ساعدوني خطيبي لايصلي وعصبي

ر

روح هاني

New member
إنضم
2009/11/11
المشاركات
14
السلام عليكم خواتي

بصراحه انا اليوم انضميت للموقع الاكثر من رائع ...عن طريق وحده من الصديقات

بصراحه انا من 3 اسابيع ملكت على واحد مو من عايلتنا ... طبعا هو مطلق يعني تزوج وحده واخذ شهرين معها وطلقها ...

واخذ عشره سنوات بدون زواج والان هو يكبرني بعشره سنوات ... انسان عصبي جدا ...

ولا يصلي ... واول اسبوع من ملكتنا يكلمني بالساعات ويرسل مسجات :icon26:... وبعدها صار خمس دقايق يدق ويقفل ... والمسجات ماعاد اشوفها منه ... ويكبر المسائل ويتصل انتي وينك وليش ماقلتيلي وانا طرطور ومن هالكلام :busted_red:... واذا شفت رايحه المجمع احش رجولك ماعندنا حريم يروحون المجمعات اذا تبين شئ اكتبيه بورقه للسواق وهو يجيبه لك ....

يعني انا الان مملكه من 3 اسابيع ولا كملت شهر واحس ان جميع تصرفاته معي تكرهني فيه :thumbdown:

بالاضافه الى انه اسمر اللون ومقبول الشكل وانا ولله الحمد بيضاء البشره وجميله جدا لأني فيني عرق تركي ...واهتم بشكلي وبشهادته قال انتي ملكة جمال ...ولكن معاملته معي سيئه للغايه واحنا لسا ماتزوجنا حتى ...:tears:

آخر هوشه حصلت من يومين ولاصار يتصل ولا يسأل ولاتصلت عليه مايرد على اتصالاتي :schmoll:

انقذوني انا ماعندي خوات وحيدة اهلي ولا ادري لمين ابوح اسراري ....:tears:

هذا الشخص اذا تعاملت معه بدلع قال انا الدلع ماحبه والاسلوب هذا ماحبه ...:busted_red:
واذا بكيت ولا كاني ابكي من النوع اللي مايهتم لبكاء النساء
ولكن جربت معه اسلوب التطنيش واسوي مثل مايسوي واحسه جاب شويه نتيجه ولكن مو هذيك النتيجه اللي تحل الموضوع ...

هل هو من النوع اللي يحب يسيطر مثلا على الحرمه ؟:santa_1:

وسالفه انه مايصلي واجهته فيها وسوى مشكله ووصلها لأمي .. وكبرها وعرضها ...:busted_red:
لانه وقت مالناس يصلون بالمسجد هو يدق تيلفون علي ... استغربت اكثر من خمسه مرات يكررها
وسألته .. وثارت الدنيا ولا قعدت ...

ساعدوني ارجوكم ... ربي يحرم وجيهكم على النار ​
 
وشذ1 بصراحه غريب جدا انتبهي لنفسك وحآولي تشوفين وش سآلفته واذا استمر اتركيه قبل الزواج ابرك واللي هذ1 اوله ينعاف تآليه
 
تسلمون حبيباتي ولكن مابي اتطلق وانا بنت ماتزوجت ...وعمي يقولي هو عصبي وانت تكيفي معاه وافهميه

وراح تعرفيه تغيرينه بنفسك؟

فهموني وعلموني شلون اتصرف ... اما سالفة الطلاق مرفوضه بعايلتنا .....
 
ربي يساعدك يالغلا

مااعرف ايش اقولك

بس ياستي صلي صلاة الاستخارة وخلي بابتك يرجع يسأل عنه مرة تانية وتالتة

والله ياقلبي الا الصلاة

وعن حكاية فرض الرأي قوليله ابشر ومن عيوني بس ابويا يبغاني اسوي كده>> لاتقوليلو لا في وجهه

وطالما انك في بيت بابتك فبابتك يظل مسؤول عنك

اعتقد لازم تطلعي بابتك بالموضوع برضو وشوفي رأيه
 
انا استخرت اكثر من خمس مرات وكان وقتها متقدمين لي اثنين هوا هذا العصبي وواحد ثاني

استخرت وكل ماستخر يطلع معي ابي العصبي اكثر .... يمكن النصيب انا مو عارفه ولكن هذا اللي صار معي

يعني منجد طاح الفاس بالراس ولا ادري وش اسوي ....
 
