ساعدوني ......تراني محتاره منو اهم ريلي و بنتي و لا دراستي

[حبيتك]

هلا خواتي.............اخباركم؟؟

بغيت افضفض لكم و بالمرة استشيركم و اسمع نصايحكم

انا انا امعرسه من سنه و عندي ابنيه و تقريبا باقلي 3 اسنين ونص في الجامعه ....بس هالفترة مب مهتمه بريلي ابد....بس بداستي و بنتي و حتى نفسي مب قادره اهتم فيها.....فبعد ما صليت استخارة قررت اودر الجامعه و اريح ريلي عاااااده .......و خصوصا انه تقريبا وافق نطلع بيت روحنا .... تقريا يعني احتمال مب اكيد ........... بس اليوم استوالي موقف رفعلي ضغطي

انا من يومين ما سرت الجامعه وعموه ياتني اليوم لين غرفتي تهاسب ... ليش ما اتسيرين تبين الناس ترمس عنا..... اقوللها كنت تعبانه ....و اتهازب وبعدين يلست اتههدنني بأمي فقلت لها امي تعرف كل شي بعدين انا مب اصغيره ............اونه شو اذا انفصلت بتوصل الورقه عند وحده اتعرفها و بيعرفون الناس..............


بسألكم منو المهم أحينه ريلي و بنتي ولا الجامعه بعدين الحمدالله ريلي مب امقصر عليه بشي و الشغل لو ابااا بشهادة الثانويه

خبروني تراني مليييييييتمن هالعمه على اي شي تخاف الناس تتكلم عنا

خبروني شو اسوي شو اقول حق ريلي...........مليييييييييييييييييييييييييت ابا افضاله اشوي

 

[نبع الحنين]

حبيبتي اذا زوجك وده تكملين دراستك كمليها وحاولي توفقين بين الاثنين ... تبين الصراحه ماراح ينفعك شي مثل دراستك .. الله يكتب لك اللي فيه الخير .

 

[دلوعه عزوز]

والله الدنيا مالها امان اهتمي بدراستك بس لا تضغطين على نفسك لا تاخذين مواد كثيرة عشان توفقين بين الاثنين

 

[راقية]

نصيحتي لج اختي ... شاوري زوجج و شوفي
حاولين تستشفين منه إذا هو فعلا ملاحظ إنج مقرة معاه بسبة الجامعة
و الدراسة .. و هل إنتي تتركين بنتج مدة طويلة بحجة الدراسة

خليني أكلمج عن نفسي .. أنا تزوجت و كان باجيلي سنتين
في الجامعة .. كملت سنة و أنا ما عندي عيال بس كنت حامل

بعدين سنة و أنا عندي ولد رضيع .. هذا كله و أنا كنت أتركهم 5 ايام
في الأسبوع .. و ما أقعد وياهم إلا آخر الأسبوع

صدق إن كان تعب نفسي و ضغط كبير على و عليهم
بس الحمد لله تجاوزنا هاييج المرحلة .. و أنا ألحين صارلي متخرجة
من 6 شهور تقريبا .. و قريبا إنشالله بتوظف بالوظيفة إلي كنت أحلم بها
و ما كنت بحقق هالشي لولا شهادتي .إلي خذيتها بعون ربي أولا و أهلي
و اهل زوجي إلي اعتنوا بولدي في فترة غيابي .. و زوجي إلي شجعني و قدملي
الدعم المعنوي الكبير .. و ما بقص عليج و بقولج إن كلشي كان بيرفكت

كان تمر علينا لحظات يأس .. و ساعات أنهار و أفقد الأمل و أقول بودر الجامعة خلاص
حتى زوجي ساعات كان يقترح علي هالإقتراح .. بس الأيام مرت الحمد لله

استخيري رب العالمين و إلي فيه الخير بيستوي إنشالله

و لا تزعلين من عمتج .. اعتبريها امج الثانية
و تجاوزي عنها و سامحيها مهما صار

 

[مسرعة بشويش]

حبيبتي الدراسه مالها داعي يعني حتى لوخلصتي جامعه ماتلقين وظيفه
اهم شي زوجك وبنتك واذا بغيتي تدرسين انتساب احسن لك بكثير
الله الله في بيتك واحمدي ربك

 

[المنقبة]

حببتي انا اشوف تكملين دراستج احسن ما تعرفين الظروف بشنو تتغير و انتي لج القرار في الاول و الاخير

 

[فطوم حيص بيص]

3سنين ونص والله تمر بسررعه ما تحسين فيها والله انا بدأت اكمل دراستي بعد زواجي
وكان قدامي 7 سنوات:no: والحمد لله الحين باقي لي ترم واحد بس:clap: الله يعديه على خير
بس كانت تمر علي فترات كثيره أيأس :surrender: واقول خلاص:e076: ببطل من الدراسه
لكن الحمد لله هانت راح االكثير باقي القليل
اسمعي نصيحتي وكملي دراستك
الله يوفقك

