السلام عليكم ورحمة الله وبركاته ... خواتي اتمنى انكم تساعدونا .. اختي تزوجت من 3 سنوات عندها ولد ( سنه وتسع شهور ) وحامل بالثاني .. ساكنه عند اهله ف غرفة وحمامها ... من بداية زواجهم وتعامله معاها كانها مملوكة وخادمة حقه وحق اهله .. وان كان ما يعيبه شي يهينها بالكلام و بالضرب... في بداية الايام مثل ما قلتوا انه الوحده تعتبر عمرها غلطانه عشان جيه تسكت وما تقول لكن مع مرور الايام بين انه هو يضرب بس لانه يبي يثبت وجهة نظره طبعا الضرب يستوي جدام اهله وما يعلقوا ولا ينصحوا واذا راحت بيت اهلها يرد لها يتأسف ويعتذر وعقبها يرد يضرب ويقول انا مارديتج الا لانه ابوج ما هان علي والا انا ماباج .. وطبعا من بداية الزواج وهو ما يطيع يعطيها مصروف ولا يصرف عليها ولا يشتري لها شي ... اوقات العيد تكون عند اهلها هم يفصلوا لها ويزهبوها للعيد .. والصغير البامبرز وحاجاته الثانية اهله اللي يوفرونها حقه .. من كمن شهر اكتشفت انه يخونها .. ويصرف على حبيبته مبالغ غير معقوله ما يطيع يصرفها عليه في البدايه كان شك عقب تأكدت .. المهم في فترة الخيانه ومن قبلها كان هاجرنها ما يوصل البيت الا لاهانتها وجماعها بعد الاهانه .. ياخذ حاجته ويظهر ما يسأل عنها ولا عن ولدها يبات في الدوام وفي الاجازة يروح يصرف عمره في اماكن ثانيه ...
المهم تعامله زاد سوء عقب الخيانه وهي صارحته بهالشي مما خلاه يضربها وهي حامل .. فتركت البيت ووصلت بيت اهلها .. واحينه هي في بيت اهلها من شهرين تقريبا .. اشترطت عليه عسب ترجع له انه يكون لها مصروف وانه يكون لها بيت بروحها طبعا رفض الموضوع .. عقبها وصل لين بيت اهلها عقب صلاة العشا وطلب يشوف الولد ما رضا يدخل البيت وقف جدام الباب يوم وصلوا الولد له شله بدون ما يسأل وبدون ما يخبر احد .. في الباجر الحرمة رفعت قضية عليه وردوا لها الولد .. عقبها بدأت الاشاعات انه الحرمة مو حامل منه .. .. ومن ايام متصلين فينا ويقولون لنا تنازلوا عن المؤخر عسب نطلق بنتكم .. اتصلت هي في الدعم وكلمتهم قالوا لها انه لو تنازلت عن مهرها بتتنازل عن حقها في ولدها وهذا باعتباره انه خلع .. فرفضت وللحين السالفه عالقه وما يعرفوا شو يسوا ..
دخيلكم عطونا الحل ...
المهم تعامله زاد سوء عقب الخيانه وهي صارحته بهالشي مما خلاه يضربها وهي حامل .. فتركت البيت ووصلت بيت اهلها .. واحينه هي في بيت اهلها من شهرين تقريبا .. اشترطت عليه عسب ترجع له انه يكون لها مصروف وانه يكون لها بيت بروحها طبعا رفض الموضوع .. عقبها وصل لين بيت اهلها عقب صلاة العشا وطلب يشوف الولد ما رضا يدخل البيت وقف جدام الباب يوم وصلوا الولد له شله بدون ما يسأل وبدون ما يخبر احد .. في الباجر الحرمة رفعت قضية عليه وردوا لها الولد .. عقبها بدأت الاشاعات انه الحرمة مو حامل منه .. .. ومن ايام متصلين فينا ويقولون لنا تنازلوا عن المؤخر عسب نطلق بنتكم .. اتصلت هي في الدعم وكلمتهم قالوا لها انه لو تنازلت عن مهرها بتتنازل عن حقها في ولدها وهذا باعتباره انه خلع .. فرفضت وللحين السالفه عالقه وما يعرفوا شو يسوا ..
دخيلكم عطونا الحل ...
