ساعدوني اخواتي - بكرة آخر يوم للتقديم على الماجستير ومترددة

[رنااااد]

مرحبا اخواتي
اناناوية اقدم على الماجستير بكرة...يعني اسجل وبكرة اخر يوم....بس مدري يا بنات احس اني مو مقتعنة ومااابي سبحان الله....يعني احس اني ابغى اسوي كذا بس علشان ابسط امي (مع انها ما طلبت الشي هذا مني) بس لانه اولاد خالي كلهم راح يحضرو ماجستير ...فما ابغى امي تحس انهم احسن (مع اني والله اتمنالهم التوفيق)...بس اللي ابغى اوصله اني دايما احس اني اسوي اشياء انا مو مقتنعة فيها بس علشان ابسط وارفع راس الوالدة الله يحفظها....والا انا مثل ما ذكرت ا ابي احضر ماجستير..لاني مضغوطة بشغلي وغير كذا ماني لاقية وقت اعتني فيه بنفسي....وابغى اذا لقيت وقت اهتم بنفسي ..لانه من جد احس خلاص بشرتي خربت مع الضغط وصار شكلي مرهق....وانا ابي مثل كل البنات اتزوج واكون عيلة (انا عمري 26 - يااارب اتزوج ادعولي) بس ابغى اكووون قنوووعة وما اتضايق اذا سمعت انه فلان او فلانه خذت المساتر وانا لا...يا رب تكونو فهمتو علي يا اخواتي وتفيدووني لانه بكرة آآآآآآخــــــــــــــــــر يوم ومثل ما قلت ابي اسوي شي انا مقتنعة فيه وبنفس الوقت مابي اندم بعدين​

 

[FloOowers]

اولا الله يوفقك يااااارب

ثانيـــا: راااااائع منك ماشاء الله حرصك على اسعاد امك الله يحفظها

وان شاء الله يكون برك لها سبب لتوفيقك


حاولي تناقشي معاها الموضوع وخذي رأيها

وطبعــــا لا تنسي الاستخارة لانها مرررة مهمه

انا بنفس عمرك ومريت بنفس الحيرة بالنسبه للماستر

بس سبحان الله كنت كل ما افتح الموقع عشان اقدم

اتراجع وبعد استخارة تأكدت من قراري اني "ما اقدر احتمل اي ضغوطات فوق ضغط العمل" وما قدمت واكتفيت بالبكالوريوس وقلت الحمدلله :showoff:

فأستخيري يااا اختــــي
والله يوفقنـــا جميعـــا بالازواج الصالحين يااااارب :blush-anim-cl:
​

 

[اعلامية طموحة]

يا حبي الماستر مابيطير اذا هالسنة تعبانه أجلي الموضوع وفهمي الوالده انه ما ينفع تقدمي وماتجيبي درجات تشرفك وتشرفها

بالعكس الماستر شي حلو ومفيد والعلم مايجي من بعده ندم .. هذا غير رضا والدتك شي رائع واحساس بالفخر لايوصف

بس لاتكلفي نفسج فوق طاقتك أجليه سنه أو سنتين مابيطير

وانا بعد نفس عمرج وودي بالماستر بس فعلا تخافي من ضغط العمل وضغط الدراسة وانتي بالنهاية بنت طاقتك محدوده
هذا غير انك ممكن تتزوجي في أي لحظه يعني هات التعب من كل صوب عمل ودراسة وزواج ويمكن حمل :surrender:

خططي صح ورتبي امورك وبعدين اخطي الخطوة التالية بس كذا سريع سريع ماينفع​

 

[انسه طفشانه]

ياقلبي اذا انتي مو مرتاحه اجل لاتكملي ولاشي
واذا على امك فتقدري تكلمينها انك مو حابه هالشي
وانتي بنت ومو ملزومه بالماجستير
وربي يوفقك

 

[Ms.RoZa]

مافيه شي اسمه بسوي كذا وانا ما ابيه

لإنك ماراح تحبي الشغله الي سويتيها , راح تنهكي حالك ع الفاضي , وتضغطي ع نفسك ووقتك بشي ماتبغينه !! .. ف طبيعي جدا انك ماراح تطلعي من حالتين : 1 - تنسحبين وتتراجعين بأي لحظه , 2 - تفشلين . !

الأجدر بك تأجيلها حتى تتهيأين نفسيا ً لها : ) ..

ولنفسك عليك حق ياحبيبتي

 

[رنااااد]

الله يجزا كل وحدة ردت علي كل خيــــــر يا رب....انا استفدت من كل وحدة ردت علي....flower انا فعلا صار معاي مثلك دايم اقول بقدم ويصير شي ويتأجل الموضوع...
انسة طفشانة انا فعلا فتحت الموضوع مع امي وقالتلي لا بالعكس انا ما الزمك بشي ممكن يتعبك وانا ما ابغاكي تكملي لاني شايفة وضعك كيف ونفسي ترتاحي وتشيلي الفكرة من راااسك وانا اتضايق لما اشوفك كذا دايما مضغوطة....اعلامية طموحة وهمس العذاري انا دايما اتابع مشاركاتكم ولما ارسلت كنت اقول فنفسي يا رب الاثنين يردو علي ...الله يجزاكم كل خير ...أنا استخرت الظهر يا بنات وبعدها ما حسيت بشي بس اتصلت على الجامعة وقالولي انه التسجيل اتأجل لتاريخ 9 نوفمبر....وبعدها عالمغرب سبحان الله اتصلو علي وقالو انه الترم راح يبدا ب 9 نوفمبر بس لازم الدفع والتسجيل يكون بعد بكرة كحد اقصى...تتوقعون اللي صار له دخل بالاستخارة يعني خيرة اقدم او لا؟ لسة محتارة