بابتي سأل عنو وقال هوا شويه متكبر وعصبي يثور ودقايق يرجع يضحك ومايشيل في قلبه

ولكن اخته قالت له لاعاد تكلمها وقت الملكه انت عصبي وهي تعبت منك ... اخته مره طيبه

بابتي داري بالموضوع وقال انتي الان ماتعرفي طبعه لمن تعيشي معاه في بيت واحد تدرسي طبعه

وتعرفي مفاتيح شخصيته وتقدري تشكليه على كيفك ... باسلوبك وبطريقتك .. لان بابا كمان عصبي

وشايف ان العصبيه مو عيب يعني في نظره ...

لكن الصلاه بيقول انه سأل عنو وانه بيصلي ... وكل ماسأله صليت يثور ولمن وصل المشكله لماما قال ان الامام اللي في الحي حقهم يخلص الصلاه بسرعه لدرجه ان الاحياء الثانيه يصلون وهم خلاص خرجو من الصلاه والامام هذا مره يستعجل ... فما ادري كلامه صح ولا غلط الا اذا رحت بيت اهله بعد الزواج وشفت بنفسي
 
حبيبتي تتطلقين وانتي على آلبر ولا ومعك كومه عيآل.؟ اسئلي نفسك هالسؤال وانتي تعرفين نفسك صبور وبآرده بتتحملين ولا شخصيتك ماراح تتأقلم معه
 
روح هاني قال:
تسلمون حبيباتي ولكن مابي اتطلق وانا بنت ماتزوجت ...وعمي يقولي هو عصبي وانت تكيفي معاه وافهميه
أنقر للتوسيع...
روح هاني قال:

وراح تعرفيه تغيرينه بنفسك؟

فهموني وعلموني شلون اتصرف ... اما سالفة الطلاق مرفوضه بعايلتنا .....
أنقر للتوسيع...



طلاق وانتي مملكة اهون من انك تطلقي بعدين

ومو كل انسان عصبي ممكن تغييره

انا ماانكر انو زوجي كان في طبع من زوجك وكان عصبي لدرجة بعد شهر من الملكة طلع وهزأني في بيت بابتي عشان كلمة قلتها >>مش فاكرة ايش هي

لكن احمد ربي مع اني ذو شخصية هادية الا اني عنيدة وراسي يابس

وممكن دا الشي اللي خلى زوجي يهدى شوية ويلين

وفعلا لو حأقارن بين زوجي في فترة الملكة وبين زوجي دحين>>فرق هائل والحمدلله

بس ياقلبي لا تخلي عواطفك هي اللي تحكمك

أدري انها بتكون صعبة عليك قبل اهلك

كلنا كنا في وضعك وفرحانين بمسمى عروسة وصعبة نتخلى عنها بس ياقلبي الحياة اللي حاتعيشيها

ماتتعلق بالفستان الابيض والاحلام الرومانسيةوالكوشة والزفة مع عريسي>>دي حياة مغايرة تماما
الحياة اللي حاتعيشيها

انا مع عمك انو ممكن يتغير بعد الزواج معاك لكن الصلاة لا تهمليها وخليك جادة واصري على موقفك

ترى حياتك مع زوجك محاتكون يوم او يومين او سنة

فكري ياقلبي

وانا من رأيي ترجعي لبيت اهلك بنت ولا ترجعي ببزورة وانتي ام
 
حبيبتي اذا انتي متأكده انو مايصلي لاتجلسين معاه لان الصلاة تنهى عن الفحشاء والمنكر ..

