سااعدوني ام زوجي تبيه يطلقني

ن

نجمه مضئه

New member
إنضم
2008/02/05
المشاركات
978
السلام عليكم
كيفكم اول مره ادخل المنتدى استعرت نك اختي وجارتي نجمه
ارجوك سااعدوني
انا عروسه امس كملت شهر احب زوجي موووت وهو يموت فيني المهم كلمت امه فجأ وتقوله اختار انا ولا زوجتك راح لهاا عشان يعرف السبب قالت له زوجتك عار عليناا تقول اني مو من مستواهم الاجتماعي وتقول ان مافيه توافق بالنسب طبعاا هم عائله متواضعه مادياا واهلي الحمد لله اغنياا تنازلت عن كل شئ اجر شقه متواضه جداا
يعني انا متفاهمه جداا لضروفه وعايشين في قمه السعاده
اللحين انا عند اهلي وهو عند اهله على اساس يقنع امه
اي على فكره تقول اذا ماطلقتها بكلم ولد عمك اللي توسط لك في الوضيفه يفصلك منهاا
بنات تكفون اللي عندها حل تساعدني نفسيتي زي الزفت
هي في السعوديه وانا دوام زوجي جارج المملكه واهي اصلاا مو سعوديه من جنسيه عربيه ساعدوني الله يفرج همكم
 
ربي يفرج همك ويهدي ام زوجك ......

شوفي حبيبتي مادام زوجك يحبك ويموت عليك وانت كذلك

اذن مالكم حل الا أن ( تتفقي مع زوجك ) على ( تلموا هذه المشكله

وهذا يكون بمراعاة أم زوجك وأن ( تحببّيها في نفسك ..وأن

تأخذيها على قد عقلها وفهمها المتواضع ...فكثير من الامهات

ينقصهم الوعي والادراك ولهذا ( لازم تكسبوها بدلآ من أن تخسروها

( يعني مثلآ ......بيّني لها حبّك واحترامك لها ....وأنها هي الكل

في الكل ...وأنكم ( أنت وزوجك ) من دونها ...ومن دون شورها

ورعايتها لكم ( ينقصكم الكثير والكثير .....) ....هكذا لازم تحسسّوها

أنها ( انسانه مهمّه في حياتكم .....لربما دخلت في نفسها الغيره

منك أو أي شئ .....

ولذلك ....عامليها بالود والتقرّب منها ( حتى تلغي فكرة طلاقك ..

وتعرف أنك انسانه طيّوبه وحبّوبه .....

ودائمآ ألزمي الدعاء والاستغفار ...

ربي يهديها ويحننّ قلبها عليك ..
 
هههههههههههههههههههه
هم يضحك وهم يبكي
طيب هوو سعوودي ...وكيف متوضف في الخارج
وضحي اشياء​
 
حسبي الله ونعم الوكيل
لازم تخلي حدوووووووووود للي قاعد يصير ما يجوز هالشي
انتي مو عبه بيدهم لساتك عروووووووووس وهي هذا كلامها
ليش ما شافت الفوارق من اول شي الحين بس انفتحت عيونها
اهم شي زوجك وانك مرتااااااااحه معاه وصدقيني زوجك اذا يحبك بيتمسك فيك وما بيرضى احد يدخل بينكم
 
لاحول ولاقوة الا بالله العلي العظيم........................مافي االا نك توسطين حد من اللي يقربون لها .. ولهم احترام عندها.... مثل أختها ،او صديقتها، يعني يقدر يوصللها اللي في خاطرك انتي ، ومقدار حبك زوجك الك ، ومقدار حبك لزوجك ، وبعد يحاول مثل مايقولون يدهن سيرها بكم كلمه .ويقولها انك كثير تعزيها ، وتوديها ، وهي بمثابة أمك/// وعقب انتي بدورك لما بتردين لزوجك
-باذن واحد أحد - ، حاولي تتقربين منها بكل الطرق ، وشوفي الانسب من التعاملات اللي تحسين انها تقربك منها............. ولاتنسين طبعا الكلام الحلو ، والمدح ، ، وطلب المشوره منها في امور حياتكم (مع انها باين عليها ... مب كفوو ينطلب منها مشوره،وعقليتها صغيره.. هههههههههه. أمزح) بس يلا جاملوها ، وسايسوها ، وادهنووو سيرها .... انتو شو خسرانين؟؟؟؟؟؟؟؟؟؟؟؟؟؟ وبما انك ميسوره ماديا لاتبخلين عليها بالهدايا ( يمكن ياأختي هي شلت عليك لأنك ماتهدينها.. وهي تعرف الأموال اللي يملكونها هلك ..الله يزيدهم من نعيمه /// صدقيني لاتغفلين عن هذا الجانب ، وحاولي تهديدينها بين فترة ، وأخرى.

