عربجية
New member
- إنضم
- 2008/10/21
- المشاركات
- 632
الســـلآاام عليــكم .. }
.
.
" إذا عرف السبب بطل العجب "
انطلااق من هالمثل ابتدي كلامي ..
صارلي من فترة اكون مره محبطة ومره ارجع طبيعي بشكل متفاوت
بكل مره تمر علي حالة احباط احب اقعد بمكان هادي اتحاور مع نفسي كأنه حد ثاني يكلمني
حتى افهم شو اللي مضايقني وشو هي الحلول
ومن خلال آخر جلسة تحاور مع نفسي كنت اسألها شو سبب عدم ثقتي بنفسي
مع العلم انه ثقتي بنفسي قبل كانت صفر بجداره ومع الوقت تحسنت وتقريبا صار 60%
المهم في اسباب شخصية عرفت حلها ومحتاج مني مداومه
بس السبب الاهم والرئيسي هو طريقة حديثي ... اشرحها لكم
متعوده اقرا وايد بالمواضيع وقصص وجذي واحب اتثقف واستوعبها بسرعه
واحب اني افيد غيري باللي تعلمته استانس وايد بهالشي
لكن لو اجا حد وسألني عن شغله بسيطة ماعرف اقولها عدل
يعني الكلام يطلع مني ملخبط مكركب ابدا من يمين ومره من شمال انا نفسي ما افهم على نفسي
رغم اني اعرف الجواب بس مادري ليش ماقدر اقول جملة على بعضها عدله
وهالشي مضايقني وايد ويخليني مب مرتاحه بتعاملي مع الناس واقلل كلامي
افكر الف مره قبل ما اقول شي وساعات احاول اتكلم ما يطلع الكلام كأنه الخوف الجم لساني
كأني خايفه انه رايي يطلع غلط ويحكمون علي اني ما افتهم شي
وساعات احس انه صوتي ما يطلع حلو ابدا ودفش رغم انه اهلي يقولون لي صوتج ناعم لحد ما ينسمع
وساعات ما اعرف انظم الكلام عدل براسي
يعني مثلا ابي اقول كلام وايد فأحس انه كل الكلام يبي يطلع مره وحده ويتشوش تفكير
بس لو انا بروحي اكلم نفسي تفكيري يكون طبيعي ومرتب .. لكن لو حد سألني اخربط :sad_1:
مادري لو فاهمين علي عدل .. يمكن مشكلة سهلة عندكم لكنهم جد معقدتني
ان شا الله اذا حليتها نسبة كبيرة من ثقتي بترجعلي ..
فهل عندكم حل او تمرينات اتبعها واتحسن بالتدريج ..؟؟
اقدر الخص المشكلة انه متكونه من ثلاث نقط ..
- الخوف من الحكم وتفكير غيري اني ما افتهم واحب اتفلسف وبس او اطيح من عينهم
- صوتي مب حلو واحسه دفش وخشن
- تداخل الكلام علي وعدم القدرة على ترتيب الافكار لذكرها بانتظام وبالتالي يتشوش تفكيري(هذي الاهم)
- صوتي مب حلو واحسه دفش وخشن
- تداخل الكلام علي وعدم القدرة على ترتيب الافكار لذكرها بانتظام وبالتالي يتشوش تفكيري(هذي الاهم)
ونا مازلت مصره ومستمره بتحسين ذاتي .. كل ما حسنت شغله انتقل لغيرها
:idea:و ان شا الله اوصل للمرحلة اللي ارتاح فيها مع ذاتي :idea:
دعواتكم بالتفيق ... والســلآاام ختاام
.
.
اختكم عربوجه .. }