وش ترجين من واحد مايصلي ,, اذا مايصلي عمره مراح يخاف عليك ابدا ولا راح تحسين باالآمـآن ولاتنسين ان هذا راح يكون ابو عيالك باالمسستقبل يعني كيف بيربي عياله !؟

وفووق هذا انتي تووك متملكه يعني المفرووض يدلعك اخر دلع وش ذا الكلالام يخانقك وكذا ,,لاحبيبتي حتى لو انو عصبي مو معناته يعصب وهو توه متملك عليك اكيد انو في شي ,,!؟

وانتي استخيري واذا مارتحتي معاه تطلقي اريح لك خصووصتا انك بنت يعني لحد الأن مانفتحتي ولاحملتي منه ..

يعني حرام بعدين تتطلقين وتاخذين واحد متزوج اوكبير بسن او او ..!!

والسبب انك مفتووحه ..بلييز فكري زين ..وانا مو ضده لا بس مو معقووله ..

هذا اولها ينعاف تاليها ..

يعني اذا الحين مادلعك وقال لك الكلالام الحلو متى يقوول !؟

ومن حقك تعشين حياتك مثل اي بنت متزووجه يحبها زوجها وتحبه ..ويكون بينهم انواع الكلالام الحلو وتدلع عليه وتتغلى ..

واتمنىى تفكرين زين وتدعين ربك انو يخيرك لطريق الصح ..

وكثري اسستغفار ..والله يسعدك يارب :)
 
بس حكايه الصلاة مو متأكده منها ... يعني هوه 36 سنه وانا 25 سنه يكبرني بكثير

يمكن الامام اللي عندهم زي مايقول يخلص بدري يبغالي اتصل وقت الصلاة على اخته واشوف يخلص امامهم مع مسجدنا ولا قبل ... هذي اتحلت بالنسبه للصلاة ... لانه اوقات يأذن يقول بروح اصلي واتصلبك ...
يعني انا مادري هو يصلي ولا مايصلي ... معقوله امام يخلص قبل الناس ؟؟؟

وبالنسبه للعصبيه مو تقولين زي زوجك وزوجك اتغير يعني اقدر اغيره وانا عنيده مثلك ... زي الصلاه قلت له بوجهه انت ماصليت؟ عشان كذا ثار علي وسوى هوشه ... اما الان انا قاعده اعامله بنفس الاسلوب اللي هو يعاملني فيه
اتصل خمس دقايق اسال واقفل ... احيان لاتصل مارد نفس مايسوي فيني اسوي فيه ...
اذا قال بنخرج بكره .. اتصل عليه بعد ساعات اعتذر بيجونا بكره ناس ... يعني احاول ماحتك فيه كثير ...
احس الطريقه هذي جابت نتيجه واحس اتصالاته كثرت على جوالي ...
يمكن هو من النوع اللي يحسبني ضعيفه لان ماما قالت له بنتي من النوع اللي مو سليطه اللسان ولكن من النوع اللي دمعتها على خدها ...
وانا مشكلتي امي تعلم خطيبي بكل شئ مهما افهمها لسانها منفلت ربي يحفظها ... تعلمه بنقاط ضعفي ...
 
احمدي ربي ان الله وضح لك حقيقته رجل مايصلي وش ترجين منه مضيع علاقته بربه00مايضيع علاقتك به ترها سهله عليه

وبعدين طلق زوجته في شهرين هذي حطي عليهاعلامة استفهام؟؟؟؟؟؟ وانتي تقولين انك جميله000ان شاء الله بعوضك احسن منه00

اخشى ان تتزوجينه وتندمين بصراحه من خلال كلامك عنه هذا موكفوء
 
ولكن انا عندي مشاكل اخرى ... لاتعلمونها وبعلة الكبد ابوي رضى انه يملك لي ومارضى الا بعشرة بـ 15 الف ريال

طلبها من الخطيب ... يعني اخذ من مهري بغير رضاء مني ... وهذا الشخص الثامن والناس تدخلو واهل الخير تدخلو ووافق بهذا الميلغ يملك ... وبالقوووة... وبمشاكل وعلة كبد ...

