سؤال محيرني وايييييييييييد

[اجمل شعور]

# ريلي متعرف على وحده من12 سنه وهو يوعدها كل يوم بياخذها (باخذج وباخذج وووووو..... )حطو في بالكم 12 سنه.....وهيه المسكينه صابره عليه وااااااااايد( الغبيه ),,,,؟؟؟؟؟؟؟؟

# ريلي من تصرفاته معاي(مب مقصر في شي , ويحبني على قولته ..معني اشك الحين من حبه القبلاني بعد الخيانه, ما اهون عليه ازعل , مع كل هالسنين ما كشفته , تعرفون ليش ؟؟؟؟ لاني كنت متأكده انه يحبني ..تعرفون شويقولي ؟؟؟؟كان يحمد ربه انه خذني وكان يقول ان امي شيخه , ماعرف شو كان قصده ؟ يمكن عشان تربية امي ؟.

سؤال : ليش وليش سوى كذا ؟؟؟؟؟؟؟؟؟؟؟؟؟؟؟؟؟ليش صابر عليها 12 سنه يمكن( يحبها) ووالله تعبت
ابا احكي قصتي بس ماروم ,,,,لاني كل ما اكتب اصيييييح مارووم اكمل ؟؟
ابا اعرف شخصيته يحبني ويخوني ؟

 

[سويرة راحت البر]

حبيبتي زوجك يحبك لو كان يحبها ماخلاها تنتظر هالسنين كلها هو يمكن معاها كاسره خاطره ويمكن يكون فيها شي عاجبه بس مو حب بس هو يدري انج تدرين والا لا ؟ واجهتيه ؟ شنو كان رده لما واجهتيه ؟ والله يصبرك ويعينك

 

[كبة مقلية]

12 سنة هالغبية وتستنى فيه
لا بحبها ولا شي بالينه بدو ياها تسليه بس
الرجل عامة بحب يشعر انه مرغوب عشان هيك محتفظ بعلاقته فيها هالمده
اتصلي فيها(على اساس انك وحده تقرب لزوجك من بعيد )
واحكيلها انا اعرف اللي تحاكيه وهو يضحك عليك ولا يفكر فيك
وديري بالك على حالك ومن هالحكي حسسيها انها ضيعت حاها مع واحد ما يستاهلها
وحسسيها انها تستاهل احسن منه كل هادا وانتي على اساس انك مو زوجته ابدا

 

[دندونة الحلوة]

يا ويلة من ربي يخدع بنات الناس,,,,,زوجك على غلط ولازم توجهينة الى ضرورة ان يصارح البنت ولا يكذب عليها لانة يمكن ترد لة في بناتة

 

[سوسوكبيرا]

يا خوفي لا يرجع لها بعد هالسنين ؟
مثل كاميلا ما تابت يومن تزوج تشالز ديانا
ظلت وراهم
لين الحظ وقف بجنبها وتطلقو واخرتها رجعت له وسوت معاه علاقه بدون زواج ولما صارت الامور افضل وتوفت ديانا تزوجته وعلمت زواج وهمليله
الله يستر عليكي ويوفقك
المفروض ما تستهينين فيها ولا فيه
لانه 12 سنه مو هينه
يعني صار بينهم عشرة عمر
وصبرت عليه كثير واتوقع انه ممتن لها لانها صبرت وتنتظر تجني الثمر
ربي يكون بعونك
حاولي تكلمينها فعلا وتهديدنها انك تعرفينها وتعرفين اسمها ورقمها وممكن تشكينها على اهلها
وربي يكون بعونك

 

[جوهرة آل عبدالله]

اختي هل واجهتيه
وهل يعرف انك عارفتها وعارفة علاقته معاها
علاقته مجرد مكالمات ولا خروج ؟؟
اجيبيني وانتظريني

 

[مايصحش هالحتسي]

انتى كم عمرك وهو كم عمره؟

وليش بدت الخيانه في سبب معين ولاتقصير منك؟؟

وكيف اكتشفتيه؟؟

وليش ماوجهتيه؟؟؟

 

[ام ريما وعبودي]

حيبيتي الله يعينك وكثري دعااااااااااااء انا الله يسخر لك زوجك ويبعد عنه بنات الحرام

 

[نزف]

:icon30::icon30::icon30:

يا ويلة من ربي يخدع بنات الناس,,,,,زوجك على غلط ولازم توجهينة الى ضرورة ان يصارح البنت ولا يكذب عليها لانة يمكن ترد لة في بناتة

 

[الوشاح]

ياحبيبتى اكيدفيهاحاجه مخليه متمسك بالعلاقه معهاهو يمكن يحبك ما فى شك بس الرجال كلهم يتعلقون فى اى شى واكيد هى بعد عارفه انه ما راح ياخذها اكيد 12سنه مش بسيطهعليك بالدعاء والله يوفقك

 

[رومنسية بصمت]

يحبك
بس هم الرجاجيل كذا يحبوايكون عندهم أكثر من وحده تسليه بس

 

[حنونةا]

حبيبتي ريلك يحبك ويموت فيكي بعد بس يمكن ورا هل البنيةمصلحة ريلك يبيها منها يمكن مصلحة فلوس او شي اقولك ريلك ما يحبها ولا يطيقها وانت مو مقصرة مع ريلك ارجع واقولك يمكن وراها مصلحة وريلك يبيها منها وبس ياخذها منها المصلحة يتركها ويرجعلك يمكن هاي المصلحة تفيدكم انتو واولادكم عادي ما دامك واثقة انو يحبك هوا يحبك بس انتي صبري ولا تقصري دلعيه واعطيه كل شي ولا تحرميه من شي الله يصلح حالكم ويهديه على فكرة حبيبتي هاذا راي وربي يعجبك راي في امان الله

 

[اجمل شعور]

سويره راحت البر : مشكوره حبيبتي على الرد
نعم يدري.. يوم الله يبى يكشف احد يكشفه (بالصدفه معنه حاط رقم سري في تلفونه , شو شككبي ؟؟ مسجات من قبل الفجر وانا اصلى ؟معني ماعرف الرقم اسري ؟بس سبحان الله تقولين حد حط صبوعي على الارقام وانا مادري؟من اول رقم فتح سسسسسسسسسسسيده؟)طبعا انا ماسكه اتلفون ويالسه اقرى , وهو يالس يدورني يوم ماحصلي عدالع في الفراش, وحصلني ماسكه تلفونه ويالسه اقرى ,,,,,,,,,عاد انا مارمت يو شفته قلتله شو هذا؟؟؟؟ وانا ارتجف وقلبي يدق بسره واسمع دقاته و كانت لحظه,,,,, شو بقول ؟؟؟؟؟؟؟؟؟؟؟؟؟
بعدين مرت الساعات ويا حضرته وهو متفيج يكلمني بكل برود وحقاره ويضحك بعد (ليش ماقولتيلي انش تعرفيييييين)؟؟؟؟؟؟؟

 

[اجمل شعور]

آآه ياكبه مقليه يوعتيني؟؟؟ شوفي حبيبتي,,,
خليت وحده مقربه لي ورمستها ,,انصدمت العشيقه انه معرس وعنده عيال؟؟؟وقالت :لوتدري انه معرس ما رمسته (ودي اطحنها في فرامه )
باختصار: هي فري وقاص عليها الزوج العزيز ان هو واهله فري بعد ؟؟لا وبعد يدرون بهذي العلاقه الرومانسيه (كذاب)
لاحظت انها ادور على ريال فري وعاد هيه لقت ظالتها ( مع انها مطلقه ) معرس على الجاهز.
هذا ازمن الحرمه ادور اريال؟؟؟ الله يعين .

 

[اجمل شعور]

دندونه الحلوه: حذرته وقلتله , وخوفته , والباقي عليه في ذمته.
يعني هيه ما تعرف انه هذا كل كذب؟؟؟؟ عنبوه صابره 12 سنه صدق انها غبيه اصراحه واااااااااايد غبيه , الحمار إلي هو الحمار ما فيه صبر هاكثر ؟؟؟

 

[اجمل شعور]

سوسو كبيرا مشكوره على الرد الغاليه

 

[اجمل شعور]

جوهرة العبدالله ( اجيبيني وانتظريني )اشكثره استانست من هذي الكلمه .
اقري اردود بتعرفين الاجوبه .وبالنسبه للمكالمات ,,, ما تخلى 12 سنه مكالمات ومسجات ومسنجر ,والطامه الكبرى يجابلون بعد
الله يعين ويصبرني , يوم اتخيل انهم face by face اقول شو يقولون شو يسون ( يعطي عنهم )

 

[اجمل شعور]

ما يصحش هالحتسي : انا في بدايه الثلاثينات وهو في اخرا لثلاثينات .
يمكن تقصير مني مثل ما قلتي , بس ماحسيت انه مب مستانس وياي على قولته انتي جذا حلوه (صدق ان الرياييل مقصه) يبون الحرمه حق البيت والعيال والكشخه حق برع يترسون عيونهم .
الاكتشاف والمواجهه بتحصلينها في الردود.

ام ريما وعبودي : مشكوره الغاليه على الرد .

الوشاح : ما قصرت في الرد .

رومنسية بصمت : حرام عليهم ما يخافون ربهم (صدقتي ) .

حنونه1 : اذا في مصلحه شان خذ المصلحه من زمان , مشكوره فديتج على الرد .

 

[جوهرة آل عبدالله]

رجعلتك يالغالية

حاولي تلعبي معاهم اثنينهم !!
بس كوني حذرة وصادقة بدون كذب عشان ماتدخلي في الاثم

اتفقي مع اختك بدون ماتدري انها اختك
وخليها تكلمها تلعب باعصابها
وتسب زوجك عندها 0000
وانه جالس يلعب باعصابها 0000وما عنده نية حب ولا زواج
وانه ماخذها تسلية0000ولو سالت0000تقولها انها سمعت هالشي عنه000بس لاتجيبلك سيرة

ومن جهة اخرى كلميها ايميل او رسالة من شريحة مجهولة على انك احد من هالدنيا يحبها
وبعد ماتخش جو الحب000استجوبيها عن قصة حب سابقة وشوفي وش تقول في زوجك
احفظي المحادثة اللي بتطير عقل زوجك وارسليها على ايميله او على جواله



الله يوفقك 0000ويهدي باله

 

[اجمل شعور]

مشكوره حبيبتي على الرد .