ساعدوني باخذ القرار مع زوجي الخائن

فكرة الطلاق شيليها عن بالك نهائي لأنك إذا تتطلقتي يا بتضلين في بيت هلك بلا زوج يأنك بتتزوجي والحال من بعضه راح يخون
إذا أصحاب اللحى والمطوعين يخونون كيف الناس العادية
أهم شي أنتبهي على نفسك وعلى ولدك
وحلي الموضوع بطريقة ماتسيئ لك أنتي
قومي صلي ركعتين ودعي الله يلهمك الحل الصحيح
الله يفرج همك ويعينك
كلنا ياختي نعاني من الرجال وخيانتهم
 
الله يسخره لك نصيحه لاترضين بسرعه عشان مايكرر غلطه ممكن تسامحينة إذا مكالمات لكن توصل زنا لا وألف لا وعن نفسي سفر غير عمل إستحالة يسافر وتأكدي زوجك موأول وآخر واحد يخون كل رجل يخون إلا من رحم ربي والخيانة لها أشكال بس في النهايه خياااااااانه مادام بنات إبليس موجودين فيه خيانة وقبل ترضين روحي لمكه وخذوعمرة وخلية يحلف وهو مقابل بيت الله يترك هالسوالف واجتهدي في نفسك تعلمي ترقصي وأهم شي ثقي بنفسك إنك إنسانة مغريه ولو فكرتي ربي ماخلق فيها شي مو فيك بالعكس بعد ماشفت ذوق زوجي في وحدة بنت حرام حاولت فيه وأغرته وأرسلت صورها غسلت إيدي من الرجال إذا زوجي جايه إيميل شجره لابسة سوتيان وكلوت ويقول زين مو موجوده هذي الشجرة بالسعودية وش تنتظرين من وحدة ترقص له وتغرية حسبي الله ونعم الوكيل إدعي له بالهدايه وعليك بالإستغفار
 
الله يفرج لك همك ويسخرة لك

طمنينا عليك 00
 
اه وش بلاهم الرجال والله قلبي يوجعني من كثرهذه القصص
لاكن يااختي بماانك واجهتيه لاتتراجعي ابد لاان الشمالي ماينفع معه الاالقوه
والبيت صعب تمنعيه من الدخول لاكن ان جاءحاولي تقفلي على نفسك في غرفه وطنشيه كاانه مش موجود
وشغلي كيدك وانتي اعرف بنقطت ضعف زوجك المهم ماتتراجعي حاولي تلقنيه درس ماينساه لاكن بفطنه وذكاء
ووقت المشكله لاتركزي على المشكله وتحبطي نفسك بل تذكري ان هدفك حل المشكله وليس البكاءوالصراخ لان هذالن ينفعك
 
زوجي اليوم بيوصل الساعه 12 واتصلت عليه والغريبه فتح الخط وقلتله عشان خرجت من عند الوسخه ..
ودحين انت في المطار من كدا ترد ... قالي انتي مريضه ...قلتله انا ممكن انسى كل شي لو حلفت على القران قال مااحلف ..

قلت يعني انت على غلط قالي انتي مانت ربي تحاسبيني ..... قلتله ماابغى اعيش معاك طلقني قالي اوكى براحتك ....
وفي النهايه حاول يستخف دمه وماكانه غلط لكن قلت انت حتلقى انسانه ماقيد عرفتها مستحيل اقبل خيانتك ...
ودحين جهزت القران وقدرت اجيب كشف من حسابه بانه سحب من البلد اللي هو انكر وجوده فيها ..

واستناه اواجهه وقلتله لو كنت شاريني وتبغاني تحلف لكن مااعرف ايش يسير ....