 

[وردة الحجاز]

حبيبتي الدراسه مالها داعي يعني حتى لوخلصتي جامعه ماتلقين وظيفه
اهم شي زوجك وبنتك واذا بغيتي تدرسين انتساب احسن لك بكثير
الله الله في بيتك واحمدي ربك

يا اختي وازني بين الأصلح لك ولزوجك وافعلي ماترين فيه الخير بعد الاستخارة

وزي ما قالت الأخت لو تدرسين انتساب افضل لك ولزوجك ولبنتك

 

[شمعة لا تنطفيء]

ما فيها شي اذا كملت دراستك وكل الحريم يكملون دراستهم بعد من الثانوي ومن الاعدادي مو من الجامعه بس
ودراستك اهم من كل شي بالدنيا
عمتك خايفه عليك هذا يزاها بس هي حرمه عوده ويخونها اسلوبها
وهو عارف انك تدرسين واكيد عاذرك

 

[بريق الألماسة]

الدراسة أولا

وحاولي توفقين بين حياتك الاسريه ودراستك

حبيبتي الدنيا ماينقال عليها

خوذي الشهاده ولاتوظفين

بس الشهادة ضروريه وأستشيري زوجك بالموضوع

 

[nice ** heart]

أختى دراستك ثم دراستك ثم دراستك انا تزوجت زوجي قبل ماادخل الجامعة وكملتها الأن احط راسي على المخدة مرتاحة شهادتي عندي
والرجال ماتضمنيه في يوم تلف عليه وحدة مايشوفك شي واحمدي ربك ام زوجك تبغاك تروحي الجامعة بس ممكن على قول الأخوات خانها التعبير
ومهما اعطاك زوجك مو كل شي يقدر عليه يعني إذا جا عندكم اطفال كثير اكيد راح يقصر عليك شوي
والواحد مايضمن الزمن ممكن الزوج يموت فجاة بسم الله على رجالنا لكن اقولك قصة اخوي والله ماينقص على مرته يسفرها ويملي البيت اغراض واكل ويشتريليها اللي تبغاه ومدلع عياله يوم في الليل راح يشتري شامبو دعسته سيارة قدام بيته ومات تخيلي وهو صغير يعتبر ومرته ماعندها شهادة وواحد من جماعتنا قال لو عندها شهادة اليوم قبل بكره اجيبلها الوظيفة لكن ماعندها شهادة
و صدقيني إذا اليوم فيه وظايف للي عندها شهادة ثانوية بكره مافيه
عارفة اني كثرت عليك لكن انتي فاهمة وتعرفي المشاكل في المنتدى وكيف الرجال يتغيروا ومااحد يضمنهم وإذا صار فيه شي مااحد شايلك
ياما جات فترة وتعبت لكن قلت مستحيل لازم اكمل وانتي لازم تكملي واهم شي دراستك
وبنتك عندك ام زوجك الله يخليها وامك ونظمي وقتك عشان برضه زوجك ماتنشغلي عنه
وشكرا

 

[أم تونه]

يا قلبى شنو المشكله اتكملين دراستك اذا زوجك راضى .............انتى احسن من غيرك بعض الازواج هم اللى يرفضون دراسه زوجاتهم
انا نصيحتى حاولى تبرمجين نفسج وتضبطين امورج بين الدراسه والبيت وكلها كم سنه وتسهل امورج
ترى الشهاد عزوه وظهر للحرمه لاتفرطين فيها

 

[هدوءالقمر]

احذري اختي تفرطين بدراستك والله بتندمين بعدين
واللي تقدرين عليه سويه علشان رجلك وبنتك ولا تعتبرين سبب تقصيرك عليهم الجامعه بالعكس هذا مو سبب مقنع
انتي لو حاولتي تنظمين وقتك بتنجحين بكل اللي تبين

والله يوفقك

هدوء القمر

 

[حبيتك]

تسلمون خواتي ............والله ريحتني ...................ان شاء الله بكمل دراستي و اتوظف بعد ........بغيت منكم تدعولي ........و عندي سؤال ياليت تنصجوني فيه ............ألحينه انا اطالب زوجي ببيت روحي عسب اودر المجاملات وافضى حق دراستي و مب لازم دوم ايلس عند اهل ريلي عسب ما يتكلمون و اصلا جي و لا جي انا اهتم ببنتي ادرس و لا لا فشو رايكم؟؟؟؟

 

[حبيتك]

صدموني ....ماشي انتساب في جامعتنا