سؤال: كيف تتعايشن مع الخيانة؟؟؟؟؟؟؟؟؟؟؟؟؟

احصائياتى
الردود
16
المشاهدات
2K

دم غزير

New member
معلومات دم غزير
إنضم
23 فبراير 2007
المشاركات
4
مستوى التفاعل
0
النقاط
0
سؤال: كيف تتعايشن مع الخيانة؟؟؟؟؟؟؟؟؟؟؟؟؟
ما اعرف كيف ابدا موضوعي لكني متضايقه وابى افضفض ......... انا متزوجه من 5 سنوات من ولد عمي زواج تقليدي ....... اول سنتين كان زوجي بلا شغل ومعا ذلك ما كنت اطلب منه شي .... كل شي يوفرونه لي اهلي .......... وبعدها ظهرتلي وظيفه في منطقة بعيده عن اهلي واهله ....... فاظطريت اني اجيب شغاله تدير بالها بولدي وبالبيت في نفس الوقت ......... وطبعا كان زوجي يوصلني للدوام الصبح ويرد البيت ..... والساعه 2 الظهر يردني للبيت ............. وكانت الخدامه سيلانيه شكلها مو حلو وما شكيت في لحظه ان زوجي ممكن يسوي علاقة معها خصوصا انه كان دايم يسبها ويصرخ عليها اذا سوت شي غلط .......... وفعلا ما طولت عندنا .... تقريبا 4 شهور ..... بس اتذكرت كلامها مره قالتلي الصبح في وقت اجازتي يا مدام فيه حد دق الباب عليه الساعه 2 الفجر منو هو .......... طبعا انا كنت نايمه في هذا الوقت وزوجي كان سهران برا ورد متاخر ما اتذكر الوقت بس ما شكيت فيه لان باب غرفتي قريب من باب غرفتها فقلت يمكن هي اعتقدت انه بابها الي اندق وهو في الاصل بابي انا ...... وخصوصا انها كانت حقوده وايد وهذا السبب الي خلاني اسفرها وهي ما كملت الا 4 شهور ... بس الي صار بعدين يخليني ما انسى كلامها بخصوص دق الباب.. الي صار اني جبت لي عله ندمت حياتي كلها يوم جبتها ................. جبت اندنوسية بنيه صغيره وحلوه ........ وتمت عندي سنه كامله ......... ونسيت اقول انه قبل ما اجيب الاندنوسيه اكتشفت ان زوجي كان بيتزوج على وغير رايه بنفسه قبل ما اعرف ..... بس وصلني الخبر ويوم واجهته قال لا ما كنت افكر ولو فعلا ابى اتزوج باتزوج ......... فمريت بحاله نفسيه سيئه ..... وشرفت الاندنوسية في البيت واحنى كنا في مرحلة حرجه من زواجنا ..... كنت في حاله اهمال لزوجي بشكل فضييييييييييع ....... وكنت لدرجه اني ما اعطيه حقه الشرعي ........ مريت بحاله انهيار .......... ولاحظت ان زوجي صار ما يطلب مني حقه الشرعي فكنت اقول احسن اريح لاني ما كنت استحمله يوم يضمني ولاني كنت حامل بطفلي الثاني واتوحم ..... المهم صارت جارتي تنبهني وتقولي غلط الي يصير انتي تروحين للشغل وزوجك يقعد بالبيت ومعاه شغاله حلوه وصغيره ....... خصوصا انها كانت تتدلع في مشيتها ......... وبدات تقلدني وتلبس شيل سودا ..... وكنت الاحظ زوجي وهو يراقبها بعيونه وين ما راحت بس كنت مثل المسحوره ما لي موقف ......... كان يمثل قدامي انه يصرخ عليها ويحقرها ويسبها .......... وكنت دايم اقوله لا تكلمها عشان ولدنا امانه بيدها ..... فيرد علي بكل ثقه ويقول ما راح تقدر تسويله شي ............ ومره شفته يغسل ايديه بعد الغدا وهو واقف جنبها في المغسله وكانهم متلازقين ومع ذلك قلت لا مو قاصد وهي اكيد مو قاصده .............. ومره وانا نازله من فوق شفتها ملزقه عمرها بالدريشه تراقبه وكانه في شي بينهم وهو رايح بالسياره ومع ذلك ما كان لي موقف وكاني مسحوره ومالي ردت فعل ...... اشياء كثيره صارت مثل اشارات غير مفهومه ما اريد اقولها وبعدها قررت اسفرها بعد ما كملت سنه عندي ........... وبكل سذاجه مني وقبل ما تروح سالتها وحلفتها على القرآن قبل ما تروح اذا فيه شي صار بينها وبين زوجي قالت لا في البدايه وبعدين قالت انه هو حاول انه يغويها اكثر من مره ........ وانها فرحانه اني بسفرها عشان ما تغضب ربها ........... ويوم واجهته انكر وقال انها كذابه وانه يمكن بدر مني شي وانا مو قاصد بس هي فهمته غلط ............ والحين جبت اندنوسيه جديدة ......بس هالمره ما خليته يقعد في البيت ومخليه له مراقبن يشوفونه اذا رد البيت او لا ويخبروني..... ومره المساء وهو راد من الجمعيه ومحمل اغراض للمطبخ طلب من الخدامه الجديده انها تساعده في حمل الكراتين ...... ورحتلهم بالظلمة من دون ما ينتبهون وشفتها واقفه تشل كارتون من الدبة وهو نازل من داخل الدبه بس كان قريب منها لدرجه فضيعه ............ بين راسه وراسها سانتي واحد يمكن ..حسيته مثل الي بيحبها ( بيبوسها).. هو فوق الدبه واهي تحت..... وراسه وراسها تلاقو بينهم سانتي ... وبعدين انتبهلي وسوا عمره طبيعي ..... ويوم واجهته انكر وقال انتي تتخيلين ............. الي صار الحين ان علاقي معه ما عاد فيها ثقه وكل ما اتذكر الاندنوسية الاولي وكيف تمت عندي سنه وهو معاها بالبيت من 8 الصبح الي 2 الظهر ........... وش كانو يسون كل هذا الوقت ............ جارتي ياما حذرتني ......... ووحده من الخدامات قالتي ان خدامتي الاندنوسية الاولى كانت معروفه في بلادها بانها منحرفه اخلاقيا ........... فاذا انا واثقه من زوجي ما راح اثق ان الاندنوسية ما حاولت تغويه خلال السنه هذي ........... الحين افكر بالطلاق وعندي منه طفلين ....... ادري اني انا السبب الاول والاخير في الموضوع هذا كله ....... لاني انا خذيت دوره واتحملت مسؤولية البيت ولاني اهملته فتره من الفترات ........ لكن سالفة الخيانه اتعبتني وامرضتني وما اقدر اتحمل ........ وعلى فكره هو ما يبى يطلقني وياما صاح وبكى قدامي وحلفلي بالقرآن انه ما صار شي بينه وبين خدامتي ؟.......... لكن انا ما اصدق ( ما اختلى رجل بامرأه الا كان ثالثها الشيطان ) وهي الخدامه كان عليها حركات وكانت منحرفه اخلاقيا ........... ما اقدر اتحمل ابدا اني اعيش معاه .......... انا ما كتبت قصتي الا لاني اريد افضفض ........ اما موضوع الطلاق خلاص اتخذته ......... لو بكى دم ما رديتله
 
معلومات قلب في جسدين
إنضم
2 ديسمبر 2006
المشاركات
188
مستوى التفاعل
0
النقاط
0
الإقامة
الرياض
حبيبتي هدي نفسك وتعوذي من ابليس وقومي توضي وصلي ركعتين واقري قرآن ..
ادعي الله يكتب اللي فيه الخير وبثي له هم وغمك ..
لاتنسين الاستخارة في كل خطوة تقدمين عليها ..
وأنصحك لاتستعجلين .. ولاتنسين أولادك .. وش ذنبهم مساكين ؟؟!!!!
دام إن الرجال نادم على اللي سواه عطيه فرصة، ماأقول ارجعي وسامحيه بسرعة، عطيه درس ماينساه عشان مايكررها مرة ثانية ..

الله يفرج همك وييسر أمرك ويجبر كسرك ويرزقك الصبر والثبات ..
 

حواء

New member
معلومات حواء
إنضم
23 فبراير 2007
المشاركات
12
مستوى التفاعل
0
النقاط
0
الإقامة
الامارات
لا تخلين الشيطان يخرب من بينكم 000تفاهمي مع زوجك من اول ويديد وادبيه بس لاتفكرين في الطلاق وتخلين وحده ثانيه تاخذه منج
 

حواء

New member
معلومات حواء
إنضم
23 فبراير 2007
المشاركات
12
مستوى التفاعل
0
النقاط
0
الإقامة
الامارات
:evil_lol: لا تخلين الشيطان يخرب من بينكم 000تفاهمي مع زوجك من اول ويديد وادبيه بس لاتفكرين في الطلاق وتخلين وحده ثانيه تاخذه منج

اقري القرآن وصلي صلاه التجهد وادعي الله
وربي يفرجها عليج ان شاء الله
 

غاليه

New member
معلومات غاليه
إنضم
3 ديسمبر 2006
المشاركات
649
مستوى التفاعل
0
النقاط
0
اختي تعوذي من ابليس والصراحه انتي قلتي بنفسك انك انتي السبب هذا اولا
ثانيا ياعمري انتي تفكرين في الماضي ومخليته قدام عينك وهذا الشي متعبك كثير
وبالنسبه للشغاله اللي قالتلك انه زوجك حاول يغويها هذي كذابه يعني بالعقل تبينها تعترف انه بينها وبين زوجك شي (هذا اذا كان في شي اصلا )نصيحه مني ياختي ارمي الماضي وراك ادري انه صعب جدا بس في النهايه محد تعبان غيرك
لاتهدمين حياتك بسبب وحده منحرفه وهذولا مايبون الا خراب البيوت
مادام زوجك حلف على المصحف وبكى قدامك هذا معناه انه يحبك نصيحه لاتضيقين على زوجك بكثرة الشك هي انقلعت ديرتها الله لايردها وانتي قاعده تاكلين في نفسك لاتفكرين كثير

الله يفرج همك
 

عنقود عنب

~◦ღ( حكيمة الإستشارات الزوجية )ღ◦
معلومات عنقود عنب
إنضم
5 يناير 2007
المشاركات
4,409
مستوى التفاعل
0
النقاط
0
الإقامة
قطر في قلبي
ريحي بالك وتركي وظيفتك