ارجع اقولكم ايش سار لكن انا مجرووووووووحه منه كثير
 
غاليتي اقراي موضوع في قسم الزوج والزواج (وينك من هذا العلاج لكل مرض ولكل مشكله)

وان شاء الله تجدي مايريحك
 
شوفي الطلاق ابدا مو حل الخيااانه في هالزمن وبالذات صارت موضة الرجال انا مااقووووووووول اقبلي بخيانته وخليك عادي لكن اقوولك ان كل الرجال كذا والدليل شووووووفي الاستشارات اللي بالمنتدى كلها خياااااااااانات لكن اقولك دامك بداتي المواجهة اكملي المشوار معه وان قال لك انت مالك دخل قولي خلاص كلمي اخوانك وخليهم يدخلوا في الموضوع وخلي كمان احد من اهله يدخل قال الله تعالى (فإن خفتم شقاق بينهما فأبعثوا حكما من اهله وحكما من اهلها) لكن قوووووووولي كل اللي بخاطرك والاشياء اللي شفتيها واللي يرضيك وخلي الطلاق اخر شيء خذيها نصيحه من اخت تريد مصلحتك وطمنينا عليك الله يفرج همك اسال الله باسمائه الحسنى وصفاته العلى ان يعينك على اتخاذ قرار سليم
 
حبيت اطمنكم جاء زوجي وتكلمنا وقالي انا خليتك على نارك لانك غلطتي وكم مرا اقولك لاتفتشي ...

ولما قولتيلي وانا مسافر ارسلتلك رساله وحده اني احبك واتزوجتك لاني احبك ..
واني بفهمك الموضوع بعدين لكن انتي دايما مستعجله واتحملت اهانتك وتجريحك ليا ...

وقالي انتي عارفه فلان وانتي كنتي تدوري له عروسه وله سنه ومالقي وفي الاخير اتزوج مصريه وكنت معاه بحكم انه قريبي ...
اول سفره كان الزواج والسفره دي كانت لتجهيز بيتها وبحكم انه مدرس ماقدر يروح وكلفني اروح وهيا 4 ايام خلصت ورجعت ...

قلتله طيب ليه تخليني على ناري قالي لانه درس لكي ..

قلتله طيب يمكن انت زيه قالي انا عندي حرمتين وجايبين الهم ليا اجيب ثالثه فوق همي ..

ولعلمكم انا الزوجه الثانيه .....

المهم وقالي حكاية الايميل وانا في المطار قلتله ارسلها وكنت قبلها احمل صور ,,
ولكن مارسلها لانه قالي خلاص لاترسل وبقيت الرساله والصور ...

وللعلم انا فتشت ايميل زوجي مافيه رسايل من بنات والرسايل كلها من 2007 الى الان ..

المهم راضاني وحضني وسلم عليا وقالي انا اخترتك ومقتنع فيكي وكنتي القرار الوحيد اللي انا اختاره ...

المهم بس اللي زعلني في البدايه انهرت وسبيته وزعقت والا هو يتعب واكتشفت اللي كنت شاكه فيه ....

طلع زوجي مريض بالقلب وحاولت اسويله مساج في صدره لين قدر يتنفس الحمدلله ...
وماحبيت اضغط عليه انه نسوي شي لانه كان قلبه متعبه وسار يمشي في البيت لين ترجع نبضات قلبه طبيعيه ...

انا اعرف اني متسرعه في حكمي لكن اي وحده في مكاني كان سوت زيي ...
لكن هو قالي لازم تفهمي اني الحرام مااقربه واكبر دليل انه عندي مشروع في دبي وشرطي مع شريكي يكون بدون شيش ماابغى فلوس حرام ....

لكن انتي دايما تسيئ الظن فيا ...

ودحين عرفت ليه دايما يقولي ماعاد ابغى اطفال كفايه ولدك واولادي من الاولى لانه عرف انه مريض بالقلب ...

افتكرت قالي انه انا قلت لابوكي على موضوع صاحبي اللي رحت معاه يتزوج بس غيرت البلد عشان ماابغى احد يعرف عنه شي ....

المهم عرفت الحقيقه اللي انا عشت في مرار منها ...

والله يجزاكم خير على نصايحكم من جد نعم الاخوات كلكم وقفتوا جنبي ...ربي يسعدكم وريح قلوبكم
 
الحمد الله اختي جات على كذانا فكرته متزوج مسيار مدري ليه ما حسيت انه خانك من البدايه وانتبهي مره ثانيه لاتتسرعي والحياه درووس بالتوفيق
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل