ساعدوني بحل مشكلتي

[قصر الالماس]

السلام عليكم
تكفون بقولكم مشكلتي وعطوني الحل


انا متزوجه برجل مطلق وعنده 4 اطفال اكبرهم عمره 11 سنه واصغرهم 5سنوات .. طبعاً اهلي شرطوا عليه ماتحمل مسئوليتهم ومايسكنوا عندي لأن الام موجوده والاصل هي مطلقه وزوجي تزوجها وكان عندها عيال 3 بحكم ولد عمها تعاطف عليها وخذاها طبعاً هي اكبر منه ب 9 سنوات وانا قلت له لما اتقبل عيالك بقولك جيبهم وسكنهم عندنا لاكن الرجال ماوفى بوعده بعد اسبوعين من زواجنا جابهم عندي وتحملت وصبرت وكتمت بقلبي شهرين ونص
وانفجرت بعدها بسبب اني حامل ونزيف قوي والدكتوره تقول محال انتي توش متزوجه التعب اللي بيش تعب قوي .. وعشان كذا ماقدرت اكتم وقلت له انا شرطت بالعقد انه تكون لي حياة مستقله ماقدر يتكلم بسبب الشرط وودى عياله لامهم
الام مو كويسه كله تحاول تشيش عيالها علينا
زوجي يبي ياخذهم ويبيني انا اللي اتحمل المسئوليه بحكم دوامه انه الى المغرب انا ساكته وكاتمه
مو عارفه وش اسوي ماقدر اتحمل وجودهم ببيتي

لأن مابي اتحمل مسئولية عيال مو عيالي وبصراحه كرهتهم بسبب وجودهم وقت زواجي بشهر العسل مو قادره انسى

تكفون ساعدوني شنو الحل ؟؟؟؟؟؟؟

 

[سحاب المزن]

أختي الموضوع مافيه شي وكل شي واضح وأبدا أبدا أبدا لاتتنازلين قوليله أمهم تربيهم وجيبيها من باب الحب قوليله أفكر لوكنت مكانها بموت لوحد ياخذ عيالي فخلهم عندها تربيهم بدل المشاكل ونقل الكلام ويمكن تدعي علي أبدا لاتوافقين وماعليكي اللي أوله شرط آخره نور

 

[ريانيه]

دام انج وافقتي تتزوجين مطلق وعنـده 4 لازم تعرفين ان في تنازلات ..


لاتبينين له انج ماتحبينهم .. بالنهايه هم عياااااااله

 

[غريبة1]

اعملي فيهم معروف

ما حد يعلم يمكن يكونوا ابر من عيالك عليك

 

[قصر الالماس]

طليقته تبيه ياخذهم عادي عندها .. وثاني حاجه شنو اكسب فيهم اجر واذا امهم تعبي في روسهم وهم كل حاجه ينقلونها لامهم تخيلوا تتصل على زوجي عشان عياله لما انا ارد تقولي حرام عليج انقهر لما اشوف الاطفال يطلعوا ويا امهم وابوهم وهم لا يعني قصدها واضح تبي ترجع له بس زوجي مايبي

وانا مابي اربي عيال و عيالي

عندي خاله نفس حالتي ربتهم وكبر

 

[قصر الالماس]

ربتهم وكبرتهم وبعد كل هذا مابين في عينهم يحاولوا باي وسيله يخلوا ابوهم يطلق خالتي عشان يرجع لها
ومحال احط نفسي بموقف مثل خالتي

واكبر وضوح انه امهم تحاول ترجع له
يعنييييييي واااااااااااااااااااضح لما يصيروا عندي بيعملوا المستحيل انه ابوه يتركني ليش افتح لنفسي هلباب

 

[ميمي 1404]

ارحمو من في الأرض يرحمكم من في السماء ....

والله لو حطيتهم بعيونك حتلاقي النتيجة بس خلي نيتك صافيه يا قلبي ... وبعدين لازم يجيب شغاله خاصة لهم .. ويفضل لو يكون البيت كبير عشان تقدري تا خذي راحتك .. يعني يكون لكي غرفة بحما مها عشان الخصوصيه طبعا ..
واذا ما تقدري لا تخليهم عندك وانتي كا رههم .. ممكن يتأثر ابوهم بزعلك ويزعل عليهم ... حطيهم امانه عندك عشان الله يسخرلك من يحمي عيالك ويحافظ عليهم اذا كبرو ... ودايما خلي نيتك صافية مع الله صدقيني حتلاقي اشياء تسعدك في الدنيا قبل الأخره ... وسامحيني اذا غلط بشي ..

 

[وردة الحجاز]

يا غالية أنا مع أم سند

انت تزوجت وأنت تعلمين أنه مطلق ولديه أبناء وبلا شك عاجلا أم آجلا سيعود أبناؤه إليه

لأنه هو المسؤول عنهم ..

يا غالية لا تفسدي حياتك مع زوجك وتخربي بيتك وأنت حامل

دعي زوجك يستقر نفسيا بأن يحضر أبناءه عنده ليتربوا بين يديه

أكيد أن هذا فيه صعوبه عليك لكن احتسبي الأجر عند الله في تربيتهم

واجعليهم من باب التقرب الى الله من أجل اراحة زوجك وازاله همه الكبير من أجل أبنائه

لأنه اذا ارتاح فإنك ولا شك ستنعمين بوده وامتنانه لك غالبا

لكن يا عزيزتي اشترطي خادمة تقوم لى أمورهم وأيضا منزل واسع يكون لك في جزء منه خصوصية بعيدا عنهم

أيضا تقربي الى الابناء فإنهم لا ذنب لهم ولا تقدري الشر قبل وقوعه وتتوقععين أن يكونوا لك أعداء فلا تعلمين ..ربما

يكونون لك خيرا من أبنائك وكثيرا ما يحصل مثل هذا ..

اسألي الله العون واستخيري وادعي بما يكفل لحياتكم السعادة والاستقرار

 

[تعبت اتعب]

كلام ام سند صحيح 100%
بعدين لا تتوقعين الشر ابد منهم حتي لو حشتهم امهم عليك
خليك احسن منها ..
خليهم العيال اذا سمعوا كلام مو حلو عنك و شافوا تصرفاتك وتعاملك معهم راح يتغيرون ويحنون عليك ويتقربون لك ...
ومهما كان هم اطفال وعمر 11 سنة صغير لازال عجينة
وصدقيني مو معناته انها امهم يعني خلاص ولائهم لها لا لا
يمكن يحبونك ويكونون لك عون بهالدنيا اكثر من حبهم لامهم
وصدقيني اذا كنتي تحبين ابوهم بتحبين كل شئ منه
ومحبتك لعيال زوجك بتزيد محبتك عند زوجك
انتي بس احتسبي الاجر وعامليهم زين والله يكون بعونك ويسهل امورك
:bigsmile: وبعدين كرهك لهم هالفترة يمكن راجع لانك حامل ومتوحمه عليهم ..:bigsmile:​

 

[ترانيم الألم]

أهم شي لاتقسين على الأطفال حرااااااااااااااااااااااااااااااااام مالهم ذنب والله............ولا تظنين صغار مايفهمون والله انهم يتقطعون من داخل ويكفي التشتت وعدم الأمان الي حاسين فيه...........طيب زوجك ليش مايبي امهم تربيهم؟؟؟؟؟؟؟؟؟؟؟؟؟ليش مصر انك انتي الي تربيهم؟؟؟؟؟؟؟؟؟

 

[قصر الالماس]

اولاً اشكركم على تواصلكم

ثاني حاجه انا ساكنه بشقه فيها 3 غرف والحمام مشترك يعني ماكوا حمام خاص لي لما اطلع واغتسل غسل الجنابه راح تكون علني قبال الشغاله والعيال ..

وزوجي يقولي انتي اللي تدرسيهم وتهتمي فيهم يعني واااااااضح مربيه الشغاله لشغل البيت بس مابتدرسهم ولا بتوجهم

يعني انا اللي ادرسهم وهو يبيني انا اللي اتحمل مسئوليتهم
وحتى لو جاب خدامه وين تنام ووين يناموا عياله اذا هم بنات واولاد والبيبي اللي بجيبه وين بينام يعني لازم يكون لنا بيت مو شقه وهو مايقدر يوفر البيت هلفتره ويبي ياخذ عياله انا قلت له بس يصير عندك بيت اخذهم بس هو يبي ياخذهم اللحين

 

[قصر الالماس]

أهم شي لاتقسين على الأطفال حرااااااااااااااااااااااااااااااااام مالهم ذنب والله............ولا تظنين صغار مايفهمون والله انهم يتقطعون من داخل ويكفي التشتت وعدم الأمان الي حاسين فيه...........طيب زوجك ليش مايبي امهم تربيهم؟؟؟؟؟؟؟؟؟؟؟؟؟ليش مصر انك انتي الي تربيهم؟؟؟؟؟؟؟؟؟

لأن امهم ماذيتنه كل اسبوع تتصل على فلوس وصاريف ماتخلص

 

[قصر الالماس]

واحب ابين لك يا اخت ترانيم بالعكس ابين لهم اني احبهم لدرجة انه ابوهم مايشتري لهم هدايا ولا يجلس وياهم اذا اجوا عندنا زياره كثر ما انا اجلس معهم هو كله يتهرب من وجودهم يعني انا متعجبه لما اشوف تصرفاته وكيف مصر يجيب عياله

 

[تعبت اتعب]

غريبه والله ..!!
يمكن فيه شئ بينه وبين ام العيال
يمكن يتحاشاهم يخاف يقولون شئ وانتي فيه عن امهم علشان ماتتضايقين..
او ان امهم محرصتهم علي شئ يقولونه اذا كنت يمع ابوهم ..
افضل حل اعتقده لحالتك انك تصرين عالبيت ويكون فيه خصوصيه لك ..
ثانيا تقولين له دام العيال عندك ماله داعي مصاريفهم تكون عند امهم
يعني مالها دخل في مصاريفهم
انت تصرف عليهم وامهم بس يروحون عندها يشوفونها واذا بغوا يباتون عندها فقط
بالاول والاخير العيال يرجعون لابوهم

 

[قصر الالماس]

لعيال عند امهم بس شهرين ونص جلسوا معي بس الان هو يبي يجيبهم للأبد انا لي سنتين من تزوجت وجبت الولد وعمره 9 شهور وحملت على الولد واللحين انا حامل بالشهر الثالث يعني ماني قد مسئوليه يالله اشيل نفسي وولدي واللي ببطني فكروا في السالفه هل اقدر اتحمل مسئوليتهم وانا بهلحال حتى لو جابهم بالشقه ؟؟؟

وانا مليون مره قلت له بس هو مصررررررررررررر مدري وش اسوي

 

[تعبت اتعب]

شوفي يا قلبي ماراح اقولك خليه يجيبهم واهملي بالبيت والاولاد ..
ثم قولي هاه شف مااقدر عليهم!!
كل اللي اقوله لك ..
قولي له اسمعني انا شرطي عليك قبل الزواج اني مالي دخل بالعيال ...
لكن دامك تبيهم ماراح احرمك منهم وراح احطهم بعيوني بس اذا كنا ببيت اكبر اما انك تجيبهم الان هنا مستحييييييييييل
قولي له وين بينامون فيه حتي هم بيطفشون الشقة مررررررررة صغيرة علينا
قولي له انت شفتهم وهم عندنا كيف طفشانين ومقابلين بعض ..
واكيد يبون مساحات علشان يلعبون ومكان هادي علشان يدرسون وينامون
بيني له انك مو رافضتهم بس البيت ماراح يساعدك بالاهتمام بهم ..
الله ييسر لك امورك ..

 

[وردة الحجاز]

يا غالية أشيري عليه يرجع زوجته الأولى من أجل الأولاد

حتى يرتاح هو وترتاحين أنت وترتاح أمهم ويرتاح الأولاد بوجودهم بين والديهم

واضغطي على نفسك شوي واقلبلي هذا الرأي ما دمت لا تستطيعي تحمل مسؤولية الأبناء

والأب غير مهتم بهم كما يجب ..إذا فليكون عند والدتهم لكن بعد أن يعيدها الى عصمته من أجل أبنائه

 

[قصر الالماس]

شنو يرجع زوجته انا بالموووت غصبت نفسي على مطلق ايروح يرجع الاولى والله كان اموووت

 

[محرومه من زوجي]

الاولاد مالهم ذنب واظنك ماقصرتي معاهم
لكن حاولي تقنعينه انهم يكونون عند امهم
وقولي له تخيل نفسك مكانهم تعيش مع امك او تعيش مع زوجه ابوك وابوك...وهكذا تأتينه من هذا الباب.........
ومساله المصروف حلها بسيط
بامكانه يحدد مصروف شهري يسلمهم اياه ويكون فعلا المصروف يقوم بحاجاتهم يعني مايكون بسيط.......

 

[ميوسه]

عزيزتي


اشترطي وجود مربيه تهتم فيهم



وانتي اهتمي في زوجك