سااااااااااااااااااااااااااااعدوني بسرعة

[ملاك الحرية]

بسم الله الرحمن الرحيم ​

أنا فتاة أبلغ من العمر 24 عاما وعلى مشار ف ال25 عاما متعلمة والحمد لله ومن عائلة ميسورة ​

ومتوسطة الجمال ​

تقدم شاب لخطبتي في التلاثينات من العمر موظف أخلاقه عالية وملتزم دينيا وطيب لأبعد الحدودومن عائلة محترمة ​

ولكن فيه عيب واحد وهو انو مصاب بمرض الكبد الوبائي من النوع c ​

وأنا سألت دكتور متخصص عن هذا المرض أجابني إنو العدوى تنتقل ليا في حالة إستخدام فرشاة أسنانه والممارسة الجنسية الخاطئة عن طريق فتحة الشرج أو اتناء الدورة الشهرية أو التقيبل الفموي ​

وغير كدة مافي خطورة ومو ممكن المرض ينتقل لأطفالنا لأنو مو وراثي وأنا والحمد لله أجريت فحوصاتي وطلعت سليمة ​

وأنا الان واقعة في حيرة من أمري بجد ماني عارفة ايش أسوي ​

علما بأنو هذا أول شخص يتقدم لخطبتي وعشان كدة خايفة أرفضو وماتجيني فرصة تانية غيرولأن أحس انو عمري مايسمح إني أضيع الفرص​

وفي نفس الوقت خايفة أوافق لانو الوضع حساس ​

أحس اني إنحطيت في موقف صعب جدا جدا والله شاهدعليا إني ماأنام اليل ​

ياليت تعطوني رأيكم وماتبخلون عليا والي تعرف وحدة متزوجة من رجل بنفس المرض تقولي ​

متوكلة على الله ثم عليكم لاتخلووووووووووني ​

أنتظر ردكم بس أرجو منكم كل وحدة تحط نفسها في مكاني عشان تشوف الموضع بعيني
هل توافقون ولا لا ​

أختكم في الله ملاك الحرية ((بنت الريااض ))​

 

[♥ احبه ♥]

استخيري ياقمر والله يكتب لك اللي فيه الخير ..

 

[قلب وافي]

سمعت ان الالتهاب الكبدي سي معدي في العلاقات الجنسيه ارجو التوضيح ؟

الأجابه :

الالتهاب الكبدي الفيروسي سي غير معدي من خلال العلاقات الزوجيه الشرعيه على ان الا يكون هناك اي امراض النسبه للجنسيين ,ولايكون هناك اي احتقان اوجروح من الزوجين في المنطقه التناسليه .

:

طرق الانتقال: التماس مع دم ملوث كما في الحالات التالية (في حال تم استخدام ادوات غير عقيم) الوشم - الختان - الحجامة - التحلل الدموي. ينتقل بطريق أقل عن طريق الجنسي و من الأم للجنين لم يثبت إن الإرضاع ناقل للعدوى‏

أول شخص يتقدم لخطبتي وعشان كدة خايفة أرفضو وماتجيني فرصة تانية غيرولأن أحس انو عمري مايسمح إني أضيع الفرص

الزواج موفرصه وتعدي وتضغطين .والعمر قدامك

أنتي هل تقبلين انو ينتقل لك هالمرض مع الاحتماليه الكبيره بانتقاله لك ؟

اذا أنتي متقبله وعادي عندك وتتحملين مسؤلية قرارك ولاتندمين فاقبلي

على هذه الزيجه وليكن مايكن .


اقدمي على امرتختارينه واستخيري

ومافيه اي ندم ان رفضتيه


​

موفقه

 

[الـــــروووووعه]

صلي استخاره واذا فيه خير لك راح تاخذيه

واذا غير كذا ان شاء الله يعوضك بخير منه

 

[سحايب غلا]

حبيبتي فكري الف مره في الارتباط به
اللي أعرفه أن التهاب الكبد الوبائي نوع c خطر

أستخيري الله

 

[إنسانة مكسورة]

الاستخـــــــــــــــــــــــــــــــــــارة,, وحطي في بالك المرض اي كان مو عائق,, ممكن الله يختبرك

اذا وافقتي وقلتي بستر نفسي بيشفية ربي وتكسبين حظ الدنيا واجر الاخرة,, اذا حسيتي براحة اقدمي,, وتوكلي على الله فهو حسبك.. وادعي بسجودك.. وبترتاحين.. والله يوفقك

وادعي الله يجمعني بمن احب بالحلال

 

[أنثى تعشق المطر]

آآآآآآممممم
ولييه السسرعة بس ..!
على هونك ولآتستعجلي هذا موضوع مصيري..!
وصعب تآخذين إستشآآرة سريعة وعآجلة وتقررين على أسآسهآ فيه ..!
فكري بتأني ولأ تستعجلي ..!
وحلو إنو عندك فكررة كآملة عن الوضع من ........................ وإلى ..!
يعني عآرفة بالضبط إنتِ رآح تتعرضين لوشو ..!
وهذآ آلمهم ..!!
المشكلة مو انه مريض ولا بمرضه لانك مآشآء الله عآرفة الوضع من هآلنآحية وإنه مو ورآثي ولآ ضرر عليكِ إن شاء الله ..!
وآعرف وآحد تزوج وحده مصآبه بهالمرض وعآآآآآآآدي الوضع مآشي بينهم من دون اي مشكلة ..
لانه اخذهآ عن اقتنآع وهو عآرف إنهآ مصآبه فيـه ..
تدرين وش مشـكـلتك..!؟
مشكلتك إنك معتبرته فرصه ولآزم توآفقين عليهآ لأنهآ أول فرصه ويمكن مآتتكرر ..!
فضآغطه على عمرك بالتفكير ومركزة على هآلنآحية ..!
صعـب .. صعــب ..
توآفقين على إنسآن أيآ كآنت عيوبه بسبب خوفك إنه مآفيه أحد رآح يتقدم لكِ بحآل رفضتيه ..!
بالـعكس ممكن يروح ويجي 10 بدآآآله ..!
مآفيه شي كبير على رب العبآد واللي رزقك فيه قآدر على أنه يرزقك بغيره ..!
شيلي هالتفكير من رآآآآآآآآآآسسسك ..
وأختصري على نفسك وفكري بموآصفآته الثآنية وآستخيري
من دون سيطرة فكرة اذا رآح مآفيه غيره ..!
وعلى أسآس هالشي قررري ..!
خلي عندك قنآعة تآمة بالرجآل بحآل وآفقتِ عليه ..ايآ كآن وضعة ..!

والله يكتبلك الي فيه خير لكِ ..معآه أو مع غيره ..


أنثى تعشق المطر.!

 

[Ms.RoZa]

اذا الرجال عاجبك توكلي على الله ..
المرض تلافيا للعدوى تقدرين تاخذين مصل يحميك من إنتقاله وتنتهي المشكله
ودامه مايتوراث ولا ينتقل للأطفال فالحمدلله

فكري بالموضوع واسألي عن المصل واعراضه الجانبيه
وان شاءالله خير .. بشرينا عنك

 

[لمسة فن~]

والله انا احس انها صعبة توافقين
ومثل ماقالت لك الأخت أنثى تعشق المطر
انه ببالك فكره انها فرصة
مثل ماربي جابه لك يجيب ربي غيرة
بعدين توكـ صغيرة مو كبيرة لهدرجه
احسك بتعشين في حاله توتر دائم
يعني لو قرب منك بتكونين خايفه انه بيجيك المرض وينتقل لك
يمكن ما تتقبلين قربة لك وناحيتك
الزواج اهم شيء فيه الراحه والاستقرار
وانتي استخيري وادعي ربك
والله يسهلها عليك وويوفقك​

 

[الهيزعة]

انا سمعت في واحده يعطون زوجه ابره كل سنه مدري سته شهور علشين المرض مينتقلها
بس هذ الي اعرفه وهي في مكه
والله يوفقك

 

[براءة ^_^]

ربي يعينكـ وييسر أمركـ

مافي أفضل من صلاة الإستخارة برأئي ، إذا كان فيه الخيرة لك صدقيني ربي بييسر لك

وإذا العكس ربي بيصده عنك ، ويرزقك بواحد أفضل منه لك

وعسى أن تكرهوا شيئاً وهو خير لكم وعسى أن تحبوا شيئاَ وهو شر لكم والله يعلم وأنتم لا تعلمون...

قرري وتخيلني نفسك طول حياتك معاه ، هل هو الإنسان اللي تتمنينه ولا لا؟

بعدها استخيرررررررري ولا تفكرييين أبدا َ توكلي لأنك فوضتي أمرك لله وهو أعلم بما ينفع لك ويصلح لك

ربي يوفقك دنيا وآخرة ^_^