ساعدوني باختيار القرار الصائب.. دعوة لــ عنقود عنب

[طفلة شقية]

السلام عليكم خواتي جميع..


من زمان ودي اشاوركم بهالموضوع بس كنت انتظر الوقت المناسب او بالأصح انتظر اهدأ انا نفسيا عشان اعرف اوضح الصور بطريقة مرتبة عشان انتو بعد تقدرو تعطوني راي سليم...


طولت ماعليه...


ياليت عنقود عنب تدخل لأنها كانت تعرف بوضع امي الصحي في موضوعها اللي بتزوج بنتها او ولدها تدخل.. يارب تذكرني لأنها عندها فكرة عن شخصيتي... ولو بطريقة مبسطة والباقي لا يهونون طبعا مايقصرون..



الموضوع هو كالآتي...


انا بنت مخطوبة من سنة وكم شهر وزواجي بعد 4 شهور وللحين ماجهزت شي طبعا..

عمري 23 سنة

بحكي لكم شوي عن وضعي بطريقة مبسطة امي شوي بعافية عندها امراض الله يشفيها وانسانة جدا عصبية وحنونة بنفس الوقت.. تتنوم بالمستشفى اكثر من نومها بالبيت.. ومن فترة من ربيع الأول حتى شعبان وهي كله تعبانة ...

وانا كنت اتنوم معها بالمستشفى... عشان تعروفن المستشفيات اذا ماتوقفون على راسهم محد دق لنا طاري لو نموت وامي مافيها تقوم من السرير بدون مساعدة ومشيها جدا قليل..
يعني تحتاج وحدة..

الوالد متوفي قبل خمس سنين ومافرح لا بتخرجي ولا بملكتي الله يرحمه..

تذكرين عنقود العنب لما قلت لج عن وضعي وخايفة اروح عن امي قلتي جيبو الخدامة وعلموها

قدمنا خدامة وجت وعفستنا وطلعت حامل وبلاوي ورجعناها مرة ثانية والحين ننتظر وحدة غيرها ومعانا وحدة بالاجار انا سمعت اقتراحج ونفذته بس الظروف عاكستنا....

ابي اقولكم الحين عن وضعي الأخر وفاة اخوي الكبير

هو كان مريض بس محد يدري عنه انا دريت عنه بشهر رجب.. وبغيت اموت من البكي حسيت بالصدمات تجيني ورى بعض مو قادرة اتحمل امي المريضة وزواجي المعلق ..

حسيت اني ما انخلقت للفرح ابد خاصة بحفلة خطبتي اخوي الثاني هاوشني على سبب تافه جدا بشهادة كل اخواني وماخلى مرته تجي ولا بناتها مع اني مرررة متعلقة فيهم..


علاقتي بخطيبي زي أي مخطوبة الحمد لله.. مقدر اوضاعي وانا مفهمته امي ثم امي ثم امي ثم زواجنا

وهو وافق

وكنت اتنوم مع امي كثير فترة خطوبتي وما انسى قبل حفلتي بليلة تنومت امي بمستشفى القلب وطلعت على مسؤوليتها تبي تحضر حفلتي


للحين ماخشيت بالموضوع ماعليه تحملوني عشان تفهمون وضعي

الحين اللي ابيه مدري والله وش ابي..

اخوي توفى الله يرحمه وتعذبت وايد على ماتقبلت الأمر وللحين احسه خيال توفى بتاريخ 25 شوال يوم الخميس ليلة الجمعة.. الخبر نزل علي كصاعقة ارجف وانا متخبية عن امي.. افكر شلون لا درت وش بيصير فيها
عرفت امي وانا انحشت من البيت خذيت السواق ووقفت عند باب المغتسل ابي اشوفه قبل يروح والله كنت معاه الصباح وحسيته بدا يتحسن ونقلناه المستشفى واخوي طمنا عليه مدري وش بغيت بس بغيت المه قبل يلمه التراب بغيت ادفيه من برد طلعة الروووح وهاوشوني الرجاجيل مدري منهم بس خطيبي معاهم يسحبوني وانا اقول لهم ما ابري ذمتكم اذا ما اشوفه قالو لي بس ماجا من الأأسعاف وظليت انتظره خمس ساعات على ما خلصت الاجرائات وجا ... اخ من ذاك المنظر ... اخ بس لمست جبينه بعد ماغسلوه.. وقبلت جبينه وكان بارد ومابغيت اطلع والكل يسحبني وانا اصارخ تكفون بس شوي