وكل من خطبني واحد يرفضه من عنده ... ومعامله ابي لي سئيه للغايه .. احس هذا الزوج ارحم من معامله ابي لي فالبيت ... ضرب وكلام جارح يعني هذا الرجل ارحم من ابي بكثير ولكن فيه العصبيه فقط ومو كل وقته معصب ولكن مغرقني بالفلوس ومو محتاجه شئ والحمد لله لانه من عائله غنيه جدا ... يقولي احبك ويقولي كلام حلو ولكن
مايمر يومين الا لازم فيها تعصيبه على موضوع معين ...
 
ساعدوني بإخصائيه تحل العصبيه هذه .... لاتخوفوني حكايه طلاق انسوها تماما... واذا تطلقت من الرجل هذا تأكدو ان ابي لن يزوجني اي رجل ...وسوف اعنس ... لان ابي يريد وظيفتي وياخذ راتبي كله ... وانا ارتحت من كابوس ابي بعد ماتملكت على هذا الرجل ... ارجوكم لاتعيدوني لبيت والدي ... فالحياه مع والدي جدا صعبه ....
 
مـآأقــول الا الله يسعدك يــآرب ..ويهـــون عليــك ..

وانتي ياالغــلا حـآولي تشفطين عصبيته وخليك هاديه معـآه ..

ولاتعصبين معـآه لأن الحبل اذا شده هو وانتي شديتيه انقطع ..

وانتي لاتشدينه علشـآن ماينقطع ..

والله يووفقـك يارب وتعشين حياة سعيده مع زوجــك :)
 
بسكاتي اذلك وربي اثلجتي قلبي ... الله يسعدك دنيا وآخره ويوفقك ويرحم والديك ويدخلهم الجنه

وربي كلامك هداني كثير ماتتخيلي ... محتاجه دعوه منكم بس وكل الردود فجعتني ....

روحي ياشيخه ربي يسعدك ويكتب لك في كل خطوة سلامه ويحرم وجهك على النار ...
 
لا حبيبتي .. حياتك وسعادة نفسك اهم من اي شخص بالدنيا.. وليش بأي حق يقول عمك هو عصبي وتأقلمي معه... بيرضاه على بناته؟؟؟؟ حتى لو رضاها على بناته .. حرام عليه... انت الحين نفسك بنفسك ترمينها للعذاب.. ليش تستسلمين؟؟

بعدين تقولين ياليتني قعدت في بيت اهلي ولا اني اعيش تحت رحمة انسان مايرحم ... حرام عليك يا اختي..

انت القرار بين يدينك.. قرري.. يا انك تكوني تنفصلين عنه.. بس عايشه معززه في بيت اهلك.. بدون ماتكوني تحت رحمة اي رجل.. ولا تستسلمي وتخلين حياتك بين ايدين شخص مايرحم.. وقارني بين الاثنين..

وانت وضحي الفكره لهم.. قولي وش يسويبك... وايش يقول وايش يخربط...

​
 
اذا متأكده تماما انه مايصلي لا تتزوجيييييينه يمديك
العصبيه مو مشكله اذا انتي موعصبيه لكن الصلاة مهمه كيف تتزوجي كافر

وصراحه الرجال الحين مافيهم واحد صاحي كلهم فيهم عيوب مافيه احد كامل
 
اختي لاتتركين الاستخاره حتى لو انتي تملكتي

لو تستخيرين 100 مره او اكثر لين ربي يسهل امورك

استخيري بعد كل فرض
 
اختي الغالية
دائمااااااا خلي هذي المعادله في بالك ..
الدعاء+ قيام الليل+ الاستغفار+ الصدقه + حسن الظن بالله =
فرج فرج فرج وتحقيق للآمال ورضى ملك الملوووك
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل