::ساعدنني::النقاب::

[وردونة]

السلام عليكم ورحمة الله وبركاته

كيف حاآلكن..بلقيسياآت..وما أجملكن..!

هذه أولــى مشاآركآتي..بينكن..وأتمنى..أن أجد حــــلاآً لمشكلتي..

ألا وهي النقاب..

تزوجت وصار لي 10 شهور..وزوجي في البداية كان يقولي حطي الشيلة على وجهكِ

وتالي لبسني النقاب عقب اسبوع من الزواج ..!

المهم..في البداية كنت مقتنعة بالنقاب..لأني كنت آبي أطيعه وأسمع كلامه وأراضيه

بس هسه ..حدي متضايقة..من لبسه..لأسباب كالتالي:

1-الجو عندنا في البحرين..حرررررر..وانا جسمي حاار..وفوق ذي أموووت من الحررر
وساعات ما أقدر أتنفس..وتصيدني ضيقة وألم في الصدر(وهو ولا يهتم)

2-آنه دارسة في الجامعة ومحصلة بكالوريوس..وهو ثانوية..ولله الحمد..وشاطرة عدل..بس النقاب صار لي عائق ..ومب محصلة أي شغل بسبايبه..!!

3- أمي مب راضية على لبس النقاب لحد الآن..!

4- عندي أمل اني أفصخه..والحين محصلة شغل..ووظيفة حكومية..وكلش زين..وظيفة أحلامي..لكن يتطلب مني أفصخ النقاب..وهو حاولت أقنعه وما رضى للحين


كم مرة أخواني كلموه..وصارت مرتين خلال هالعشرة شهور..اني فصخت النقاب..عقب مزاعل معاه..ووصلت اني ممكن يطلقني..

بس آنه أحب زوجي وايد وهو يحبني..وماخذين بعض عن حب..بس هو مستغل حبي له..كنقطة ضعف..ويعرف اني ما بتركه عشان نقاب..!


يا خواتي الغاليات..آنه تعبت واايد..آنه عارفة قدر نفسي..وأعرف اني مجتهدة..وأقدر أوصل لأعلى المناصب..بس هالزوج مب مساعدني..في أي شي..آنه ما أقول انه ما يوديني ويجيبني.. ومتحمل فيني..لكن في هالنقاب..مب راضي

يا ليت تلاقون لي طريقة أقنعه اني أفصخ النقاب..وبإقتناعه هو أرجوكم

معلومات عنه

شخص ناجح..ومحاور جيد ولكن للغرباء..مخطط ممتاز للمستقبل..ذكي..مستقل..مقنع غير متنازل عن رأيه.. عصبي.. وبذات لين تعبان..وإللي في باله يسويه..مكار..يكذب أحيانا .. ويعني هييك..

أرجوكم..ساعدووووني

 

[رجة بس برزه]

الله يثبتك ويصلح نيتك وقلبك نصيحه من محبه ألزمي حجابك وطيعي ربك اولا ثم زوجك وبوسي يدك وجهه وقفا على زوج مثله في ها الزمن لا تخلي الشيطان يدخل قلبك وتقولي حرر وضيقه كله من ابليس ولا تقولي مستغل حبك له لا والله هو الي يموت فيك ومقدرك تقدير ما مثله أسأل الله ان يبارك لك في زوجك ويجعلكم عون للاسلام والمسلمين ويكثر من امثال ها الرجال في هالزمن صدقت يا حبيبي يا رسول الله بداء الاسلام غريب وسيعود غريب فطوبا للغرباء

 

[وردونة]

للعلم..قبل الزواج..آنه كنت محتشمه عدل بالدفة الواسعة..والشيلة الطويلة..والكل يضرب فيني المثل ولله الحمد
وكنت من الاشخاص اللي يحبون يشاركون في الجمعيات..والمحاضرات الخارجية والانشطة..ولكن بعد الزواج كل شيء تم منعه..

 

[الراايقه]

مانقدر نقول الا الله يثبتك

لأن كشف الوجه فيه خلاف والارجح إنه محرم

يسر الله امرك
​

 

[موبايل]

احمدي ربك على هالزوج وصفي نيتك في لبس النقاب واجعليها خالصه لوجه الله وليس غصب عنك وبالنسبه للوظيفه من ترك شي لله عوضه الله بخير منه والله اقول لك الكلام من اخت محبه لك لاتغلقي باب خير فتحه الله في وجهك 0

 

[روح الهجر]

الله يثبتك عادي اختي وشفيه النقاب والله زين مايعوق روحتك وجيتك زوجك اكيد يحبك مايبي احديشوفك غيره مادري انتي من اي دوله مابي ادخل في انه واجب علينا
لكن صدقيني راح تتعودي عليه وإذا تحبيه ماراح تخالفيه دعواتك غلاي​

 

[ريلي في قلبي]

حبيبتي لاتخلين النقاب مشكلة بينج وبين زوجج أنا مثلج بحرينية وزوجي شرط علي إن ألبس نقاب ولبسته أول شي عشانه وبعدين أقتنعت فيه وأنا الحمدلله أشتغل وشغلي ممنوع فيه النقاب بالمرة وهو يعرف هالشي فصرت مألبسه للدوام وبعد الدوام ألتزم فيه ولله الحمد حياتنا ماشيه ومتفاهمين حاولي باللين والهدوء وكلشي له حل بإذن الله .

 

[محتاجة دعوة لي]

يا اختي الله يهديك ويصلح حالك 00كشــــــف الوجه محرم اي جزء من جسمك يدك وجهك رقبتك رجلك يراءها شخص اجنبي فإنها ستحرق بنار جهنم والله المستعان 00​

 

[شرشف]

حبيبتي تاكدي ان من ترك شيا لله عوضه الله خيرا منه اختي انتي خفتي من حر الدنيا واسال الله ان يكفينا واياكي من حر جهنم ووابتغيتي التفوق ونسيت انه من الله وانه هو وحده اللي يوفقك ويقدر يرفع قدرك
اختي انت قدامك عملين عضمين طاعة ربك وطاعة زوجك فلا تخسرين عضيم اجرهما وفيهما اجر عضيم لكي وفقك الله وثبتك على طاعته وعبادته وسخلر لكي زوجك وزادك حبا في قلبه

 

[نوفا_المملوحه]

حبيبتي الله يسهل عليج ... بس هذا زوجج وانتي اخترتيه تقبلي كل شي منه ... هو يحبج و يغار عليج ... والنقاب مو فرض و الزام يمكن يوم من الايام يقولج قطي النقاب ... حبيبتي تحميلي والله يفرجها عليج ...

 

[وردونة]

غاليتي..أشكرك على المرور..ولكن لدي تعقيب...آنا لا أريد أن أنزع حجابي ووقاري..ولكن فقط نقابي..
أنا من الأصل متحجبه عدل ولله الحمد..

وكنت أمشي أموري..ولا أحد يتجرأ يطلعني بأي نظرة شينة حتى..
لأني أعرف أخلي اللي قدامي يحترمني..وحزتها ما كنت لابسة النقاب

وآنه دارسة بالجامعة..والله تعبت عدل..وآنه أجيب هالشهادة وبالأخير..هو أدرى انه أصلا ما في أي شغله ياخذوني فييها بالنقاب

وآخرتها أجلس بالبيت..؟!!


وآنه نشيطة وعارف اني أقدر أفيد المجتمع وأغير ولو جزء بسيط منه.!!


الججاب أكيد ما راح أنزعه..ولكن النقاب..آنه مب مقتنعة به..اللي مقتنعة به ..هو حجابي..وأخلاقي

تعبت ..جاتني حالة نفسية..يتصلون لي حق مقابلة وظيفة ويفرحون لشهادتي..ولما توصل للمقابلة
يقولون لي..ما ناخذ مبرقعات..!!


​

 

[وردونة]

ما شاء الله..ما مداني كتبت رد..إلا الردود عامرة هذا المكان

============
اخواتي الغاليات.. فعلا أحبه ولا أريد أن أفارقه..ولكنه دائما مشغول عني..ودوامه
من 9-1 ظهر..وبعديها من 4-10..وطبعا ويتأخر عن موعد العودة إما نصف أو ساعة ونصف

واذا رجع..يكون دايم معصب..!!

والوقت اللي يرجع فيه الظهر..يتغدى وينام..

ويوم الجمعة..يسير بيت أهله..ولا مرة قال لي هذا اليوم لج
حاسة بفراغ عاطفي..وفرااغ عام..أحاول أقضيه في العبادة ولا هواياتي بروحي..ولين أبي أروح بيت أمي يتعلل ويقول ما عندي وقت .أو من نفسي عشان ما أأخره..

أحس اني باعني لأجل شغله.. وآنه ما أقدر أضمن انه بيبقالي طول العمر مخلص أمين

لازم أأمن مستقبلي ..بوظيفة على الأقل..!!

 

[نوفا_المملوحه]

ترى والله هذي نعمه كبيره ان ريلج مشغول بشغله مو بشي ثاني ... حاولي تعيشين حياتج شوفي شنو هواياتج و طوريها و لا تركزين وايد بالتفكير فيه من مجرد ما تحسين انج مشتاقه له الله يعافي مسجات الحب درشيله و هو في الدوام و الله يرزقج ان شاء الله بوظيفه تناسبج وافضل من اللي يت لج .. وعسى ان تكرهوا شي و هو خير لكم ... الله يوفقج *

 

[أستغفررر الله]

الله يهديك بس

 

[الجده الصغيره]

من ترك شيئا لله عوضه الله خيرا منه.....لاتخافين ربي بيعوضك خير بالتزامك بالحجاب الشرعي....

 

[بك آمنت ربي]

ماشاء الله ... تبارك الله
يا حظك يا أختي والله دمعت عيني يوم ربي رزقك بزوج مثله !!
كل هذا إصرار على النقاب صدقيني ما طلبك هذا الشيء إلا لأنه يحبك
قلبي وغلاي اثبتي على نقابك واستانسي فيها وخليك عزيزة وقوية به!!!

 

[بك آمنت ربي]

الصراحة شيء يضيق الصدر إن كل الشغلات عندكم ما يتقبلون النقابات >> الله لا يجيبها عندنا بالسعودية !!


حبيبتي زدخلي وظايف نسائية بحتة ولا جمعيات خيرية ولا صيري مدرسة بدار أو اشتغلي بأعمال حرة بنفسك ... والله يا قلبي راح تطلع ألف شغلة وشغلة إن فكرتي صح !
وممكن بعد إذا زوجك ما عنده مشكلة تسافروا دولة خليجية ثانية وتلقين لك أنت وزوجك وظيفة تناسبكم كلكم!!

 

[وردونة]

شورتكم وهداية الله

الله يرزقني بالوظيفة اللي تكون لي عون في دنيا وخير لديني ودنياي وعاقبة أمري

ومشكورين لأنكم أفدتوني..ونبهتوني..والله ايسر لي..

دعواتكم..

 

[وردونة]

اذا على الهوايات عندي أكثر من هواية ..ومحترفة فيها ولله الحمد

رسم..خياطة..تصميم بطاقات وبنرات وإعلانات..ديكورات وصباغة..طبخ..أعمال يدوية.. تغليف هدايا برمجة نظم حاسوبية..تصميم مواقع..تربية حيوانات وانتي بالكرامة وتعليم الطيور الكلام .. إعادة التدوير والتصنيع..وأي شي يعجبني..أتقنه ولله الحمد

ولكن لين جيت للاحتراف واني أتخذها وظيفة

يرفض..كمان..يقولي ما أبي اختلاط ولا آبي أحد يتعامل معاكِ

آنه ذكرت له..انه الدين احل الاختلاط اذا كان في مصلحة.. ولكن في حدود الشرع

 

[وردونة]

دمعي بعيني..على حالي.. آنه أحب اني أكون مستقلة بشخصيتي..وأنتج..وأكون مبدعة ومعروفة
وهو يبيني العكس..وانه تنلغي شخصيتي.. ويكون هو الآمر الناهي..