ساعدوني اريد حلآ

[كوثر]

السلام عليكم ورحمة الله وبركاته ابي أعرف هل اني عاطيه المشكله اكبر من حجمه امالا انني سعيده جدآفي حياتي مع زوجي لانه لايرفض لي طلب وحنون وطيب واجد بس مشكلتي انه ينام في غرفه واني في غرفه ثانيه لي ثلاث سنوات مانمنه في غرفه واحده هو ماعنده مشكله واسبب ان راسه خفيف ومايتحمل اني اقوم الي بنتي الصغيره لانه لازم تجلس في اليل وتصرخ والشي الوحيد مضايقني حاولت اناقشه في الموضوع كذا مره ولكن دايمن يقول انهذا الوضع لايوثر علي علاقتنا الحميمه ابي حلا اخواتي هل لاني يستاهل ارضي بالوضع هذا مع اني للعلم اني حامل يعني سيستمر الحال اني احبه واجد واخاف علي زعله ويش رايكم

 

[عنقود عنب]

اختي

بعيد عن المخده ......................................................بعيد عن الموده

تحياتي

 

[زهرة البوادي2006]

اختي ديننا الحنيف ما امر الرجل لما يتزوج زوجته في غرفة وهو في غرفة لانه هذا يبعد الالفة والمحبه بينهم بالعكس من اسس الزواج التقارب الجسدي والروحي فكيف انتي عايشه مع زوج يوخذ حاجته ويروح الزوج لما ينام مع زوجته ويحضنها هذا يزيد المحبه والاقتراب من بعض اختي حاولي اعرفي السبب الي يخليه يحب ينام بروحه اكيد سبب والله يوفقك

 

[نعومة داوني]

بصراحه أختي أحس هذا شي مو طبيعي أبد
نومه الخفيف ماهو سبب لابد فيه شي وشي كبير إلي يخليه
ثلاث سنوات ما ينام جنبك
لازم تبحثين عن السبب وتراجعين نفسك
والله يقربكم من بعض يارب

 

[ريمان2008]

حبيبتي كوثر لا تخلي الوضع دا من دون ماتشوفيلو حل أتلزقي فيه
روحي غرفته كل يوم ونامي في حضنه قوليلو ما أبغ جنس أبغ
حب وحنان أنا مرتك مش عشيقتك وإنت زوجي مش بنك
الله يوفقك في كل أمورك

 

[Candy G!rl]

الله يعينج اختي خخخخخخخ نفس حالتي ... المشكله انا تفهمت زوجي لانه متعود ينام رجل يمين ورجل يسار ويتحرك كثير على الفراش ومو متعود ينام جهه وحده ز..يعني ياخذ راحته بالنومه ... وغير انه كان يرفسني برجوله او يعطيني بكس بكووعه ههههههههه يعني النومه معاه عنف بعنف ... اول شي كان يراعي مشاعري ينام عندي شوي والا الساعه مثلا 3 او 4 تلقينه سحب نفسه على الغرفه الثانيه ... بس هو علشان مايحسسني انه في شي غرفتي مقابله غرفته على طول ودايما لما ننام نخلي البابين مفتوحين على بعض و مايسكر الباب ابدا وهو نايم .. طبعا هذا مايمنع انه ساعات يصير ضيف عندي او انا ضيفه عنده ... وموشرط بنات الي بعيد عن المخده بعيد عن القلب اذا زوجج يحبج والله لو تنامين بجنوب افريقيا راح يتم يحبج ويحس انج قريبه ...

انصحج تشوفين السبب الرئيسي الي يخليه ينام بغرفه ثانيه ... وموشرط يكون في شي ويمكن فعلا نومه خفيف ومايقدر يستحمل ..

ودعوه من القلب ( يارب يارب يسخر لج زوجج ويعمي قلبه عن الحرام ويخليه مايشوف غيرج ) اللهم امين

 

[قلم اخضر]

الصراحه يا اختي انتي السبب اذا كان يتعذر انه نومه خفيف وانتي عندج ياهل اساسا ليش تخلين الياهل عندج في الغرفه يعني اذا كانت الغرفه الي هو ينام فيها قريبه فليش ما تنيمين الياهل فيها وحطيلج جهاز مال اليهال عشان تسمعينه اذا قام او خلي الباب مفتوح بس لالالالا تخلينه ينام بروحه في الغرفه
انا عندي اخت الصراحه زوجها كان يبا يلعب معاها هذا الموال بس هي عرفت كيف تتصرف شوفي شو قالتله
( من اليوم حط في بالك اني بنام معاك والياهل بوديه الغرفه الثانيه الي انته مسوي عمرك تنام فيها
قالها بس انا نومي خفيف
قالتله يعني انته نومك يخف عندي وتسمع الياهل بس يوم نكون يميع بس اذا كنت في الغرفه الثانيه الي لاصقه فينا ما تسمع مع انه الصوت يوصل يعني ؟؟؟
انا ما اصبر عنك واتوله عليك وخاطري بحظنك وانا نايمه ومش من حقك تحرمني من هذا الشي ( طبعا باسلوب دلع )
شافها مصممه قام وطخ والحين كل عيالها على هذا الموال في الغرفه الثانيه وحاطه عند راسها جهاز نقل الصوت والحمد الله ما صار عليهم شي
ان شاء الله اكون فدتج

 

[دقايق]

ما شا الله البنات ماقصرررررررروا
بس انا رريلي يرقد في الصاله تعرفون ليش؟؟؟
مايحب المكيف
شوه الحل؟؟؟؟

 

[حرير واستبرق]

ما شاءالله

 

[نوني فروتي]

رد / ساعدوني اريد حلا

انا مع الاخت اللي نصحتك بانك تتركي طفلك في الغرفة الثانية وتضعي جهاز سماعة البيبي كير عند راسه وروحي اطمني عليه كل فترة ونامي انتي مع زوجك حتى لو تجربي معاه لفترة وتشوفي ايش حكاية زوجك هو يتحجج او كلامه صحيح واتوقع اذا شافك مطنشة طفلك ممكن هو يطلب منك تحضري الطفل للغرفة :18:

 

[الجده الصغيره]

الوضع عااااااااادي ولاشيء في ذلك..هو راحته بهالشي لا تبلشينه ...انا لي 23 سنه وقريب من حالتك....ومااشيه حياتنا ....

 

[احب حسن]

دعاء

ااسال الله ان يالف بين قلبك وقلبه وان تكوني في نظره اجمل نساء العالمين وان يرزق زوجك غض البصر وحفظ الفرج الله يسعدكم ببعض ويحقق لك ماتتمنين
يارب اميييييييييييين