ساعدوني تكفون صديقتي بتضيع ..وش اسوي؟

[*ام نوف*]

صباح الخير.. بخش بالموضوع مبااااااشره

واللي بتساعدني لها الاجر انشاء الله.

انا لي صديقه من 10 سنوات متعرفه عليها ووالله انها علي اعز من روحي
وكانت ايام الجامعه في قمة الادب والدين وكنت احس انها جدا محترمه وحبيتها من كل قلبي
وكانت في بيتها وطبعا اقصد بيت اهلها لانها مو متزوجه وكانت شديده على اخواتها وحازمه ومعتمده امها عليها بشكل كبير
ووالدها مشلول وبالمستشفى من سنين وهي اكبر اخوانها
المشكله اني انصدمت فيها بشكل مو طبيعي وبنفس الوقت خفت عليها
تعرفت على شاب مايخاف الله عن طريق الاسكايبي وحبته حب في نظري وهمي ومتعلقه فيه لدرجة انها وصلت لمرحله اكبر من الشات وتواعدوا وكانت اول مره وتقابلوا عند مستوصف وركبت معاه وعزمها بمطعم ووصلت بهم الجرأه انه يقبلها وانه يحاول يمسك اجزاء جسمها ...
البنت زاد تعلقها فيه .....
حرام تضيع البنت في لحظة ضعف والله يستر المره الجايه ايش راح يصير
بنات ايش اسوي

واجبي اني اسوي شي بس اخاف بدل مااكحلها اعميها لانها لوضيعت نفسها بتضيع اخواتها معاها
والبنت مالها الا شرفها وامنتني ان هالكلام بيني وبينها
وانا بصراحه ماابي اوقف مثل الشيطان الاخرس

تكفون اللي عندها حل تكفون فزعتكم

الله يسترنا ويستركم ويستر عيالنا دنيا واخره

 

[كلي حلى]

انصحيهاواذكريها بالله وخليهاتسمع قصص عن غدرالشباب بالبنات

الله يهديهاان شاءالله

 

[ام شيومة]

ذكريها ان الله عز وجل يراقبها وين بتروح من عذاب ربها وهي تطلع ويه ريال غريب ولازم تفكر في اهلها اللي راح ينفضحون وبتيب لهم العار

 

[ميموريز]

لا حول ولاقوة إلا بالله

مدامها وصلت لهالمواصيل

انصحيها واذا ماسمعت كلامك لازم تعلمين أهلها