وربي يعوضك باحسن منها

هل تهدمين بيتك عشان وظيفة لا راحة ولا جات

تحطين النار جنب الزيت وما تبغينها تولع؟؟؟

زوجك هو المسؤل عنك وعن تلبية كل احتياجاتك ولست انت

عودي الى وظيفتك الطبيعية الا وهي الام وربة المنزل في مقابل انقاذ بيتك
 

موزة خلفان

New member
معلومات موزة خلفان
إنضم
6 فبراير 2007
المشاركات
397
مستوى التفاعل
0
النقاط
0
حقا استغرب لامرك واندهش
هل انتي من الناس اللذين يدركون حجم الكارثه بعد ان تنتهي وتمر ويمر عليها اعوام عندها ينتبهون لانفسهو ويبكون على ما حدث وتدمر
تاتين باصبعك الى عينك وتفقعينها وبعد ذلك تقولين ان اصبعك هو السبب
طلبك للطلاق في هذه الفتره غير مبرر حتى ادلتك اللتي استندتي عليها لاتهام زوجك غير مبرره ربما تكوني مقتنعه بها مليون بالمائه لكن لا تنفع وقد يلومك عليها الكثيرين
انتي تمرين بحاله نفسية من القرف و الكره لزوجك فلا تطلبي الطلاق في هذه الفتره دعيها تمر حتى تستطيعي التفكير بشكل منطقي
فانتي مشاركه بالغلط بنسبة 80% وقد قلتها كيف تتركين اثنين والشيطان ثالثهما
اعطي نفسك فرصه لتصليح الاوضاع وضعي شروط حياة جديده بينك وبين زوجك
انا متاكده بان هناك عيوب اخرى في حياة زوجك غير شكك في خيانته هي ما يسبب لك القرف منه
لم تشرحي جميع ضروفك لكن لا انصحك بالطلاق
ولن اقول اعطيه فرصه ثانيه بل اعطي نفسك واطفالك فرصه اخرى لتنعمي بحياة افضل فانتي كنتي سبب تعاستك
 
معلومات ما((الشوق))طرة
إنضم
13 فبراير 2007
المشاركات
261
مستوى التفاعل
0
النقاط
0
صدق ياختى امرج غريب

كيف ترضين على نفسج انج تشتغلين وهو قاعد فالبيت شو شغلته هو انتى المفروض تصرفين ولا هو اخر زمن صدق الريال يقعد والحرمه هى اللى تصرف ليش هو عنده شي يمنعه من الشغل

اختى انتى اللى سويتى بعمرج جذيه ترى الريال ماينعطى ويه وبعدين المفروض الريال يتكفل بكل مصاريفج ولا ليش متحمل المسواله وتزوج :icon28:

اختى حطى حد لهذى المهزله انا مقولج اتركى الشغل بس بعد ليش هو مايشتغل قوليله لاتخلينه يتكل عليج الاولى انج انتى اللى تقعدين فالبيت وهو اللى يروح يشتغل ولا تطلبين الطلاق لانه مب حل الواحده ماتهرب من مشاكلها لازم توجهينها وبكل قوة

قوليله انج ماتريدين تشتغلين انج تعبانه ولازم هو اللى يشتغل حاولى اختى تصدقين والله قهر اللى يصير والله:icon28:
 

غدير الحب

Active member
معلومات غدير الحب
إنضم
24 أكتوبر 2006
المشاركات
1,181
مستوى التفاعل
2
النقاط
38
الإقامة
الفجيـــــــــــــرة
اذكري الله

ولاتخلي نفسيتج تدمر كل شئ

لانه فترة مريتي فيها بس لازم ترجعين قوية

محدكامل حبيبتي بالهدنيا وكلنامعرضين للخطاوالحين انتي غلطتي بنسبةكبيرة فكيف تحاسبين نفسج؟

عزيزتي

الحياةعمرهاما تمشي بوتيرة وحدة وانتي بالبدايةاستسلمتي للواقعج وماقلتي انج بتغيرينه فبدال لاتغيرن الواقع انه زوجج هوالي يشتغل ويصرف عليج تروحين تطلقي؟
اي منطق هذا حبيبتي دام انه يصيح ويبيج خليها لصالحج ومهما كانت الاسباب

فاذا تطلقتي فهذا ضعف منج بس اذا قدرتي تكلمي حياتج معاها و مع شروطج بتكوني انتصرتي وقويةفعلا

ترا الطلاق مابحل المشكلة بتزيد نفسيتج سوء

اذكري الله وصيري ذكية
عيل شوبتقولين للحريم الي يشوفن ازواجهن مع خدامات بغرف النوم؟
انتي اهوووووووووووووووون

ففكري وانسي شوي الطلاق وفكري لوكملتي وياها شو شروطج وكيف بتكوني انتي ملكة بيتج فكري ولا تستسلمي لعواطفج

والله الموفق
 

مثل الورد

New member
معلومات مثل الورد
إنضم
4 فبراير 2007
المشاركات
305
مستوى التفاعل
0
النقاط
0
اختي الغاليه...