طبعا استشيروها في الامور العاديه ..... أما الأمور الكبيره اللي تحتاج حكمه .انسوها نهائي ، أو تناسوها.ههههه// ويه وايد أنا اليوم حشيت في الحرمه . يارب سامحني.
يعني ياحياتي حاولي تبذلين الغالي ،والنفيس ...... من أموال ، ومشورات ، ووسائل تشوفينها نافعه لحالتك....اجتهدي في سبيل رجوعك لزوجك ... بما انكم تحبون بعض.. الله يسهل عليك. وطمنينا عليك.
 
وبما انك ميسوره ماديا لاتبخلين عليها بالهدايا ( يمكن ياأختي هي شلت عليك لأنك ماتهدينها.. وهي تعرف الأموال اللي يملكونها هلك ..الله يزيدهم من نعيمه /// صدقيني لاتغفلين عن هذا الجانب ، وحاولي تهديدينها بين فترة ، وأخرى.
حبيت أأكدلك على هالنقطه لأهميتها....... اعتقد انها ممكن تساعدك لما بترجعين ان شاء الله لبيتك.
 
حسبي الله ونعم الوكيل كفيله باخذحقك
وتوكلي على الرب الواحد الديان ولن يصيبك الاما كتبه الله لك واحسني الظن بربك
والزمي الاستغفار والدعاء وقومي الليل وابشري بالفرج وادعي ربي لك الخيره في امرك
توكلي على الله وبس
 
مع غااااية نفس الكلام
 
لا حولا ولا قوة الا بالله هذي شكلها تغار على ولدها منك والا ليش بعد العر س فكرت بالفروقات الاجتماعيه مو قبله الحمدلله فيه بعض العقول صغيره انتي لاتهمك عامليها بيما يرضي الله
 
مشكورات حبيباتي هي تقوله الليوم لازم تختار بيناا المشكله زوجي يحبني ويعاملني زين قدام جده وصديقات امه واتوقع ان اللي زاد الطين بله انهم انقلوا لها اللي يشوفونه هي قايله لزوجي لا تدخل مرتك بيتي والله تسأل عن الوضيفه اي يشتغل في دوله خليجيه تكفوون ادعوا لي الله يسعدكم ويفرج همكم جميعااا
 
الله يكون في عونك ويفرج همك بس من خبرتي في العمل اذا كان مواضب على العمل وما مقصر في شغله ما في اي انسان يقدر يفصله من العمل الا بالمكر والله سبحان وتعال ما راح ينساه اذا كان يحبك ويموت فيك راح يفكر فيك ويقدر يبتدي يدور على شغل ثاني اذا فعلا يموت فيك ما راح يسمح لامه تدخل في حياتكم
وانتي لازم تعاملينها مثل امك حببيها فيك وارسلي الهديا لها واتصلي على طول فيها تسالين عنها وحسسيها انها مهمه وانك ما خطفت ابنها منها
 
لا حول و لا قوة الا بالله
الله يهديها عمتج بس ماعليج لان ريلج يحبج و انت بعد
و توكم عرسان شو سالفتها عمتج
 
اللهم فرج همي وهم المهممين يارب وقف معي يارب بنات محتاجه دعواتكم
 
الله يفرج همك
ويفك كربك
وييسر لك امرك
ياااااااااااااااااااارب
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل