ساعدوني برايكم تعبت

[AWSAWSA]

السلام عليكم ......
بدخل في الموضوع على طول... سامحوني
أنا متزوجه من تسع سنين وساكنه عند أهل زوجي
في غرفه وحده أنا وبناتي الثلاث
الله يحفظهن ويهديهن
المشكله الي أمتعبتني اني تعبانه من ها الغرفه
نجلس فيها طول الوقت أنا وبناتي مالي مكان
غيره واذا طلعن أشوي من الغرفه صارت الحرب
مع عماتهم الصغار والضيق من عماتهن الكبار
وزوجي دائماً برع البيت بسبب العمل والشله
وما يحس فيه الا اذا شكيتله ويقول
أيش العمل ما أقدر أستأجر بيت ظروفي ما تسمح
بس يفكر يبني قسم خاص لنا في بيت أهله
من مده عن طريق أبوه
لكن لين اليوم ماتحرك يسوي شي هوه وأبوه

اليوم تكلمت معاه في هالموضوع وصار زعل
كبير بينى ومالي خاطر أكلمه لما بيرجع البيت

والله تعبانه

وفوق كل هذا حاسه اني متزوجه زوجي وخواته
لانه الوحيد من الاولاد
وأبوهم كبير
كل مره أبا أطلع السوق مثلا أتفق أنا وهوه وأروح ألبس عبايتي وأجي ألاقي كل البيت رايح معانا وما أخذ راحتي وأرجع ونص أغراضي ما شريتها
والمشكله الثانيه
ان أهلي ساكنين في منطقه بعيد عنا يعني زيارتهم تكون في المناسبات الكبيره
والاجازات


وما عندي أحد أكلمه أو أشكيله غيركم

الله يجزاكم خير
​

 

[شمالية شرقية]

شلون علاقتك معه ؟
اشرحي اسلوبك معه بكل مصداقيه عشان نساعدك

هل هو متأزم ماديا ؟
هل عليه ديون ؟

لماذا هو دائما خارج المنزل ما السبب الحقيقي لهروبه
راجعي نفسك كثيرا
استفيدي من كل موضوع تكتبه الاستاذه ناعمة

حاولي معه بحب ولين ان تجدي حل لكي ولبناتك فمن غي المعقول نومهن معك !فهو مضر لك ولزوجك
ولنفسياتهن ايضن وبالذات ان كن فوق الرابعة او الخامسة


الموضوع حساس كونه الابن الوحيد لهذه العائله
ولكن ما رائيك بفكرة بناء منزل لصيق بأهلة او حتى استأجاره
لا اعلم كثيرا عن ظروفك

كان الله بعونك محبوبتي

 

[ياليت اني]

انا مع اختي لازم تعلمينا ظروفه زين
علشان نساعدك
واذا كان ظروفه كويسه لازم تطلبين حقك بدون خوف لأن الوضع هذا صعب مررره
بيني له وش يصير بغيابه من مشاكل وتدخل من اهله
وقولي ان الوضع ما يتحمل اكثر من كذا
والله يفرج لك يارب