ساعدوني اخواتي طلبتكم

السلام عليكم ..
انا أعرف وحده زوجها عنده هالمشكله تقول من ولادته عنده اتخاء في فتحت الشرج

سوا عملية ومانجحت وبيسوي ثانيه

قولي لزوجك بطريقه لطيفه ان في ناس عندهم هالمشكلة وفي لها علاج صارحيه وقولي له انك خايفه عليه



​
 
بما انه قالك ان فيه امساك قوليله بطريقه حلوة انه يروح عند دكتور يمكن فيه بواسير واذا قاللك مااحس ان فيني بواسير قوليله يمكن توها داخل ماطلعت لبره فالحين علاجها احسن يكون بالادوية بس ...
لانه بماانه بيروح يفحص على اساس انها بواسير فاكيد بيقول للدكتور على مشكلته هذي لانه اكيد ملاحظها وبيعطيه الحل..

ويابنات الله يهديكم لاتشككونها في زوجها ...
والله يشفيه..
 
هلا وغلا اختي

انا سامعه من وحده زوجها يعاني من نفس هالاعراض
وراح للدكتور وطلع عنده بواسير

او انا اتوقع زوجك عنده القولون ويمكن ما يدقر يمسك نفسه

لا تخافين مشكلتك حلها بسيط

بس مع جذي خبريه بها الشي ولازم يراجع الطبيب ...
 
اناا مع كلام اختي البرائه حاولي تقنعينه يروح لدكتور لانه باين ان عنده مشكله صحيه

الله يشفي زوجك ويعينك
 
اقدر موقفك اختى

لكن الحرج الزايد قد تكون له عواقب وخيمه فانت تحسين بان حبك لزوجك يقل وتخافين ان تكرهيه

لكن لما لاتقومى بالحديث معه بطريقه غير مباشره

كان تبحثى عن مواضيع فى النت وتحاولى ان تفتحيها امامه وكانك اول مره تريها

وتتكلمين عن مشكلت الناس الذين لا يهتموا بنظافتهم وبانهم يسببون لانفسهم الامراض وبعد الناس عنهم

ولعل فى ذلك ما يحرك اهنمام زوجك بنظافته الشخصيه


وربنا يعينك ويهدى زوجك للاهتمام بنفسه
 
أختي الغالية أنا مع الدكتورة لا تشكي بزوجك فسبحان الله يمكن الرجال مريض لا سمح الله وفكري بحل لا يجرح زوجك.
الله يحفظكم لبعض.
 
لو تخبرينه بصراحه ولباقه.. انك تخافين المنطقه مو نظيفه..

وتقولين بسوي لك اذا كنت توك منظفها بالصابون.. ولا تكبرين الموضوع اكبر من كذا.. وخليك كول..


لعلها تنفع..


اما اخواتي اللي شككوها بزوجها مو كل معلومه تسمعونها تطبقونها

يعني سمعتوا ان اصحاب اللواط ما يتحكمون بالمخرج تعممونها على كل حل حاله ..!!!!!!!!!!

طيب فيه حالات ثانيه.. اللي مصاب بالبواسير المنطقه ما تصير نظيفه دائما..


اللي عنده ليونه دائما في بطنه بعد يصير له كذا


اتقوا ربكم وخااافوه.. ولا تخربون زوجه على زوجها لأجل ظنون جت في بالكم


يعني ما يصير اذا جا شي في بالنا علطول نكتبه..

انتي كتبتيه وضيقتي صدر اللي جايه ومستفزعه.. وجبتي لها القلق.. والهم..

وحضرتك رحتي ونمتي ولا همك شي..!!!


ارجوووووكم لا تكتبون الا اللي يسركم تشوفونه بصحااااائف اعمالكم يوم القيامه...
 
من جد ممتنة لكم ردودكم اللي تثلج الصدر يااخواتي لمست فيكم الاخوه الصادقه جزاكم الله على كل حرف كتبتوه لاجل مساعدتي
ان شاء الله راح اتجرأ واشوف فرصة مناسبة لمصارحته
يعطيكم الف الف عافيه ولا حرمني ربي منكم ومن دعواتكم ياغاليات
 
السلام عليكم أختي الغالية
الموضوع بسيط جداً....
من يعاني من البواسير لايتحكم تماما بفتحة الشرج و يكون لديه امساك و من عنده قولون تكون الغازات قويه ويخرج معاها أجلكم الله بعض الفضلات وكثيرا ما يجتمع الأمران معاً
فبالتنبيه اللطيف و مراجعة الدكتورتنتهي الحالة بإذن الله
 
اهلا بيكم خواتي العزيزات واشكر اهتمامكم ومساعدتكم لي
والله حبيبتي الغاليه فدك للآن ماجات فرصة مناسبة لأصارحه نظرا لانشغاله في هاليومين بس ان شاء الله راح اتكلم معه او المح له ع الاقل

تحياتي القلبية
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل