ساعدوني اخذ القرار وانا مرتاحه

[فتوو*_*]

السلام عليكم ورحمة الله وبركاته

بنااات ابغى مساعدتكم لاني في حيره:8:


وحده من صديقاتي اخذت رائي في موضوع وانا احترت ايش اقول لها

تقول ان صديق اخوها يبحث عن عروس :5:وكلمتني بتاخذ رائي

هو بخاري من مواليد السعوديه ويشتغل في مدينتي اللي اسكن فيها

وعنده سكن خاص فيه وقرض بس المشكله في انه مو سعودي مامعاه الجنسيه

بس هوو مسلم ومحافظ واخلاق

انا احترت لاني خفت على مستقبل الاطفال اذا ربي رزقنا

انتم ايش رايكم اوافق واقول لاهلى والا ارفض؟؟

 

[فتوو*_*]

وووووووووووووينكم؟؟:4:

 

[صعود بلا قيود]

الله يوفقك ياقلبي

وييسر لك

رأيي ف هالموضوع اممممم ...... شخصي ​

 

[الساعه الرمليه]

أنا كمان رأييي شخصي بس قبل أستخيري أولآ وثانيآ راح أقولك لااااااااااااااا توافقين نصيحه من أخت لأنه بيترتب عليها أشياء كثيره
يمكن بكره يبغى يرجع بلده وقتها أيش رح تسوين لا تقولين عايش كل عمره هنا ومارح يروح ما تدرين عن الدنيا ودورانها
فرضآ أنك تزوجتيه وجبتي عيال وكبروا وما لقوا لهم وظائف غير العسكريه ما بقدرون يدخلونها لأن ما معاهم جنسيه
أو لو كانت رغبة أحد منهم العسكريه أو رتبه معينه ماراح يقدر يدخل لأنه مو سعودي
الباب اللي يجيك منه الريح سده واستريح
علشان ما تصيرين بين الجنه والنار حتى لو كان طيب ورجل محترم لابد يكون فيه مشاكل الجنسيه .
ربي يوفقك وينور بصيرتك

 

[فتوو*_*]

ايوه انا متردده عشان الجنسيه

بس هي قالت دام اولادك امهم سعوديه فما راح يصير عليهم بس ان شاء الله

بيقدروا يدرسوا بمدارسنا وبيكملوا تعليمهم

بالنسبه للسفر انا سالتها برضه قالت هو قال مستحيل من ارض ولدت فيها وتربيت فيها

وان شاء الله اموت فيها

بس لسى خايفه عشانه مو متجنس

الله يعين

 

[الساعه الرمليه]

طيب حبيبتي فتوو أنتي أيش اللي حادك عليه ما فيه غيرو إن شاء الله يجيك واحد غيره لا ترمين نفسك في دنيا ما تعرفين نهايتها وبعدين حبيبتي حتى لو كنتي سعوديه وجالك أولاد ما يدخلون ظمن قائمة االسعوديين مادام أبوهم مو سعودي أكيد بيدرسون هنا فيه أماكن كثيره للجاليات بس الوظيفه العسكريه مستحييييييييييييييله إذا ما أخذوا الجنسيه وأنا قلت لك قبل أنك ما تضمنين الدنيا يمكن يحن ترى الدم يحن لعروقه لا تحطين نفسك في دوامه ما تقدرين عليها ...........
وبعدين عندي سؤال محيرني ليش ما أختار صديقتك اللي هي أخت صديقه اذا ما كانت مرتبطه ؟؟

 

[لوحدي وفيت]

استخيري وبس الله يكتب لك الخييييييييير

 

[زحمة مشآعر ..!]

فكّري بآلمستققبل ..

طيب ليش مآيتجنس ؟؟؟


آلساعه الرمليه/ كلآمها وآقعي وفيه نظره للمستقبلل

الله يكتب لك الخخيير ..

