ساعدوني جزاكم ربي الجنه (مشكلة السكن)

[أم شهلاء]

السلام عليكم ورحمة الله ...

أرجوكم من عانت نفس معاناتي وحصلت حل فلتساعدني أثابكم الله ,,,

مشكلتي (السكن)
تزوجت من سنه والحين داخله الثانيه ولدي ابن والحمد لله ...
حياتي الزوجيه مستقره حمدا لله ,,,ولكن السكن هو الشي الوحيد الي مكدرني وزوجي ما راضي يستأجر ع اساس عمله بعيد واحيانا بالشفت يعني ليله كامله فصعبه يخليني مع طفلي بروحنا ...وانا الحين متنقلة بين اهلي واهله ...

حاولت بكل الطرق أقنعه ..بس للأسف ....

ساعدوني بارك الله فيكم ...

 

[مدمنة صبر]

على حسب ماديته يمكن ما تسمح قولي له ما ابي شقه ابي ملحق خاص عند اهله وبس اما اذا ماديته لازم شقه والله يعينك عليه

 

[جفنشي بنت غوتشي]

مع كلام مدمنة صبر

 

[أم شهلاء]

ماديته تسمح ولله الحمد....

بس مثل ما قلت لكم يقول أخاف احطك انتي والطفل بروحكم لأنه دوامه أحيانا بالليل لحد الفجر,,,

 

[روعة غلا]

يااختي طالبيه بشقه هذا حقك الشرعي
واذ خايف دوري شقه قريب من اهلك او اهله
واذ لم يوجد خذي في اي مكان وقت مايروح عمله روحي لاهلك ولمن يخلص ياخذك
فهميه انك تبي تلبسي وتاخذي راحتك في بيتك
لا تسكتي عن حقك مدام حال ميسور

 

[OM ZEYAD]

اسال الله العظيم رب العرش الكريم ان يرزقك منزلا واسعا مستقلا وان يسخر لك زوجك ويرزقك بر ولدك

 

[دانة الشام]

هذا ليس بسبب كي يمنع عنك حقك في الاستقلال ببيت لوحدك.. خاصة إذا كان قادر ماديا على ذلك.. هناك كذا طريقة كي لاتبقي لوحدك في حال تغيبه في عمله .. واصلي طلبك وماضاع حق ورائه مطالب..ربي يختار لك الخير كله.

 

[ناصرة المظلوم]

والله أناأرى أن السكن حق شرعي لك ويحفظ لك خصوصيتك لازم تقنعينة وتفهمينة وجهه نظرك واللع يعينك

 

[أم شهلاء]

جزاكم ربي الجنه ع الردود الطيبه ...
كل الي قلتوه سويته يا اخوات ,,,
ربي يسخر لي زوجي ويحنن قلبه ع هالمسأله ....

الي عندها رأي أخر تساعدني بارك الله فيكم ...

 

[بنوتة بلادي]

قولي له وقت ما تروح العمل... أحد من اخواني او اخواتي يبات معي... او احد من اخواتك تبات معنا... في مية طريقة و طريقة احلها يوم تروح الدوام...

قولي له انج مب مستقره و الولد بعد مب مستقر كل يوم في محل...

قولي له يدور شقه او بيت قريب من بيت اهلج او بيت اهله... و الدنيا الحمدلله امان...

و مثل ما قالت دانة الشام ما ضاع حق وراه مطالب...

 

[تشكرات]

ربي يعينك ويشرح لك صدرك ...

طالبي بالسكن وبحقوقك ولا تستسلمي ...واذا أمكن لك خذي أخوك

يعيش معك ....وان شاء الله زوجك يقتنع ( مادام أخوك معك ) ..

 

[القوية]

تدلعي عليه وقولي له بأخذ راحتي معك باللبس وأختاري الوقت المناسب لمناقشة زوجك........وأختاري أحب الالفاظ الى قلبه..........ولا تيأسي لأنه أمر من أبسط حقوقك وتوكلي على الله.........موفقة

 

[اللهم ازل همي]

اصبري الحين ولدك صغير بعد 8 سنين قولي له واصري على بيت لحالك ماتتنازلين وكمان يكون الولد كبر

 

[أم شهلاء]

بعد 8 سنين يا شيخه !!!
ما أدري أعيش ولا أموت لذاك الوقت ....

عامل الوقت مهم لأن انا احيانا من الظغط اناقشه فاوقات لا تجدي فايده الا عناده أكثر ...

ما ينفع ابات عند اهلي لان عمله فالعاصمه بعيد وايد عن الشرقيه ...

أريد حلول مجديه أكثر يا اخوات ..بارك الله فيكم ؟؟

 

[مدمنة صبر]

قولي له ان الله معنا ومتوكلين على الله تثق بربي؟!!! يمكن يصير محرج

واذا جيت تطلع استودعنا الله والله خير حافظ وباذن الله بيوافق الله يكتب لك اللي فيه الخير استخيري قبل تطليعن وادعي كثير

 

[قمر بلامنازع]

الله يكون في عونك يارب ,,
ويحنن قلبه ..​

 

[أم شهلاء]

بارك الله فيكم ونولكم كل خير ا أخواتي ...