مدري شلون رجعت البيت وانا اقول هاتو عصير لأمي لا ينزل سكرها شفتو قسوة مثلي هــهــ
.. اخ بس مابي احزنكم بس متنا كل يوم من العزا الف موتة..

الله يرحمه ويغفر له

امي صارت تتنفس بصعوبة وتقول ليش يموت استغفر الله..

انا طول ايام العزا ابكي بروحي ولا صرت معاهم بعزا الحريم اباشر كل شي اقهوي الناس وانتبه على ادوية امي واخ كم عذبتني امي ماترضا تاخذ ادويتها..

صرت اواسي نفسي بروحي بقراني بدعائي بدموعي حزينة بس بروحي..



الحين اخوي ماكمل حتى شهر..

السالفة اللي ابيكم تشورورن علي فيها هي:

زواجي ماراح يتأجل اكثر من كذا بس الوالدة ماتبي تحضره وخواتي واخواني يقولون لي لا تحرمين روحك بكرة تندمين... وانا اقول ماتهمني المظاهر وفلوسي انا اولى بها اسافر فيها وعرس مافيه امي وش فايدته خاصة اخوي جمرته مابردت ..

الحي ابقى من الميت الكل يقول لي سوي زواج..

وانا كنت معندة مابي

الحين بديت اقتنع بس مترددة امي مابتحضر مولية محد وجبت كلمته قالت زواج مابحضر تاخذها عمتها ام زوجها تزفها مابي شي فكوني...

اخ يا يمه لو تدرين انه زواجي كله وجودج :tears:

الحين ابيكم تشورون علي خاصة انه في ليلة ثانية مثل الجلوة بيتكفلون فيها اهل خطيبي قلت لخطيبي مالها داعي
قال لي مدامك بتسوين زواج مافي حجة ماتحضرين ثاني ليلة قلت له والله ثقيلةن بصدريث ليلتين بدون امي

حسيته كتم كأني صرت انانية ومافكرت بأهله..

ابي اكنسل كل شي واسافر معاه بلد انبسط وبعدين رجعتنا نسوي حفلة بسيطة بس بيتنا ما أيدوني..

بس تركوا لي حرية القرار ...

شورا علي والله محتارة وحزينة وحتى نفسيتي مو هذاك الزود ابد اتصنع القوة وداخلي تعبان انصح غيري وانا تايهة في سما الحيرة


ساعدوني تكفو شورو علي...​

 

[امنيتي طفل]

ياحياااااااااااااااااااتي انتي الله يصبرك ياقلبي انتي :tears::tears::tears:
والله اني حزنت لقصتك وعساء الله يرحم اخوك رحمه واسعه والله اني من قريتها وانا ادعي له بالرحمه00000
وعساء ربي يشفي امك ويقومها بالسلامه
00000000000000000000000000000000000000
اما عن موضوعك انا اقترح عليك انك ماتأجلي زواجك لأن خطيبك ماقصر صبر فتره
وماله داعي التأجيل انا رايي انك تتوكلي على الله واخواتك وامك يجنك ببيتك
وانتي اقنعي خطيبك انك تسافري بعد زواجك على طول وان رجعتي
بكيف اهله يسوون حفله يحق لهم يفرحون بزواج ولدهم - ودخلي الفرحه ببيت اهلك خليهم ينشغلون فيك

عساء ربي يوفقك ويسخر لك ويرزقك الذريه الصالحه :icon26::icon26::icon26::icon26:

 

[طفلة شقية]

أمنيتي طفل ياقلبي... تسلمين على ردك اختي

الوضع كالأتي مابقدر اسوي زواج واسافر بنفس الوقت عشان الماديات...

