

 

[زهـره آهـلهـآ]

والله ي قلبي مـدري شقول
ان شـاء الله البنات يردون عليكي

 

[ام فيييصل]

وينكم محد رد علي ??

 

[دلع رورو]

لوني مكانك بقولك اصلا ماعاد ابي اشوفك وابنك من صلبك ماراح يجيه شي..
وبروح لاهلي وبقولهم ويخلونه يتادب

الحين بيعرف نقطه ضعفك ابنك وبيذلك عليها على الطلعه والنازله..
وممكن هالضربه تكون بداية لسلسلات ضرب جديدخ وانتي تسكتي خوف من خسارة ابنك اللي ممكن يطلع معقد نفسيا
حبيبتي كلشي ولا الضرب

 

[دلع رورو]

هو يبي يخوفك ويشوفك اذا خفتي معناها خلاص اخذ راحته.
بس ان ماخفتي منه عرف انك قويه وهابك.

وممكن بيسوي فيها انه ما اهتم ويخليك عند اهلك بس شوي ويطفش ويمل واذا ابنك صغير حضانته لك..

اعرفي حقوقك ولاتتنازلي عنها

 

[ام فيييصل]

المشكله هو مايهمه وحلف اني مااقعد عنده لو شكيت لاهلي وانا مابي مشاكل ومابي الناس تتشمت علي والي قهرني اكثر انه قالي انتي ماتهمممميني ساعتها حسّيت اني مثل الخدامه وقلت له دام اني ماهمك ليش مقعدني عندك والمشكله انه اهلي بعيد ??اذا سكت مشكله واذا قلت لاهلي مشكله اكبر والطلاق عادي عنده وانا مابي اخسر حياتي

والله ماعرف شسوي

 

[أم نمنم]

حبيبتي من قالك لو طلقك حتاخسري حياتك أحيانا الطلاق أهون من استمرار الزواج بس أكيد مش بكلم عن مشكلتك
مشكلتك سهله مش معقده لدرجة الطلاق لو دي أول مره قصدي مد الإيد أعطيه فرصه ثانيه وقولي له إن هذا الشي زعجك جدا بدون ما تصرخ وتذكري(إدفع باالتي هي أحسن......إلخ)الله يعينك حبيبتي.

 

[ام فيييصل]

هي مش اول مره يمد يده انا سكت قلت يمكن المره الجايه بيحس وكل مره اقول ماعليه بس هالمره خلاص ماعدت أتحمل امس ضربني بقوه حسبي الله وكله يقول انتي ماتهميني دام اني ماهمه ليش انزين مقعدني عنده حسّيت نفسي خدامه

انا اهم شي عندي السالفه تنحل لازم حد يوقفه عند حده

 

[أم نمنم]

حبيبتي إنتي خليته يوصل لهذه الدرجه لإنك سمحتله يضربك مرات إيش كنت تتوقين يعني الرجال لو مد ايدك عليك مره لازم توقفيه عن حده ماينفع تقولي خليه هي أول مره لا حبيبتي حيتمادي المهم دلوقتي لازم توقفيه عن حده بس ما بنصحك الطلاق في طرق كثيره لتوقفيه عن حده.الله يعينك

 

[أحب حبك]

والله يا اختي انت في مشكلة لو سكت مشكلة ولو شكيتي مشكلة
انصحك تلتجيء لله
واولا استخيري في امرك
وبعدها اكثري الاستغفار والصلاة على النبي والدعاء واشدد ع الدعاء
هالفترة لا تتكلمي معاه ولا تتاقشي واذا سألك كلمة ورد غطاها ولا اقصري في حقوقه ولكن بصمت لا تنظري بعيونه وان نظرتي شوفيه بحزن
استخدمي لغة الجسد والعيون

شو فصيلة دم زوجك وشو فصيلتك؟

 

[ام فيييصل]

فصلية دمنا +o
الحين خلاص ماعدت أكلمه ولا شي
الا لما يجي يعتذر مع اني مااظن
والمشكله انه يسولف معاي ويضحك عادي
يمكن هذا أسلوبه في الاعتذار هههههه
ليش جي الرياييل ?

 

[أحب حبك]

انت وهو شمالي

دام هو يتكلم معاك وكذا فمعناته ان هو يريد يلطف الجو

الشمالي يقتله التنطيش وانك مع الكل تضحكين وتسولفين وهو برسمية

الحين اتوقع لازم تخليه فترة كذا شوي كم يوم واذا قال لك شو فيك قولي له انت اعلم وبصراحة انا ماتوقعتها منك ولا توقعت منك تشوه صورتك في نظري انا صبرت وقلت يمكن تفهم ان الي تسويه ينقص من رجولتك وكرامتي من كرامتك وكل مرة تعاملني باستهزاء وبمثل هالاسلوب انت جالس تسمح لهم يقللون من كرامتك وتشوه صورتك امامهم وانا اخترتك من كل الرجال عشان تحافظ علي ووثقت فيك لا تخسرني
ولازم وانت تكلميه هالكلام بهدوءوتشوفين بعيونه وبعدها تنظرين للأرض بحزن وتروحي عنه او تنشغلي بأي شي

راح يعصب وراح يقلب الطاولة عليك يمكن انت اسكتي وخليك هادية وخليه المهم تكوني واثقه وبعدها ايحتاج له فترة لين يراجع نفسه ويفكر فيك كلامك

وكل مره يستهزء فيك عند اهله طنشيه ولا تبيني لا حزن ولا شي جمدي ملامح وجهك ولكن غيري معاملتك معاه مثل الحين تعامليه برسمية وتبين له حزنك بالغة الجسد والعيون