 

[بنوته سدير]

اسخيري
والله يكتب لك الي فيه الخير

 

[رضاااك ياربي]

استخيـــــــري وربي ييسرلك وينور بصيرتك ,,,

 

[فتوو*_*]

اللي سالت عن صديقتي هيا متملكه

وهي اخذت رائي مبدائيا تقول شوفي اذا تقدرين كلميني عشان يتقدم لك رسمي

بعدين ايش فيكم على الوظائف العسكريه انا مابسمح ولا واحد من عيالي يدخلها

ماحب هالنوع من الوظائف حتى لو تزوجت سعودي

ايش حادني عليه نصيييب يمكن مايجيني الاحسن منه

خصوصا سبق لي تقدموا لي 3 سعوديين كل واحد اسوء من الثاني لما سالنا عنه

وكماان احس حظي مدرى كيف كل شي ينتهي بلحظه

شكرا لكم

 

[زحمة مشآعر ..!]

آنآ مآقلت ع شآن آلوظآيف آلعسكريه!
بس آلوآحد مآيعرف عن الظرووف وش بيصير بعدين بسبب هآلجنسيه . .

ربي يوووفقك

 

[الساعه الرمليه]

حبيبتي مو بكيفك تسمحين لعيالك بالوظائف العسكريه وإلا لا كل إنسان يحدد هوايته وأهدافه بنفسه حتى لو كنتي أمهم <<<<<< لا تخلينا نستعجل المستقبل
وغير كذا ما راح يكون لهم حقوق مثل باقي السعوديين وما راح ترتاحون ف حياتكم تصيرون بين مد وجزر
شكلك موافقه علشان كذا تبررين لو كان كذا وفقك الله لما فيه الخير والصلاح ولو كنتي متردده أستخيري ما خاب من إستخار
لو تزوجتي وصرتي مبسوطه فسامحينا على حكمنا الخاطيء وإذا لا قدر الله تلخبطت حياتك تذكري نصيحتنا الأخويه وخليها عبره لك
ولو ما وافقتي أسأل الله أن يرزقك بالزوج الصالح
ونصيحه مني لك لا تربطين عدم موافقتك ل3 اللي خطبوك قبل وتخلينه مبرر لهذا الخطيب الجديد ويمكن ما يجي غيره ومن هذا الكلام لأن بيخلي عندك وسواس أنو فيك شي أو أنك غير مرغوبه أو بتعنسين وغيره من الأفكار المدمره
أنا خطبني 6 من قبل بس ولله الحمد ربي رزقني على قد صبري خير وتزوجت رجل فيه خير
وأختي خطبها 5 ونفس الشي

 

[أخت الفهد]

نصيحه لا توافقين وحدة من صاحباتي كل بنات خالاتها سعوديات الا هي واخواتها السبب ان امها اخذت اجنبي البنت مرة حاسة بنقص يبن صاحباتها وبين بنات العيله لاوكمان تتمني انها تتزوج سعودي عشان لايصير حالها زي امها وكمان لايصير حال عيالها مثل حالها وكله كوم ولما كنا بالمدرسة لما المرشدة تطلب من الاجانب الاقامه كوم ثاني احراج بين البنات وتبدأ ساعتها المسخرة .......اختي اذا انتي صغيرة ومن عيله وش حادك علي الاجنبي العمر قدامك يجيك احسن منه ....هذا رأي والي انا اشوفه وانتي استخيري وشوفي ولكن فكري الف مرة قبل لاتوافقين

 

[فتوو*_*]

مشكورات والله كلامك زادني حيره وخووف

احس اني راح اعتذر منها

موفقاات

 

[الساعه الرمليه]

أتمنى لك التوفيق والقرار الصائب وطمنينا عنك ok

 

[Reemالحربي]

أنا مع الساعه الرمليه كلامها كله عين العقل
وانتي استخيري ياقلبي
والله يوفقك ياقلبي

 

[فتوو*_*]

ان شاء الله ابشركم بالاخبار الساره

 

[فتوو*_*]

اللي يسالون عن اخر الاخبار

انا رفضت واعتذرت منهم :4:

كلامكم والمستقبل خوفني

والله يعين

 

[زحمة مشآعر ..!]

الله يعَووضك بآلآحسَسن منهْ =)

مٌووفقه*