ساعدوني أختكم محتاجتلكم ..

[أم نموري]

السلام عليكم ورحمة الله و بركاته
أخواتي و صديقاتي البلقيسات
سوف اطرح مشكلتي لأني بصراحه مأحب أقول مشكلتي لأحد حتى لماما لأن لو قلت لأهلي راح يكبرو المشكله حتى لو كانت تااافهه .. أنا فتاة متزوجه عمري الان 22 ولدي ولد الله يحفظه و يخليه ليا تزوجت على رغبتي من غير ان احد يضغط عليا .. يمكن عشان كانت ظروفي تجبرني بالزواج بكرآ لأن ماما و بابا منفصلين.. و كنت عايشه مع مرت بابا وكانت مسيطره على عقله بكل شي لدرجه وقت مأبغى حاجه أو احتاج اي شي ماأقول لبابا تواصلي معاااه جدآ معدوم ماأحس بأي أحساس من المحبه من جهته ... فضل عليا مرته و عياله ..أخذني من ماما وكان عمري 9 سنين و ماأخذني حبآ فيا ..لأ أخذني عشاان عمااتي و مرتو حرشوه و عبو راسو مع انو ماما ماتزوجت وكنت عايشه عند اهل ماما .. فلما اخذني خلاني اجلس عند عمتى المطلقه و ما رضيت تجلسني عندهاا إلا بعد ما كان بابا يعطيعاا مصروف شهري فجااة مره و ما أعطاها مصروف اتصلت على بابا و تقلو انها تبغى مصروفهاا ولو ما تبغى تعطيني تعاال وخذ بنتك ... المهم بعدين رحت عشت في بيت بابا و كنت أتضارب مع مرتو لأنهاا هيا بصرااحه كانت تأذيني و تروح مع مصلحتهاا لو عندهاا حاجه عندي تسير زي السمن عالعسل..
طبعا جلست عند بابا 8 سنين و كانت اصعب 8 سنين عدة علياا ولله كان مايخليني اروح عند عمااتي لو مرتو متضااربه معاهم .. هيا كانت مشاكلهاا كثير مع اغلب النااس تضاارب .. ولمن ماما تجبلي ملابس تروح وترميهاا او بابا يقصهاا بالمقص و تقولي ايش الملابس هذي أمك ذوقهاا بدوي و أنا اكون مره فرحااانه فيهاا .. بابا كاان دايما يكسر خااطري .. في البيت كااان كل شي ممنوع و لله بعض الاحيان يخرج من البيت هوا وعيالو و قفل عليا الباب و الرسيفر يشيلو و يخبيه في غرفتهم و طبعا غرفتهم مقفله كمان مع العلم أن العماره كلهم أهل بابا ساكنين فيهاا .. كااانو يفتشو اغرااضي أي هديه من صحبااتي كانو يخذوهاا و الله عمرو ما خلاني اشتري هديه لصحبااتي الحين بنااتو يوديهم السوق ويشترو هدايه لصحباتهم حااجه تقهر الاشياء الي كان مانعني منهاا الحين من الاشياء المبااحه في البيت .. بس حسبي الله و نعم الوكيل ..
المهم .. الحمد الله ربي سخرلي زوجي مررره حنون عليا و يخااف علياا و بصراحه معوضني عنو ماما المسكينه أتزجت و هيا ساكنه في مدينه ثانيه ومن نعم الله انو حملت وجبت ولد الله يخليه ليا
بس مشكلتي .. الان مع زوجي بسبب الاختلاط في العائله فسرت أكره التجمعاات و العزاايم بسبب هذا الشي بنات خلاتو و خيلانو كلهم يكشفو عليه و بعضهم من غير طرحه وانا على طول مزاجي ينقلب و ماأطيق الجلسه كلهاا و حتى لمن ولدة بنت خاالتو ماباركتلي دقت على زوجي الجوال و باركتلو أنا عصبت . و مرره ام زوجي راحت زواج و وقتهاا كنت أنا في النفااس وداها زوجي الفرح و أخلتو تعدي على بنت خالتو انا مررره عصبت عليه لأن بصرااحه مهو مكلف فيهاا يوديهاا و يجيبهاا ......فلمن صاار يشووف غيرتي الزايده و سرت أتجاهل عزايمه وانو ما ارضالو يوديهم و يجيبهم قلي كلمه جرحتني ...< قلي .. طول ما أمي تبغااني اوديهم واجيبهم أنا راح اروح لآن احنا في العائله كذا > ولله مع عمرو محد من عياال خالاتو اخذو أم زوجي بس هوا دايما يحب يفزع .. و ألي يقهر لمن اقولو مديني يستثقل المشوار و يكرهني بالخرجه فوق هذا كلو انا ما أخرج كثير عند بابا ماأروح دايمآ عشان حرمتو . وماما في مدينه ثانيه .. و لمن أطلب منو مشوار يقولي الله يعيني على الطريق و يارب يخارجنا و الله يعيني على المشوار و كمان يقولي لازم تروحي خلاص مو ضروري ..طيب أنا أنقهر يودي أهلو و ما يقلهم شي أنا ما عندي مشكله يوديهم بس كمان يوديني انا كمان ..
الله يجزاكم الجنه ساعدوني كيف اتعامل مع زوجي أنا محتاره:schmoll: ....؟ ​

 

[بنت السيفالبتار]

سيدتي العزيزة أنتي في البدايةقلتي أنه يحبك ويخاف عليكي..وعوضك عن أهلك وقسوتهم...هذا شئ جميل الآن يأتي أنتي دورك لتعوضيه عن أهله وكل خالاته..واتصرفي عادي وكوني الأقوي ماتحسسيه إنك مقهورة مثلا...يوم ما وحدة من بنات خالته تطلب إنها توصله عادي البسي وروحي معاهم..وأنت قوليلها تكرمي بعيونا نوصلك..وهو قلك طول ماأمه بتقولي أوصلهم حأوصلهم يعني الرجال كرمال أمه..وهذايدل عأخلاقه...وأما قصة أمك اتصلي عيها تزورك هي مثلا ويوم يكون زوجك رايق ولو شو ماطلبتي راح يلبي قلي خليني أزور أمي.....وربنا يوفقك

 

[بنت السيفالبتار]

وشغلة تانية إياكي ما تروحي عزومة أو دعوة غدا أو فرح لأنك بتعطيهم هكذا فرصة ليتغلبوا عليكي وأنتي بالعكس تواجدي حتى ما يلاحظ زوجك واكظمي غيظك لتكسبي زوجك..وعلى فكرة أنا لي رأي روحي عبيت والدك لو ساعة بالنهار في الشهر يا ستي مرة..لانه بضل والدك...مهما صار

 

[روان2009]

حبيبتي؛؛أحمدي الله انه عوضك بانسان طيب؛؛
وبالنسبة لاهل زوجك انا معاكي انه تصرفاتهم غلط وحرام؛؛لكن بالسياسة والحكمةتقدري ان شاءاللة تغيري الوضع؛؛
اهم شي تكسبي زوجك ولاتأثر عليكي الغيرة وتصيري نكدية؛؛بالعكس خليكي دايما مرحة وحبوبة ؛؛
ولاتنسي ام زوجك افهمي نفسيتها واتقربي منها عشان تحبك وتراعي مشاعرك؛؛ومدام هي تحب انها تخرج بمرافق فاأحسن لك انك ترافقيها؛؛واتذكري دايما انها اختارتك انت لولدها ؛وتركت الكل؛؛
الله معك ؛ييسر لك امورك.

 

[sareta]

يا اختي احمدي الله انو بعتلك انسان يحتويك ويحن عليك ليش تضيعي حياتك علشان صغائر الامور لو بدو يتزوج بنات خالتو كان تزوجهم وما تزوجك خلي عقلك كبير و ما تبينيلو ولا تبينيلهم انك متضايقه ما في سبب تتضايقي علشانو انت هيك بتفتحي عيون زوجك خليك صديقتو و اتفهميه ما بصير كل شي ينعمل عليه مشكله بالحياه الزوجيه لازم تنازلات و لازم تكوني قويه حافظي عليه بدون ما تجنينيه

 

[ضوء الجنوب]

و الله انا مع الاخت "بنت السيف البتار " 100% بس مستغربه منك و ابغاكي تركزي على هذا الموضوع اكثر, ايش اللي قاهرك و مزعلك اكثر غيرتك عليه او انه ما يوديكي مثلهم ,,,
صعب الان انك تجي و تفرقي العايله هذا شيء تربوا عليه و راح يحس انك دخيله عليه طول ما انتي ترفضي انك تتقربي منهم او تزعلي كل ما يوديهم ويجيبهم ,,,وعلى فكرة الرجال يكره زوجته اذا كانت نكديه و دايما زعلانه ,,,هو ممكن يراضيكي مرة و اثنين و ثلاثه بس لما تزوديها شفتي ايش قال لك ...

حافظي على بيتك و زوجك و اعرفي انه شخص مستقل لا تحاولي انك تربطيه و تمشيه على كيفك الحياة مختلفه تماما

و خلي مشواركم يكون فيه متعه يعني ما تقعدي تسويها نكد و تذكري المشاكل و الهموم و طفولتك المعذبه ...حطي في بالك زوجك من النوع اللي يحب المشاوير اللي كلها ضحك و وناسه ,,,ولا تستغربي ليه عيال خالته ما يوصلوا احد من العائله و هو يوصلهم كلهم ,,,اقرب مثال اذكره لك انا و اختي ,,,انا اوصل صديقاتي و صديقات امي و اي احد يطلب مني مشوار عادي عندي ,وفي ناس احب اني اوصلهم اكثر لانهم وناسه و فرفشه ,, عكس اختي تماما اللي ما ترضى لاحد ,,,يعني نفس مثال زوجك و ابن خالته .

زبدة الكلام ,,,طفولتك المعذبه انسيها و لا تحاولي انك تستخدميها علشان تضغطي فيها على زوجك او اي احد ثاني ,,,يعني في الباديه انتي ذكرتي قصتك و اللي مالها اي علاقه لا من بعيد ولا من قريب لمشكلتك مع زوجك ,,,تجاوزي الماضي و عيشي الحاضر لا تنقهري ليش ابوكي يجيب لخواتك و ما كان يجيب لك انسي كل هذا و ركزي في حياتك الجديده ابنيها مثل ما تبغي من غير ما تضغطي على زوجك ,,هو مش مسؤول عن اللي صار لك عند ابوكي ,,,حبي حياتك الجديده و احمدي الله عليها و اشكريه و حافظي عليها

ولا تسوي من الحبه قبه ...

 

[كيوت مامي]

الله يكون بعونج