ساعدوني بنات خايفه من البلاك بيري حق اخوي يدمر حياتي

[كلي احساس وحلا]

بنات انا مالجه و زوجي طلب البلاك بيري حق اخوي لان البلاك بيري اللي عند زوجي اخترب واخوي الحين مايستخدم البلاك بيري وكان عنده سوالف بنات قبل وانتو تعرفون حتى لو مسحت كل اللي فيه الكود مايتغير وخايفه تجيه اضافات ويضيف انا واثقه من زوجي بس الشيطان شاطر وانا الحين محتاره شو اقول حق زوجي لان اخوي قال حق زوجي بحطه عند اختي يقصدني انا وانته خذه منها قاله اوكي وزوجي الحين عارف ان البلاك بيري عندي شو اقوله الحين عشان مااعطيه اقوله اكتشفت ان البلاك بيري حق اخوي خربان ومايشتغل ولا شو ... عطوني حل ساعدوني

 

[&اموله&]

مافي حل غير انك تعطينه يا اختي
وصدقيني اذا هو ثقه ماراح تلعب براسه اضافه من بنت والمفروض اي اضاافه تجيه مايقبلها لانه عارف انه جهاز اخوك
انتي قوليله المهم ماتقبل اي اضاافه لان اصدقااء اخوي راح يضيفوونك يمكن وقوليله بصراحه مدري عن اخوي هذا اذا مو راعي بنات فانا اخاف عليييك ابيك توعدني اي اضااافه تجيك لاتقبلها
وبس تفاهمي انتي وياه

 

[الخط الفاصل]

لا تنبهينه لشي مايعرفه

 

[أم ميسوـوـو]

اممممممممممممممممممم

اذا مو مرتاحه لاتعطينه وقوليله الجهاز خربان واتفقي مع اخوك على كذاا

وبسسسسسس

 

[الوفيه لكن]

خربيه باي طريقه ولا من شاف ولا من دري ياقمر واستودعي ربك في زوجك

حتى لو تحطيه بماي وتنشفيه عشان يبطل يشتغل وسلميه لزوجك باحلى منظر

ان كيدهن عظيم
ولو سالك قولي مدري يمكن تاثر لما انكب عليه الكاااااااااااااااااافيي ما ادري مو متذكره وطنشي وارتاحي

 

[تفائلو بالخير]

السلام عليكم
اللهم صل وسلم على محمد وآله وصحبه


فكرة الماي حلوه ^_^

الله يعين
تحياتي

 

[ريومه 2011]

فكره الماي حلوه سويها ولاعليك توكلي على الله وابدئي الهمه

 

[mooon]

بالاساس انتي تقولين انه هو عنده بلاك بيري
يعني ههو لو بيضيف اكيد ضايف بللي عنده
شلون يروح يضيف بحق اخوج؟؟
عطيه البيبي وتوكلي بلا وساووس

 

[همم شامخة]

حبيبتي ليش ثقتك بزوجك كذا ترى تتعبين بحياتك

 

[doonat]

طيب اشتريله ايفون واهديه له وقوليله انا مارضى عليك تاخذ شي مستعمل وهذي هديه وريحي راسك00

 

[بـدويـه مـودرن]

مادري والله يالغاليه
قولي ابستخدمه وكذا
قولي ابغاه الان وصرفيه ومع الوقت ان شالله بينساه
الله يصرف قلبه عما سواك يارب

 

[كلي احساس وحلا]

انا مو خايفه من زوجي انا خايفه تجيه اضافات من البنات اللي كانو عند اخوي وخايفه يقبل باللغلط

 

[i1i]

اول شي يا عسل
اتعوذي من الشيطان ولا تحاولي توسوسي او تفكري بأفكار زي كذا لأنك تتعبين نفسك
ولو حس انك خايفه عليه من الكلام هذا بتحز في نفسه انك مو واثقه فيه
رغم اني اعرف انو خوفك ابدا ما يعني عدم ثقه بس حرص

اخيرا اعطيه الجهاز و استودعي ربنا و خلاص

 

[تؤام روحي وقلبي]

الله يعينك

 

[فلفلة]

حبيبتي
الاضافة تجي على رقم التلفون
لان رقم التلفون لما يفعل خدمة البي بي يعطيه بن كود

فبالتالي زوجك بيستخدم شريحته
بالبن حقه فما راح تجيه اضافات

حتى لو بجهاز اخوك

ولا انا فاهمة غلط؟؟

 

[red-rose 1]

انا مع الاخت moon

هو عنده كان بلاك يعني مو اول مرة يحمل بلاك
عشان كذا قوي ثقتك بنفسك
وامسحي الموجود واعطيه لزوجك وبس
ولا تفتحي عيونه

 

[طيف الروح]

الله يفرج همك يربي

على ماعتقد الاضافه تجي على الرقم حق زوجك مو اخوك صح

او البلاك فيه شريحه اخوك؟؟

ودي *)​

 

[كلي احساس وحلا]

شكرا على ردودكم بس صدق كان مضايقني وايد الموضوع

 

[الدنيا ساعة]

حبيبتي حذاري لا تنبهيه لشي ولا تهزي صورت اخوك قدامه وبعدين اذا سوى غلط وعاتبتيه تشمت فيك بأخوك
بس قوليله اخوي حسيته منحرج منك واعطاني البلاك ووجه متغير شكل نفسه ماهي سامحة ومحتاج بس ما يبي يردح ويحرج نفسه ولو معك فلوس اشتري له هدية جديد يا بلاك ولا اي فون

 

[الــغــيره]

يااقلبي خلج واثقه من زوجج

وعطيه البي بي وتوكلي على الله

ولو هو يبي يضيف بنات ترى سهله

وبعدين انتي قلتي انه اخوج حذف كل اللست اللي عنده

يعني خلاص لاتخاتين

منو هذي الفاضيه اللي بتحفظ كل شخص والبن كوود ماله


استهدي بالله ولاتعورين راسج