انتي محتاجه للعلاج من اللي انتي فيه...

ومحتاجه احد يساعدج... دامج في الامارات

تقدرين تروحين للدكتوره ناعمه...

وهي اكيد بتردج مثل قبل واحسن...

والله يوفقج..
 

دم غزير

New member
معلومات دم غزير
إنضم
23 فبراير 2007
المشاركات
4
مستوى التفاعل
0
النقاط
0
الاخت (ام ريما) مشكورة حبيبتي على الرد الجميل .... وشو قصدج بالدرس:a037: الي ماراح ينساه حتى ترتاح نفسيتي .
الاخت (حواء) مشكوره على المرور وانا فعلا كل ما تضايقت قرأة قرآن وصليت الاستخارة .. والله يفرجها.
الاخت (غاليه) مشكورة على المرور وصدقج محد تعبان غيري .
الاخت (عنقود عنب ) مشكوره حبوبة على المرور الكريم... صعب اخلي وظيفتي.
الاستشارية (موزة خلفان) ....... تسلمين عزيزتي على المرور .... كلامك مقنع مليون بالميه.... وفعلا هناك اسباب اخرى ليس لها علاقة بالخيانه هي التي اجبرتني على اتخاذ فكرة الطلاق... ولكن لي طلب ما هي الشروط التي يجب ان اضعها امامه .... لان زوجي لا يريد تطليقي وحلف على القرآن أكثر من مره أنه لم يحدث شيء يغضب الله.
الاخت ما((الشوق))طرة ... مشكوره عزيزتي على المرور ..... الله يعينا ويفرج كربتنا وكل انسان له ظروفه.
الاخت ( غدير الحب) مشكوره على التفاعل بس ما قلتولي شو هي الشروط الي لازم احطها له.
الاخت (مثل الورد) شكرا على المرور وعلاااااااااجي انه لازم اعطيه درس حتى يحس بقيمتي........ بس ما اعرف شو هو هذا الدرس.:icon1366:
الاخت (غريبة زمن) مشكورة لتفاعلج وفعلا الاستاذه موزه خلفان كلامها مقنع وموجع بنفس الوقت.
 

دم غزير

New member
معلومات دم غزير
إنضم
23 فبراير 2007
المشاركات
4
مستوى التفاعل
0
النقاط
0
خواتي العزيزات ما جاوبتن على أسئلتي ............ انا اريد اواجهه بقراراتي وشروطي الجديده ....... بس اريد مساعدتكن .......... لكل من ذاقت الخيانة شو سويتي حق ريلج من درس ما ينساااااااااه .....
 

غدير الحب

Active member
معلومات غدير الحب
إنضم
24 أكتوبر 2006
المشاركات
1,181
مستوى التفاعل
2
النقاط
38
الإقامة
الفجيـــــــــــــرة
هلا الغالية

انتي ادرى بالشروط الي تتمنينها .\..اول شئ يشتغل هذا بديهي يكون مسؤول عن البيت يراضيج بهدية ..وما تشتغلي ومصرفج ومصرف العيال بايدج وايدامور انتي تتمنييها

لازم تفكرين ولاتتساهلين مهماكانت الشرووط هوالي لازم يعرف قيمتج وان طلبتي شئ جديدعليه

بس اهم شئ لاتهاون موتقولين حرااام ويكسرخاطرج لااااااااا

وفكري وبتلاقين وايد اشياء طالعي نفسج وعيالج وبيتج من الالاهم الى الادنى

وحاولي لوقصراذكرينه انج عايشة وياه عسب ينفذ شروطج مب يتساهل فيها

والخ

والله الموفق
 

من نحن ؟؟

موقع نسوة : هي شبكه عربيه تهتم بكل ما يخص المرآه وحياتها اليوميه يعمل منذ سنوات لمساعدة والمساهمه في انجاح كافة الامور الحياتيه للمرآه العربيه