ساعدوني بلييييييييز

[xoox]

بصراحة ما اعرف من وين ابا . انا متزوجة صار لي 5 سنين وعندي ولدين والله الحمد وحياتي مستقره بس عندي مشكله صغيره مع زوجي . انا من النوع اللي احب اللبس واكشخ دوم بس ما احس اهتمام من زوجي يعني ما يعطيني رايه بلبسي ولا يهتم اني لبست او لا. بصراحه ما اعرف شو السبب بس وايد اتضايق من هاي السالفه . يمكن لانه تعود اني اكون دوم كاشخه وتعود على شكلي

رجاااااااااء ممكن اتساعدوني وتعطوني حل

واخلي زوجي يتكلم ويعلق على لبسي

مع العلم اني ما خليت لبس ما لبسته انا احب التغيير :icon30:

وسامحوني يمكن ما قدرت افهمكم مشكلتي بس ياليت اتساعدوني :no:

 

[ربي ارحمنا]

االله يسعدك ويوفقك ,,, وحبيبتي الرجال كذا اغلبهم مايتكلمون لكن يلاحظون بصمت........

 

[هند بنت عتبة]

حبيبتي مشكلتك تراها عادية جدا اغلب الرجا يكونون بهالطريقة يستانس من داخله بس ما يظهر الامر

انا زوجي ابد ما يعلق فصرت لي البس واكشخ واشوف لا تعليق اقوله ترا انت مزعلني اليله بس بدلع وطبعا بيسال ليش فاقوله انك دايم البس واكشخ وعمرك ما مدحت فيني ليش مو عاجبك والا تحب اكون مبهدلة احلى ... وكل مرة على هالحلة لي صار من يشوفني يمدح فيني ويقولي عشان مو تزعلين بعد طبعا على مزح ... وبهالطريقة غيرت من طبع زوجي

اتمنى اكون وصلت المعلومة لج

 

[crystal_911]

هلا حبيبتى
صدقينى فيه رجال كثير كذا مايعلقون على ملابس زوجاتهم
بس اذا انتى حابه تتاكدين اذا هو يلاحظ ولا لا
جربي فتره الك تغيرين من لابسك وخليه عاااااادى وشوفى وش رايح يقولك

موفقه حبيبتى

 

[vdhq]

هلا حبيبتى
صدقينى فيه رجال كثير كذا مايعلقون على ملابس زوجاتهم
بس اذا انتى حابه تتاكدين اذا هو يلاحظ ولا لا
جربي فتره الك تغيرين من لابسك وخليه عاااااادى وشوفى وش رايح يقولك

موفقه حبيبتى

كلام صحيح وانا مجربته:icon30:

 

[كتكوتة زوجي]

الرجال طبعهم غير عنا

 

[نبع الحياة]

خليكي كاشخه ولا عليكي منه اهم شئ انك مهتمه بحالك ومعنوياتك مرتقعه مو مهم انه يعلق

خاشها بداااخل نفسه اكيد

بس مو احسن من يخش اب نفسه وقول شنو هالبهدله؟؟؟

 

[xoox]

تسلمون حبايبي على الرد بصراحه رفعتو معنوياتي

على فكره في ايام اتمر علي واكون عادية بلبس البيت ورد عقب البس بعد نفس الشي

على قولتكم الرياييل كلهم جي ما يعبرون اللي في داخلهم

والله لا يحرمني منكم


اسمحولي على التاخير