سؤال مهم لذوي الخبره عن حبوب منع الحمل للعرايس

ا

افديه بروحي

New member
إنضم
2009/11/10
المشاركات
77
السلام عليكم و رحمة الله و بركاته
كيفكم بنات
عندي سؤال مهم و محيرني مرررررررره ,,, زواجي بعد اسبوع و نص و يمكن تجيني الدوره
ثاني يوم من الزواج و احنا وقتها مسافرين برا و مدة دورتي حوالي 5 ايام ,,, يعني بتأخذ اغلب وقت سفرنا ,,,, رحت لدكتوره عشان تأخرها شويه لأني ما ابغاها تجيني في شهر العسل
لا و احنا تونا مسافرين بعد,,, المهم الدكتوره ما اعطتني حبوب تمنعها او تأخرها اعطتني حبوب منع الحمل استخدمها من بداية الشهر 8 الى يوم 21 !!! بحجة انها اضمن و سألتها اذا ما فيها خطوره و قالتي لا ما فيها خطوره و لا تخافين ؟؟؟
بس انا و الله ماني مرتاحه لهذا الشيء و ابغى اسأل اللي عندها خبره في هذا الشيء
عشان اخذها و انا مرتاحه ....
بنات يا ليت تفهموني لأني مملكه من 3 سنوات و زوجي ينتظرني و مجهز لي سفره على دوله سياحيه برى و مبسوط و مشتاق و ما ابي اطول عليه اكثر ...
ياليت اللي عندها خبره تفيدني
 
اختي اذا بتاخذين حبوب منع الحمل لمدة بسيطه ان شاء الله ماراح تأثر عليك
لاني انا اخذتها وانا عروس تقريبا 4 اشهر والحمد لله قالت لي الدكتوره ماأثرت فيني
وع العموم شوفي راي باقي الاخوات والله يوفقك ويسعدك..دعواتك لي بتمام الحمل والسعاده مع زوجي
 
هلا حبوبة صديقتي اخذتها شهرين
وخالتي شهر واختي اسبوعين او اسبوع قبل الزواج وكملو كم اسبوع بعد الزواج
والحمدلله محد جاه شئ ...
انا اخترت توقيت الزواج قبل الدورة ب 10 ايام ...والله يستر ماتنزل من التوتر
 
$ إحساس $ قال:
اختي اذا بتاخذين حبوب منع الحمل لمدة بسيطه ان شاء الله ماراح تأثر عليك
لاني انا اخذتها وانا عروس تقريبا 4 اشهر والحمد لله قالت لي الدكتوره ماأثرت فيني
وع العموم شوفي راي باقي الاخوات والله يوفقك ويسعدك..دعواتك لي بتمام الحمل والسعاده مع زوجي
أنقر للتوسيع...

الله يوفقك و يسعدك انتي و زوجك طمنتيني و الله
 
وليش يا اختي تلعبين بهرموناتج ؟ عشان الجنس في بداية الزواج ؟؟ والله اني استغرب كثير من البنات .. الله رايد انها تجيج في هالوقت والله ماقدر لج هالشي الا فيه خيره لج .. خليها تجي واستغلي الوقت بالفسح والسوالف والطلعات مع العريس .. والجنس لاحقين عليه يعني بتطير الدنيا ؟
 
اختي اخذتها شهرين وماصار لها شي قعدت بعدها 5 اشهر وحملت
اخذت حبوب اسمها مرفلون
 
قطـــــريه قال:
وليش يا اختي تلعبين بهرموناتج ؟ عشان الجنس في بداية الزواج ؟؟ والله اني استغرب كثير من البنات .. الله رايد انها تجيج في هالوقت والله ماقدر لج هالشي الا فيه خيره لج .. خليها تجي واستغلي الوقت بالفسح والسوالف والطلعات مع العريس .. والجنس لاحقين عليه يعني بتطير الدنيا ؟
أنقر للتوسيع...

مشكوره على ردك ... بس اذا ما عنك خبره في السؤال اللي سألته عن استخدام الحبوب لا تردين .... انا سألت ذوي الخبره بهذا الموضوع بس
و بعدين حتى المتزوجات و اللي لهم فتره متزوجين ما يحبون يسافرون ما ازواجهم وقت الدوره
فما بالك بالعريس اللي له سنسن ينتظر عروسته
 
حبيبتي ان شاءالله خير
خلاص مثل ماقالت لك الدكتووره
باأذن الله ماراح يجيك شي
اتكلي على ربك
اي والله الوحده مو هامها شي بس مو معقوله تتزوج وهي عليها اول شي النفسيه والاوجاع والتعب
غير اللي مافيها شي الله يوفقك يارب في زواجك
ويسخر لك زوجك
 
أنا أتوقع إنها تضر لأن فيه 2 من أقربائنا خذوها فترة بدايه زواجهم وإلى الأن ما حملو ولهم 4 سنوات متزوجون
 
استخيري حبوبه احسن لك ولو اني اشوف مافيها شي اذا لمده بسيطه بالعكس استانسي هذي من احلا الايام كل الي في خاطرك سويه الله يوفقك
 
انا استخدمتها قبل الزواج باسبوع وكنت نفس حالتك تقريبا والحمدلله عادي نفس الطريقة اللي قالتها دكتورتك واستخدمتها 9شهور بعد الزواج بعدين تركتها عشان اشوف الرجل قبل ماتورط بااطفال حبوبي اسمها
ميكرو جنون 30هذه تجربتي لكن تختلف امراءة عن اخرى انا اعرف وحدة اخذت حبوب 7 شهوور وبعدها ماحملت والحمل بيد ربي
 
صباح الورود قال:
انا استخدمتها قبل الزواج باسبوع وكنت نفس حالتك تقريبا والحمدلله عادي نفس الطريقة اللي قالتها دكتورتك واستخدمتها 9شهور بعد الزواج بعدين تركتها عشان اشوف الرجل قبل ماتورط بااطفال حبوبي اسمها
ميكرو جنون 30هذه تجربتي لكن تختلف امراءة عن اخرى انا اعرف وحدة اخذت حبوب 7 شهوور وبعدها ماحملت والحمل بيد ربي
أنقر للتوسيع...

مشكوره بس انا ناويه اخذها شهر واحد بس
على الله كل شيء
 
حبيبتي خوذي الحبوب الي تنظم الدوره اتواقع اسمها برمونت
اوشي حوله
بس ابتعدي عن حبوب منع الحمل انا مستغربه من دكتورتك كيف عطتك
انا يوم رحت لدكتوره وطلبت منها تعطيني حبوب منع حمل اول ماتزوجت ما رضيت قالت ماينفع تسبب عقم اذا حملتي خوذيها وعطتني بعد شق الانفس حبوب منظمه الدوره
خذتها
وماجاتني الدوره​
 
افديه بروحي قال:
مشكوره على ردك ... بس اذا ما عنك خبره في السؤال اللي سألته عن استخدام الحبوب لا تردين .... انا سألت ذوي الخبره بهذا الموضوع بس
و بعدين حتى المتزوجات و اللي لهم فتره متزوجين ما يحبون يسافرون ما ازواجهم وقت الدوره
فما بالك بالعريس اللي له سنسن ينتظر عروسته
أنقر للتوسيع...

انا ما كنت برد على كلامج لان اسلوبج ما عجبني بخصوص لا تردين لو ماعندج خبرة .. حبيبتي لوجه الله برد ان عاجبج كلامي خذيه واذا مب عاجبج قطيه بحر ..

الحبوب هاي تخرب الهرمونات لو حتى شهر .. ومن الأساس انتي مب عارفه اذا عندج قدره على الانجاب ولا لا .. وهالحبوب ممكن تمنع عنج الحمل فنره طويله او تسبب لج مانع على طول لو اخذتيها من غير فحوصات ..
الحبوب هاي ممكن تسبب لج نزيف وهبوط في الرحم ..
الحبوب هاي ممكن تسبب لج الاكتئاب والتشاؤم و الكسل و العصبية وفقدان الشهية وبدال ما تستانسين على قولتج بتنكدين على نفسج والعريس اللي تبين تونسينه .
الحبوب هاي تنفخ الوحده حتى لو شهر .
الحبوب هاي ممكن تسبب لج ارتفاع في الضغط ..
الحبوب هاي تسبب نزيفا دمويا في غير موعد الدورة الشهرية .. وبدال ما تكون لج عون تصير فرعون ..

للعلم هالمعلومات ما جبتها من راسي ولا على قولتج ماعندي خبرة بس مرات نحب نساعد وفي الاخير يجي رد مثل ردج واسلوبج ..

عالعموم سوي ما بغيتي انتي من الاساس مقررة .. اتمنى الخوات يفيدونج ..
 
أنتِ تقولين إنك أخذتيها من عند طبيبة وهي تعرف شغلها لأن هالموضوع يعتمد على جسم الوحده وهرموناتها وهي أعرف بما إنها فحصتك
بعدين أنتِ قولي لخطيبك ممكن مايعارض وجود الدورة أنا دورتي بتكون عندي من اليوم الأول وبتستمر لمدة سبعة أيام طول فترة سفرنا ورغم ذلك ما عارض ولله الحمد

الحبوب هاي ممكن تسبب لج الاكتئاب والتشاؤم و الكسل و العصبية وفقدان الشهية وبدال ما تستانسين على قولتج بتنكدين على نفسج والعريس اللي تبين تونسينه
أنقر للتوسيع...
كلامها صحيح حبوب المنع تأثر على النفسية واللي جرببوها يقولون إنها تسبب لهم نوعاً ما جفاف

بالتوفيق وإن شاء الله مايجيك منها شيء​
 
ما تضر ان شاء الله
واذا كنتى سألتى طبيبه ووصفتها لكى فاستخدميها ولا تخافى
ولا تستمعى الى النصائح الأخرى لأن الطبيبه أدرى بعملها
 
ياقلبو استخيري احسن لك واذا في مجال ماتاخذيها يكون احسن لاني قريت كثير يحذرو من ذا الشي والله يوفقك وييسر لك اللي فيه الخييير ويتمم زاوجك والعقبى لكل البنات يااااااارب..
 
انتبهي تمنعينها لمده طويله وهي كم يوم وتنزل هذا يضرررررك كثير
واذا بتاخرينها شوي استخدمي مانع الدوره اللي يستخدمونه البنات
الله يسهل لك​
 
انا ما انصحك تستخدمي حبوب لا حبوب منع حمل ولا اي حبوب ثانية ابداااا لا الحين ولا بعدين

كل هذه الحبوب تلعب في الهرمونات والهرمونات تأثر على النفسية بشكل كبير

يمكن تأخر الدورة بس نفسيتك تصير دمااار وتصيري طفشانه ولا تنبسطي لا انت ولا زوجك

عادي 5 ايام مو كثيرة استغليها في شي ثاني ومو لازم يون الاتصال الجنسي كامل , يعني يقدر الرجال يستمتع بطريق ثانية اللي تخلص دورتك

والله يوفقكم
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل