سؤال لكل متزوجه فقط؟؟؟؟

[جراده شياكه]

السلام عليكم ورحمه الله وبركاته
سؤال وفضفضه اللي ماتبغا تجاوب بكيفها
يالله نبدا بسم لله
كم دفع زوجك لك مهر؟؟؟
في ايش صرفته اكثر شيء ؟؟؟
ومن من اهلك اللي تعب وهو رايح جاي معك وانت تجهزين للعرس ؟؟
بالنسبه لي 45000ريال تصدقون بغيت ازيد احط صفر بس خفت تكشفوني
وصرفته اكثرشيء في الذهب
واللي وتعب معي اخوي الله يسعده ويوفقه

 

[اولادي كل حياتي]

ان 40000طبعا غير الشبكة في الملكة وطقم التصبيحة الالماس يوم الزواج واللي تعب معاي ماما وبابا الله يخليهم لي لاني جهزت من لندن كل شي (,بس ماشالله عليكي طلعتي شاطرة وصرفتيه بالذهب اما انا بالملابس لانه جاني كثير هدايا اطقم ذهب فصرفتها باللبس)

 

[ورود جورية]

انا كان مهري غير الشبكه وهدايا الملكه 40000وصرفتها الحمدلله باعتدال يعني شي على الملابس وشي على الذهب وماكثرت ذهب للاسف وشي على الكماليات الثانيه من مكياج عطورات وغيره وباقي منها بعد الزواج حوالي 15000في حسابي
والي تعب معايه امي واختي لاننا كنا نجهز سوا

 

[المخينيه]

الله يزيدكن من خيره​

 

[caramelaa]

الحمدالله عرفت اشلون اصرف مهري وبطريقه صحيحه

 

[جراده شياكه]

شكرا على مروركم ودرودكم
يعطيكم العافيه

 

[صغنوووونه]

انا مهري 20000عشرين الف وشريت الحمدلله من كل شى باعتدلا
واللي قام معي اخوي ماقصر وان شاء الله اساعده في زواجه
والحمدلله مبسوطه وسعيده

 

[سمو الأميرة]

ههه الكل متفق على ال40 يعني .. انا بعد كان 40000 بس هذا غير مصاريف اغراض الزهبة و الذهب .. نحنا في الامارات -مش الكل طبعاً- لازم العروس يعطونها فلوس من قبل عشان تزدهب .. الزهبة يعني كل الاغراض اللي تتجهز فيها.. و اكثر الفلوس عندنا تروح على الملابس المخيطة اللي نسميها كندورة .. يكون شغلها بتطريز و كريستال .. يعني نصرف على الاقمشة القطن و الحرير و الخياط على الأقل 500 او 400 عشان الكندورة الوحدة غير الاثواب المغربي اللي قطعة وحدة و الفخم قطعتين .. و الفساتين .. فستان العرس الرئيسي و فستان الصباحية (فستان او ثوب فخم ) و فستان الضية - العشا اللي يسووه اهل العريس على شرف العروس بعد ما ترجع من شهرالعسل- ..
و طبعاً الأطقم الجاهزة لا غنى عنها .. و قمصان النوم .. و العطور و الكريمات و المكياج و اكسسوارات الشعر .. الاكسسوارات العادية ما تشتريها العروس لأنها بتلبس ذهب و ألماس اللي يكون هدايا من الاقارب و معارف العائلة .. و عقد الزواج الرئيسي اللي تلبسه العروس في عرسها يكون اما عليها او على اهل الزوج .. و طبعاً يكون العقد مع خاتم و حلق و ساعة ... و السعر التقريبي للذهب بس مش اقل من 100,000 درهم اذا كان شي حلو .. طبعاً ما في شي حلو و محترم بسعر أقل في الامارات او ع الأقل في ابوظبي .. من زمااااااان اكيد كانت الاسعار ارخص بواااايد ..
و المهر عندنا يعطونه العروس وقت الملكة و ينعرض مع الذهب و الزهبة للضيوف في اليوم اللي قبل يوم العرس .. نسميه المكسار و في ناس يسمونها ليلية الحنا .. يعني العروس يعطونها مبلغ غير المهر تشتري فيه مش اقل من 50 ألف ..و المهر يكون بعدين و ما تصرف منه شي .. يعني لا سمح الله لو احتاجت فلوس بعد الزواج يكون عندها مبلغ المهر ..

