ساعدوني بالحل خواتي

[منى98]

السلام عليكم خواتي ...
بصراحة انا متزوجة وعندي طفلة واحدة الله يخليها لي يا رب والحين كملت سنة وتقريبا تسع شهور بنتي لها سريرها الخاص في غرفتي ودي تكون لها غرفتها الخاصة وتنام فيها بس هيه وحيدة .... كيف اعودها تنام لوحدها ؟؟ انا محتارة احس انها بتخاف .... بصراحة ما عندي خبرة وهاي تجربتي الاولى .. واريد انها تستقل وتنام في غرفة ثانية عنا بحكم القصص الي سمعتها وقرأتها ... خواتي شو الحل ؟؟ والي عندها خبرة في حياتها لا تبخل علينا ....:e052:
وشكراااااا

 

[ام شوق]

خصصيلها غرفه بروحها بجنب غرفتكم وحطي جهاز الصوت

 

[ليل الشتا]

أنا مع الاخت أم شوق
الله يخليها لك يارب

 

[قلم اخضر]

لازم تتعود انها تكون روحها بس حطي في بالج انها بتعبج كمن يوم لين تتعود على النظام اليديد ولازم تكون صارمه في الموضوع ولا تلينين حتى لو يبست من الصياح مصيرها بتتعب وبتعرف انج مصره على رايج
الله يخليها لج ان شاء الله

 

[مستغربه]

أنا عيالي من 6 شهور بغرفة بروحهم بهالطريقة تخلينهم يحسون بالاستقلالية
عطيها كل الحب والحنان في النهار بس وقت النوم بوسيها وقوليلها قصة وحطيها بسريرها مع مرضعتها وخليها ..
اول الايام اوقفي جنب السرير لين تنام بس لا تتكلمين وانتي ساكته اليوم الثاني بعدي متر واليوم الثالث اوقفي عند الباب وكل هذا بدون اي كلمة لو صرخت لو صاحت لا تردين عليها وبعدين اليوم اللي بعده اطلعي الغرفة الثانية واذا صاحت ردي لحفيها وطلعي وبعدها ااذا صاحت لا تروحين على طول ومع الوقت انشالله انها تتعود بس لا تحسسينها بتهاون لان الطفل يحس اذا امه ضعفت انا عيالي ماشالله لا قوة الا بالله بثلاث ايام عودتهم ويعتمد على حسب تحملج وجديتج وحسب الطفل....
لا تنسين تحطين شريط قرآن بجزء عم ... انا احب صوت الشيخ صلاح بو خاطر...
الله يهدي عيالنا ويسخرهم لنا ويسهللنا تربيتهم التربية الصالحة آمين​

 

[منى98]

مشكورييييييييين خواتي على ردودكم
وشكرا ااااا للتواصل