ثانيا امي قالتها صراحة بوجهي مابحضر الزواج

انا محتارة اسوي الزواج او لأ واذا سويته هل اكتفي بليلة الدخلة ؟؟ او اسوي الليلتين يعني الجلوة بتكون ليلة ثاني

ماودي ازعل خطيبي مابي اكون انانية مع احد..


يارب ارزق اخيتي أطفالا ينعمون عليها حياتها

 

[طفلة شقية]

بنات جد محتاجة ارائكم وخاصة الأمهات...

امي مابتحضر وانا محتارة

انا اول مرة اطلب مساعدة جدية لا تخلوني

 

[مضيعه زوجها]

حبيبتي انا ام وكل الي اقدر اقوله لك وكلي امرك لله وقولي الخيره في ما يختاره الله واكثري من الاستغفار وقراة سورة البقره بنية ان الله ييسر امرك لاني ماقدر اقولك قولي كذا او ساوي كذا لان ما حد يعرف كيف ضروف الاخر مهما كان
واحسن الله عزاك وعافا امك ويسر امرك
وهذي حبيتك تستفيدي منها باذن الله
بسم الله الرحمن الرحيم

يقول الشيخ عبد الكريم المشيقح : كنت القي محاضرة عن قدرة الله عز وجل


وبعد المحاظرة إتصلت عليَّ إحدى الاخوات

تقول يا شيخ : أنا مبتلاة بمرض !, قبل ثلاث سنوات تزوجت وقد سافر زوجي لخارج المملكه واتى بالمرض ( الإيدز ) .

وبعد الزواج بثلاثة اشهر تعبت ومرضت ولما ذهبت للمستشفى اخذوا تحاليل مني ومن زوجي وجدوا أنّي مصابة بالمرض الذي نقله إليّ بعد زواجي منه ! .

وتكمل قصتها !.
تقول والله يا شيخ : لنا ثلاث سنوات نذهب شرق وغرب والله أنفقنا مليون وخمسمائة ريال طلبآ للعلاج ولا علاج , وانت في محاظرتك تتكلم عن قدرة الله !!!

قال لها الشيخ أتكلم عن قدرة الله وإني صادق (( لا إله الا الله وحده لاشريك له له الملك وله الحمد وهو على كل شي قدير ))
وقال لها الشيخ : يقول ابن الجوزي رحمه الله (( اعطوا الله ما يحب , يعطيكم ما تحبون , إستجيبوا لله إذا دعاكم يستجيب لكم إذا دعوتموه )) هنا العلاج .

قال لها الشيخ : أريد منكما المحافظة على فقط أربعة أشياء تفعلانها .

قالت إيش اسوي ياشيخ ؟؟؟

قال :

(1) عليكِ في الإسبوع هذا اربع وعشرين ساعة تكوني على وضوء انتي وزوجك , كل ما احدثتما توضئآ حتى النوم تناما متوضأين !.
(2) كل ما فكرتما بالمرض اعطيا الله مايحب ((سبحان الله والحمد لله ولا إله الا الله والله اكبر )) ردِّدَاها خمسين أو ستين مرة على الأقل باليوم
(3) تصدقا لحديث: حصنوا أموالكم بالزكاة، وداووا مرضاكم بالصدقة، وأعدوا للبلاء الدعاء.
(4) اكثرا مدح الله عز وجل
يقول الشيخ : ما هي الا اربعة ايام وتتصل على وتقول :ياشيخ احسُّ اني مرتاحة أدع لي
قال لها الشيخ : أنتي مرتاحة مع الله ! أنتي إدعِ لنا
يقول الشيخ : وبعد خمسة أو ستة أيام أرسلت لي رسالة تقول : ياشيخ إتصل عليّ توي جاية من المستشفى وتقول : إن الدكتورة المشرفة على علاجنا من بداية المرض اخذت التحاليل مني ومن زوجي وذهبت الى المختبر وبعد ربع ساعة جاءت ومعها نتيجة التحاليل , وقالت اجلسا : أريد أن أطمئنكما أن لا أثر للمرض بجسميكما !

لاإله الا الله خمسة ايام , وبأربعة اشياء شفيا من اخطر مرض .

واليكم القصة الثانية التي يرويها الشيخ عبد الكريم المشيقح ؛

يقول : إتّصَلَتْ بي فتاة تقول : ياشيخ كنت على إتصال مع احد الشباب قبل الزواج واعطيته صوري
والان اطلب منه الصور ولكن رفض ان يعيدها يقول لي : لن اضرك بها ولكن خليها عندي ذكريات !!!
طلب منها الشيخ أن تعمل نفس الاشياء الاربعة الّلي بالقصة الاولى
وبعد ثلاثة ايام اتصلت على الشيخ قالت : ياشيخ يقولي لو ماتطلعين معي افضحك بالصور !
قال لها الشيخ لا تكلمينه وخلي اتصالكِ بالله وكمّلي ما قلت لك عليه , هذا الشيطان شافك قربتي توصلي قام يوسوس لكِ .
ويقول الشيخ : والذي نفسي بيده ماهي الا اربعة ايام وتتصل عليّ الاخت من مكة المكرمة وتقول
ياشيخ والله اني بالحرم ومعاي الصور واني ادعيلك ياشيخ .

أحبتي بعد هذا ماذا ننتظر ؟

يقول الشيخ عبد الكريم المشيقح : تغلبوا على همومكم ومشاكلكم بذكر ربكم وابشروا والله بالفرج القريب
أين اصحاب الحاجات ؟
أين الذين يحلمون بالاطفال ليلآ ونهاراً ويصرفون على ذلك المبالغ الطائلة ؟
أين من يريد السعادة بالحياة ؟

أين من يريد التوفيق بالدراسة أو الوظيفة ؟
أين صاحب المرض الذي حرمه مرضه لذة النوم ؟
أين ... وأين .. وأين ؟

والله كلنا ذو حاجة وفاقة ومشاكل وهموم , ولكن لن تدوم دامنا مع الله " إعرف الله في الرخاء يعرفك في الشدّة " واسطته أقوى من أيّ واسطة أخرى

أخي القارئ : لا تهمل هذه الرسالة فيها طريقة علاج مهشخص يهمك

 

[طفلة شقية]

مضيعة زوجها شكرا لنصائحك القيمة ونعم بالله

ماقصرتي حبيبتي


اسعدك الله بالدارين

 

[حنانوو]

اختي عظم اللع اجرك باخوك
والله يشفي امك ويخليها لكم يارب وتقوم بالف سلامه
ليش امك ماتبي تجي شنو السبب
وبعدين انتي موكل يوم بتتزوجين ولاتخلين اهل خطيبك ياخذون منك موقف ويتضايقون منك
من حقك انك تفرحين ومن حقه هو يفرح بعد ومن حق اهلك واهله بعد احمدي ربك انه صبرواهله بعد وانه قدرك ترى فيه بعضهم مابيقدرو
انتي جهزي كل شي وتوكلي ع الله وجهزي لبس امك اللي بتلبسه صدقيني وقتها بتحضر لان استحاله ام مابتحضر زواج بنتها لوتكون فيها ايش
جدتي الله يرحمها احضرت زواج بنتها وهي كانت مره تعبانه وماتمشي طبعا معاها اللممرضه حقتها وفيها جلطه اصلا وحمقت ع خالاتي تقول ابحضر طبعا ماتحكي بس بالمفهوم صدقيني بتحضر بس انتي توكلي ع الله وافرحي واستانسي والموت علينا حق كلنا بنموت وكلنا نفقد اشخاص نعزهم بس اللي بنسويه بانفسنا ماراح يردهم لنا
حقهم علينا ان نذكرمحاسنهم وندعيلهم
والف الف مبروك والله ييسرلك امورك ويتمم عليك فرحتك وتوكلي ع الله
ودايم قولي اللهم لاسهل الاماجعلته سهل وكل شي راح يسهل
واقري سورة يس والواقعه
والله يوفقك يارب وكل مسلم ومسلمه
ودعواتك لنا وبشرينا عاد بالوالده
انتي اذا اصرت ع موقفها تضايقي وبيني لها انك خلاص ماعاد تبين تتزوجين اذا هي موب حاضره وبتهدى وبتحضر

 

[مضيعه زوجها]

طمنينا عليك يا عسل
واسال الله انه يسر امرك ويفرجه وانتي على خير باذن الله لانك باره بامك
الله يشفي مرضاكم ..................ويرحم موتاكم

 

[عنقود عنب]

عزيزتي

اسعدتني ثقتك براي المتواضع

اتمنى ان اكون عند حسن ظنكم بي عزيزاتي

اولا ...عظم الله لك الاجر في مصاب اخوك ..وربي يجعل مثواة الجنة ويغفر له ويلهمكم الصبر والسلوان

ومسح على قلوبكم ويعوضكم في الباقين

وربي يمن على امك بالصحة والعافية والصبر و طولة العمر

اما انت عزيزتي ...فاجرك كبير عند رب العالمين ...فانت نعمة الابنة البارة

وربي يعوض عليك في صحتك واولادك و عافية

واكيد رب العالمين راح يرزقك بالابناء البارين والزوج اللي يسعدكم ويعوضك

والجزاء من جنس العمل ...من عمل خير ...راح يحصدة

بالنسبة لحفلة زواجك

ادري الموقف صعب جدا جدا .. وما لها اي طعم الحفلة بدون وجود والدتك الله يطول عمرها

ولكن ....لو ان الحفلة تخصك انت لوحدك...كان قلت لك الغيها اذا اهلك ما راح يحضروا

ولكن في طرف ثاني معك ...هو زوجك و اهله

وهم من حقهم انهم يفرحون بولدهم

زوجك يستاهل انك تضغطي شوي على نفسك و تمشي موضوع الحفلة

خاصة انه صبر و ووقف معك

معلش يا ابنتي ...سوي الحفلة واجرك على رب العالمين

انا ما الوم امك لو ما تجي ..اعذريها يا بنتي ...الموقف اكبر منها

انت فقط حاولي في اخواتك انهم يحضرون عشانك ...اقنعيهم ..ما اظن لو تكلمتي معهم وقلتي لهم ان مو معقول ولا وحده منكم تقف جنبي ليلة زواجي ..

قولي لهم انك راح تشعري انك مكسورة ومتأملة بسبب عدم حضورهم

وان شاء الله لو واحده او اثنتان منهم تحضر ..مو شرط كلهم

وان شاء الله هذه اخر احزانكم ...

عزيزتي ...هذه هي الحياة ...الم و فراق

ولكن الحياة لا تتوقف عند فقد عزيزتي ولا تنتهي

الحياة ماشية...سواء قبلنا او ابينا

لذا...يجب ان نحياها

ربي يسعدك ...ويوفقك ...واتمنى اسمع كل ما هو طيب عنك

 

[الحياة معنى]

اختى الكريمة سوى زواجك واللة يعنى اذا مااحتفلتى بتردين شى لا واللة صدقينى لازم تكونين مومنة وكثر خير الرجال ماقال معقدة واذا مااحتفلتى صدقينى راح يجى يوم يقولك انا احس انى مافرحت زى الناس وراح يدور غيرك تحسسة بالناقص زى بنت عمى يوم مادخلت على زوجها بفستان ابيض علشان ضروف زيك بعد سنوات قال لها انا ابغى اتزوج وحدة تدخل علىبفستان ابيض كلامى قوى بس عن تجربة

 

[دوار العسل]

يالله يالغالية قصتك تعور القلب الله يعينك الله يرحم أخوك وأبوك ويغفر لهم ويرحم موتانا جميعا ويجعل قبورهم روضه من رياض الجنه.

أسمعي حبيبتي أخوك ما دام ما كمل سنة أو حتى نص سنه وزواجك ما يتاجل اكثر من كذا أنصحك أنكم ما تعملو حفله في بيتكم خلي موضوع الزفه والفرح تكون في بيت أهل المعرس (ترا هم من حقهم يفرحو بولدهم ويعملو له فرح) أنتي تجهزي ولبسي مثل ما يعملن العرايس وروحي سلمي على أمك وأهلك وبعدها روحي لمراسيم العرس اللي أهل زوجك بيكون محضرينها لك في بيتهم وما في داعي لربشة العرس المعتاده وضمي فلوسك وروحي سافري أنتي وزوجك وأستانسي .ولا تنسي التصوير لأن صدقيني من ربشة العرس كلها ما يضل غير التصوير والصور الحلوه

 

[سـحـاب]

اختي عظم اللع اجرك باخوك
والله يشفي امك ويخليها لكم يارب وتقوم بالف سلامه
ليش امك ماتبي تجي شنو السبب
وبعدين انتي موكل يوم بتتزوجين ولاتخلين اهل خطيبك ياخذون منك موقف ويتضايقون منك
من حقك انك تفرحين ومن حقه هو يفرح بعد ومن حق اهلك واهله بعد احمدي ربك انه صبرواهله بعد وانه قدرك ترى فيه بعضهم مابيقدرو
انتي جهزي كل شي وتوكلي ع الله وجهزي لبس امك اللي بتلبسه صدقيني وقتها بتحضر لان استحاله ام مابتحضر زواج بنتها لوتكون فيها ايش
جدتي الله يرحمها احضرت زواج بنتها وهي كانت مره تعبانه وماتمشي طبعا معاها اللممرضه حقتها وفيها جلطه اصلا وحمقت ع خالاتي تقول ابحضر طبعا ماتحكي بس بالمفهوم صدقيني بتحضر بس انتي توكلي ع الله وافرحي واستانسي والموت علينا حق كلنا بنموت وكلنا نفقد اشخاص نعزهم بس اللي بنسويه بانفسنا ماراح يردهم لنا
حقهم علينا ان نذكرمحاسنهم وندعيلهم
والف الف مبروك والله ييسرلك امورك ويتمم عليك فرحتك وتوكلي ع الله
ودايم قولي اللهم لاسهل الاماجعلته سهل وكل شي راح يسهل
واقري سورة يس والواقعه
والله يوفقك يارب وكل مسلم ومسلمه
ودعواتك لنا وبشرينا عاد بالوالده
انتي اذا اصرت ع موقفها تضايقي وبيني لها انك خلاص ماعاد تبين تتزوجين اذا هي موب حاضره وبتهدى وبتحضر

السلام عليكي أختي ورحمة الله
نفس الكلام المقتبس الي بغيت اقوله لك ،،
الله يوفقك وييسر امورك جميعاً ..

 

[ياربي انصرني]

اولا ياختي اعذري امك ظروفها الصحيه والنفسيه مسيطره عليها000وهذه مناسبة فرح بعد موجة الالم والحزن

اللي اجتاحتكم 000

والحمد لله رب العالمين على كل حال احيانا يقدر الله علينا امور لانستطيع ردها ولانملك التصرف بها 000

وانتي ليلة زواجك سوي حفله في بيتكم مختصره تضم امك واخواتك وبعدين يجي زوجك ويأخذك لحفلة اهله

زوجك وقف معك لظروف امك الصحيه وما كان عنده اعتراض الان جاء دورك تقاسمينه المعروف000

اسئل الله ان يقر عينك بشفاء والدتك ويغفر لاخوك ووالدتي وجميع موتى المسلمين00ويتتم زواجك على خير امينننننننننننننننننننننننننننننننن00

 

[طفلة شقية]

اختي عظم اللع اجرك باخوك
والله يشفي امك ويخليها لكم يارب وتقوم بالف سلامه
ليش امك ماتبي تجي شنو السبب
وبعدين انتي موكل يوم بتتزوجين ولاتخلين اهل خطيبك ياخذون منك موقف ويتضايقون منك
من حقك انك تفرحين ومن حقه هو يفرح بعد ومن حق اهلك واهله بعد احمدي ربك انه صبرواهله بعد وانه قدرك ترى فيه بعضهم مابيقدرو
انتي جهزي كل شي وتوكلي ع الله وجهزي لبس امك اللي بتلبسه صدقيني وقتها بتحضر لان استحاله ام مابتحضر زواج بنتها لوتكون فيها ايش
جدتي الله يرحمها احضرت زواج بنتها وهي كانت مره تعبانه وماتمشي طبعا معاها اللممرضه حقتها وفيها جلطه اصلا وحمقت ع خالاتي تقول ابحضر طبعا ماتحكي بس بالمفهوم صدقيني بتحضر بس انتي توكلي ع الله وافرحي واستانسي والموت علينا حق كلنا بنموت وكلنا نفقد اشخاص نعزهم بس اللي بنسويه بانفسنا ماراح يردهم لنا
حقهم علينا ان نذكرمحاسنهم وندعيلهم
والف الف مبروك والله ييسرلك امورك ويتمم عليك فرحتك وتوكلي ع الله
ودايم قولي اللهم لاسهل الاماجعلته سهل وكل شي راح يسهل
واقري سورة يس والواقعه
والله يوفقك يارب وكل مسلم ومسلمه
ودعواتك لنا وبشرينا عاد بالوالده
انتي اذا اصرت ع موقفها تضايقي وبيني لها انك خلاص ماعاد تبين تتزوجين اذا هي موب حاضره وبتهدى وبتحضر

امي ترفض الحضور عشان اخوي ماكمل حتى نص سنة وتحس انها مجروحة مو قادرة الحزن بعده موجود..

وانا والله ماودي اكون انانية ابدا عشان كذا استشرتكم..

مشكورة اختي وايد عالنصيحة ويارب يوفقك ويسعدك

 

[طفلة شقية]

طمنينا عليك يا عسل
واسال الله انه يسر امرك ويفرجه وانتي على خير باذن الله لانك باره بامك
الله يشفي مرضاكم ..................ويرحم موتاكم

اقف احتراما وتقديرا لمروركي مرة اخرى

كل التقدير لشخصك الكريم اخية

 

[طفلة شقية]

عزيزتي

اسعدتني ثقتك براي المتواضع

اتمنى ان اكون عند حسن ظنكم بي عزيزاتي

اولا ...عظم الله لك الاجر في مصاب اخوك ..وربي يجعل مثواة الجنة ويغفر له ويلهمكم الصبر والسلوان

ومسح على قلوبكم ويعوضكم في الباقين

وربي يمن على امك بالصحة والعافية والصبر و طولة العمر

اما انت عزيزتي ...فاجرك كبير عند رب العالمين ...فانت نعمة الابنة البارة

وربي يعوض عليك في صحتك واولادك و عافية

واكيد رب العالمين راح يرزقك بالابناء البارين والزوج اللي يسعدكم ويعوضك

والجزاء من جنس العمل ...من عمل خير ...راح يحصدة

بالنسبة لحفلة زواجك

ادري الموقف صعب جدا جدا .. وما لها اي طعم الحفلة بدون وجود والدتك الله يطول عمرها

ولكن ....لو ان الحفلة تخصك انت لوحدك...كان قلت لك الغيها اذا اهلك ما راح يحضروا

ولكن في طرف ثاني معك ...هو زوجك و اهله

وهم من حقهم انهم يفرحون بولدهم

زوجك يستاهل انك تضغطي شوي على نفسك و تمشي موضوع الحفلة

خاصة انه صبر و ووقف معك

معلش يا ابنتي ...سوي الحفلة واجرك على رب العالمين

انا ما الوم امك لو ما تجي ..اعذريها يا بنتي ...الموقف اكبر منها

انت فقط حاولي في اخواتك انهم يحضرون عشانك ...اقنعيهم ..ما اظن لو تكلمتي معهم وقلتي لهم ان مو معقول ولا وحده منكم تقف جنبي ليلة زواجي ..

قولي لهم انك راح تشعري انك مكسورة ومتأملة بسبب عدم حضورهم

وان شاء الله لو واحده او اثنتان منهم تحضر ..مو شرط كلهم

وان شاء الله هذه اخر احزانكم ...

عزيزتي ...هذه هي الحياة ...الم و فراق

ولكن الحياة لا تتوقف عند فقد عزيزتي ولا تنتهي

الحياة ماشية...سواء قبلنا او ابينا

لذا...يجب ان نحياها

ربي يسعدك ...ويوفقك ...واتمنى اسمع كل ما هو طيب عنك

بكيت وانا اقرأ كلماتك كثيرا... والله اني بكيت اخواتي واخواني يدعموني برأي مهما كان واخواتي قالو لي احنا بنقوم فيج..

بس انا محتارة بالنسبة لليلة الثانية اللي هي الجلوة هل اسويها والا تكفي ليلة الدخلة


كلامك معظمه يشابه كلام اهلي انه افرحي والرجال يستاهل منج تضحين شوي ومن هالكلام


بس انا والله بسويها عشان ما اصير انانية والا هي ثقيلة بصدري امي ماتحضر

 

[طفلة شقية]

يتبع عنقود عنب...


شكرا لج غاليتي على اهتمامك وانا راح اضغط على نفسي عشان غيري وعشان الأغلب هنا نفس كلام اخواني وخواتي اني اسوي زواج

 

[شموخ المدينه]

اختي استخيري وزوجك بعد وسويها يمكن قلب امك يحن واهلك كلهم ويحضورا وان ماحضروا ماتخليها بنفس زوجك واهله راح تكون بينكم عشرة عمر بكره يقولوا كدرتي علينا فرحتنا ماراح ينسونها لك لان الالم بنفسك مو بنفسهم
والله يرحم اخوك ويشفي امك ويتمم زواجك ويبارك لك يارب

 

[طفلة شقية]

اختى الكريمة سوى زواجك واللة يعنى اذا مااحتفلتى بتردين شى لا واللة صدقينى لازم تكونين مومنة وكثر خير الرجال ماقال معقدة واذا مااحتفلتى صدقينى راح يجى يوم يقولك انا احس انى مافرحت زى الناس وراح يدور غيرك تحسسة بالناقص زى بنت عمى يوم مادخلت على زوجها بفستان ابيض علشان ضروف زيك بعد سنوات قال لها انا ابغى اتزوج وحدة تدخل علىبفستان ابيض كلامى قوى بس عن تجربة

الحمد له اختي انا مؤمنة بكل شي ربي يقدره بس عدم وجود امي هو اللي يخليني اتردد

حتى لما قلت لأمي انا بعد بنتج قالت لي اعذريني يابنتي ولا تكسرين ظهري مالي مزاج عالفرح:sadwalk:

سكت احتراما لحزنها وانا من داخلي اتقطع عليها وعلى نفسي

 

[دنيا ملهاش امان]

حبيبتى الغاليه
اولا رحمه لله على اخوكى وربنا يرحمه رحمه واسعه من عنده
ثانيا فعلا ام تشوفى هم غيرك تهون عليكى همومك
حبيبتى والله انى احس انك بنتى
انا حاليا بمر بمشكله وبنتى مخطوبه
وام تكلمنى عن مواعيد الجواز الخاص بيها
بكون مش عايزه اسمعها
او حتى اعرف حاجه الانى زعلانه
بس صدقنى ماما هاتفرح بيكى اول ماتشوفك فى الفستان
وسفرى ياحبيتى وتمتعى بجوازك
وام ترجعى بالسلامه اعملى حفله
وربنا يارب يسعد قلبك ويفرحك ويحميكى ويبعد عنك العين ويجعل كل تعبك مع امك فى ميزان حسانتك​