ساعدوني الله يفرج عليكم

[مشتركة]

مرحبا بنات ساعدوني أرجوكم عمري 19 خطبت شهرين وتوا متزوجة إلي 4شهور وحامل وزوجي بحبني كثير وأنا بحبو وبحترمو كثير بس ماعمري قتلو كلمه حلوه أبدا كل ماتشجع بدي أقوله حبيبي بخجل وبتردد وبتلبك وبحس الكلام الحلو مابيطلع معي أبدا بخجل حتي ألمسه أو أحضنه أو حتي بوسة لحالي ضروري هو يطلب حتي الكلام الحلو بيطلبو هو بنفسو بقلي قوليلي بحبك بقوله بحبك قوليلي حبيبي بقول لاكن لحالي لأ مابعملها أبدا أنا أصلا طول عمري خجوله وقليل ماأحكي مع الناس أصلا وبستحي وبخجل كثير حاسة حالي معقدة أرجوكم أنا تعبت وزهقت خلاص مع العلم أنا طيبة جدا ورومانسية ولاكن بخجل إعبر عن مشاعري بالمرة كلامي قليل جدا بخجل أتحرك وأتكلم قدام الناس أيش أعمل أيش أسوي يارب أرجوكم ردو علي بسرعة الله يخليكم ويفرج عليكم

 

[مشتركة]

ياربي ردوووو عليا بليييييز أرجووووووكم

 

[وصايف حياتي]

مصيرك تتعودي

 

[مشتركة]

إنشاء الله شكرا لمرورك وردك

 

[مشتركة]

اريد ردود وينكم؟؟؟؟؟؟؟

 

[سحر أريم]

_اهلا مشتركة انشاء الله بتلاقي حل لمشكلتك.
_اول اشي بدي ياكي تصغري المشكل شوفيه كشي تافه ما تعطيه هداك الحجم لكبير من الاهمية شوفيه من زاوية اخرى مثلا انك انتقلتي من حياة لحياة جديدة و مختلفة كليا عما كنتيه من قبل يعني راح تتعودي شوي شوي كمان اعمليلك اختبار لتحددي نمطك اتوقعك جنوبية شرقية و كمان لزوجك لتشوفي كيف تعامليه و كيف تعاملي حالك.
من هالمنطلق بتبدي تكتشفي حالك شوي شوي اما فيما يخص الكلمات الرومانسية مو مشكل انتي اتعلمي تقوليها لحالك كل يوم قدام المراية اوقفي قدامها و قولي انا بحبك يا فلانة و عبري كل يوم كل يوم راح تتعودي بعدين بلشي تقولي انا بحبك يا فلان يعني زوجك كل يوم علريلو عن شعورك بالطبع قدام لمراية و يفضل قبل النوم و اول ما تصحي و بالنهار .
بعد مدة راح تلاحظي انك اتعودت عالكلام و اتغلبتي عالخجل هون بلشي كل مرة تقوليلو كلمة حلوة شوي شوي بتروح العقدة اي استفسار انا هون.

 

[مشتركة]

يسلمو كتير سحر أريم علي ردك شجعتيني بارك الله فيكي

 

[سحر أريم]

يسلمو كتير سحر أريم علي ردك شجعتيني بارك الله فيكي

_حياك الله مشتركة بالتوفيق حبيبتي ممتنة لك
​

 

[ضحى اماني]

من كلامك تظهري من لبنان اذا كنت كذلك فانتم ماشاء الله لسانكم حلو وكلامكم جميل يعني الموضوع مسألة دافع فقط واذا فكرتي ان مغريات الحياة تحيط بزوجك رح تقتنعي ان الكلام العذب يكون منك افضل من سماعه من غيرك.
من ناحية اخرى الكلام الطيب يعبر عما في الصدور انت مثلا لو زوجك ماعبر لك عن مشاعره ورغبته في الزواج والارتباط بك ما كنت معه .
هي فقط مسألة تغيير وانظري للمسألة كتحدي للفتن التي تواجه زوجك لأن الزوجة هي منبع الحب والحنان والعطاء وكل هذا يترجم بالقول والفعل حتى لا تتركي لغيرك فرصة والله يوفقك