 

[سمو الأميرة]

و نسيت اقول منو ساعدني ..
امي الله يجزاها الخير ساعدتني وااايد ^_^

 

[ضوي القمر]

ربنا يسعدكم ويعطيكم من فضله

 

[جراده شياكه]

ماشاءالله سمو الاميره على عروسكم
يعطيكم العافيه على الردود وعللى مروركم

 

[الشوق وبس]

أنا مهري كان 20000 (عشرين ألف) حقي مقي..!! بس صرفت بعضها في زهابي مثال في المخاوير..!!


بس تجهيزاتي..كلها زوجي سواها لي..من ثياب وذهب وعطور..هو كان يعطيني البيزات..وأنا أسير أشتري بها..!!
بس كم صرفت ما أعرف..!! بس أنا ما كثرت من الثياب ولا العطور..لأني شيء طبيعي كنت بغير عقب فترة..وبالفعل ألحين قمت أغير ..!!

وعقبال البنوتات يا رب..!!

والله يهني المتزوجات..!!

 

[fdeetek]

ههههههه .. انا لو اقولكم كم مهري ما تصدقووون .. انا ماخذت مهر طلبت مصحف قرآن .. احنا في دولتنا عندنا المهر ما يزيد عن 20000 بس قلت مابا العشرين الف ابا مصحف قرآن .. بس تجهيزات العرس خذت 130 الف يعني الفستان والذهب والقاعه والكوشه والزهبه من العطور والثياب وملابس النوم وبعض اغراض المطبخ والبطاقات حق العرس وو كل شيييي عليييييي اانا كان .. وامي الله يحفظها ساعدتني بعد ..

 

[coffee]

هلا والله بالغاليات...انا بقولكم كم مهري بس امسكو نفسكم....مهري عشرالاف ريال فقط وشبكه بخمس الاف ريال...وما صرفت من مهري الا 2500ريال حق البدله والصالون وكم من شي بسييييييييييط ليش؟؟؟؟لاني كنت طول ما انا بنت واشتغل وحتى لمن كنت اخذ مصروف من اهلي اشتري جهاز من قمصان نوم وبيجامات وعطور وكريمات واشيلها في شنطة جهازل وكذا خليت مهري وفوقه نقوط من اهلي على عرسي بالبنك وبعد سنتين من زواجي اشترينا انا وزوجي بيت وسجله باسمي لاني ساهمت معاااااااااااا قولو ما شاء الله .. وطبعا المهر الي ذكرته هو اقل مهر متعرف عليه ببلادنا يعني اقل شي عشر الاف ريال واكثر شي عشرين الف ويكون شامل كل شي...اما الي تعب معاي فاختي الصغيره والوسطى الله لا يحرمني منهم وصديقتي المقربه ....

 

[انا النور]

مرحبا بنات مهري كان ثمانين الف لانه زوجي علي قد الحال وصارت لي قصه حلوه كنت مشغوله البال بان مهري مايكفي احتياجاتي وزعلانه وفي نفس اللحظه جتني وحده من صديقاتي انا اعرف انها محتاجه جدا وقصته في المعاناه والظلم طويله طلبت مني مبلغ خمسه الاف لكي تحل مشكلتها فسالت ربي الاجر والتفريج لها ولي واعطيتها المبلغ
وسبحان الله خلصت كل اموري وبقي معي فائض خمسه الاف نفس المبلغ اللي اعطيته صديقتي ولعبت فيه في شهر العسل
واللي تعبت وياي اختي الصغيره

 

[al-rayyan]

.......

 

[الاماسة]

انا مهري ثلا ثين الف وصرفتة في الذهب والملابس والعطور0000 اللي تعب اكثر معاي امي الغالية الله يحفظها ويطول في عمرها0000

 

[من الزهرة]

كم دفع زوجك لك مهر؟؟؟


عشر الاف دينار اردني يمكن بالسعودي 50000

بس هاذ اللي بقدر اجاوبه .. لانه الجهاز اشي ثاني بعدني ما جهزت لاني بفترة خطوبة

يسلمووووووووو