سؤال بسيط

  • بادئ الموضوع بادئ الموضوع norahmed
  • تاريخ البدء تاريخ البدء
norahmed

norahmed

New member
إنضم
2008/04/15
المشاركات
1,207

لو الزوج مش فارقة معه وجود زوجته أو عدمها وما عندها اطفال لها الحق تطلق منه؟؟
بغض النظر عن المشاكل والظروف و و و و .....

بس رجاء خاص أبغى أي وحدة تحط نفسها مكان الزوجه وتجاوب
 
[أكيد ماراح اعيش مع انسان مو فارقة معاه حياتي عنده
ـ وخاصة بعدم وجود اطفال
ـ يعني لو كنت مهمة بالنسبة له واعني له شيئاً ممكن ماافكر ابعد عنه
ـ لكن لو مااسوى شي في حياته الافضل انسحب واشوف حياتي من جديد يمكن ساعتها ربي بيعوض علي بزوج افضل منه واطفال والله اعلم/SIZE]
 
تسلمي يا أولادي كل حياتي.. ردك في الإعتبار
 
يعني أكتب المشكلة مثلا.... مانا خلآآآآآآآآص تعبت وانا كنت اكتب وكنت ادور الأشياء اللي تخليني احافظ على بيتي ...
عادي الزوج المصون لايصلي وقلنا بكره ربنا يهديه ...يتركني ويهجرني ويهددني بالهجران لو ما اعطيه كرت البنك حقي ويسويها لعلني اخضع لتهديده.. مايصرف علي ولا على البيت بحجة إنه عندي دخل .. مافي خرجات او طلعات او جلسات رومانسيه او حتى رسايل او كلمات حب لأن هذي الأشياء مالها معنى عنده .. مايحترم أمي ويحاول بكل الطرق يجيب سيرتها قدامي وهذا نظرا لموقف صار بينهم وانتهى الموقف بأنه مايبغى تكون له علاقه فيها وقلنا حاضرين بس دوم يحب يستفز ويجيب سيرتها عشان يزعلني... خاين وأصدقاء السوء اللي مو قادر يتركهم وحتى لو قلت واحد منهم تحرش فيني قال بروح أسأله ولما سأله قال إيش ..صاحبي يقول زوجتك كذابه.. ماشاءلله ع الرجوله...شو أقول كمان ...لو هددته بالطلاق أو يصلح من وضعنا وتعال نتحاور ونجلس ونتكلم يقولي مو فاضي لك ومو لعبه بيدك.... مش حاسة بالأمان أبد والأمر إني أحبه لذلك لما قلت له بروح انا قالي سوي اللي تبيه عرفت انه مايبيني بس يبغى كلمة الطلاق تجي مني مشان صورته قدام الناس ومشان يقول انه انا اللي طلبت الطلاق ...تعبت تعبت تعبت يحب مشاكلنا العالم كله تعرفه مايقدر يحل مشاكله بنفسه ..انا صعبان عليا من جد أحسه مريييييييييض ومو هو اللي اتزوجته وكنت مستعده اصبر واجلس كمان وكمان بس لما توصل لكرامتي ومو فارقه وجودي والعدم اروح اطلب الطلاق احسن ولو إني ماحب أتطلق ورغم إني كنت كثييييير اهدده فيها بس تعبت
 
هالشئ ما احد يقدر يقرره الأ انت
اول شئ اذا كانت مشكلة الاطفال:13: منك فحاولي تتعالجين لأن ممكن يكون هو سبب ابتعادة عنك
وعلى كلامك عنه شوفي حالتك اشلون اتكون بعد الطلاق منة للأحسن او الأسؤة
مثل الحالة المادية تقدرين تتحملين مسؤؤلية نفسك او تحتاجين لأخوانك
وتعيشين مع ابوك وامك او مع اخوانك وزوجاتهم واكيد انت فاهمة قصدي
مع تحياتي
 
شوفي اختي أنا مع كلام الأخت أو لادي كل حياتي ... مع أني أبد أبد
مأشجع على الطلاق,,,بس يوم قلتي تقصيره في الصلاه وأمور أخرى
هينا ابيك تستخيرين ربك وتستشرين مختصين ومشائخ... لأن حنا دورنا
كأخوات ندور حلول للوصول لنور بس أنتي هنا طلبك غير,, طلبك لطلاق
منه وحنا مانعلم هل خيره فيه أم لا وهذا شي راجع لك أنتي اولا
أنتي أبخص بزوجك وأيجابيته وسلبياته,, ممكن تحتارين لكن >>
مــــاخاب من أستخار ولاندم من أستشار<<
أستخيري ربك وأدعيه أنه يلهمك الرشد والصواب,, واستشيري أهل الأختصاص والمشائخ,, الله يوفقك ويفرج كربتك,, دمتي بود.......
 
وإذا كلما أستخرت زدت حبا فيه وتعلقا وخوفا من الطلاق... وهو زادني هجرانا او اساسا مافرقت معه؟؟؟؟؟؟؟
 
حبيبتي صلي بالليل وادعي بقلب صادق وأنت موقنة بالاجابة وأبشري بالفرج فالله لا يرد من دعاه
الله يفرج همك ويكتب لك مافيه الخيير
ودي
 
الله يكون في عونك اختي الي مايبغاكي الله لا يرده الا الكرامة تراى اذا راحت ماتقدري ترجعيها ابدا

وتصير توجع قلبك كل ماتذكرتيها استخيري واسئلي اهلك والله مارح يخذلك ان شاء الله

تحيااااااتي
 
حبيبتي حطيت نفسي بمكانك ..
وبرغم خوفي من شي إسمه طلاق ونظرة الناس كيف بتكون لي,,
بس كم من العمر راح نعيش والاعمار بإيد الله سبحانه بجلس طول حياتي
اتحسر على زوج مومهتم فيني ومومقدرني ولامعطيني حقوقي وبغض النظرعن الاولاد
ياما ناس ماجابوا اولاد بس مع زوجاتهم عسل xعسل الله لايغير عليهم ليش اعيش مابقى من عمري بهالوضع والمشكله موحاس ولامهتم باللي اسويه له ..طيب أنا سويت اللي علي ليش بعد نصحي له وتنبيهاتي له اللي ماتعد ولاتحصى ماحاول يعدل ولوشي بيسط أنا شاوف ناس اشوف زوجات متهنيات بحياتهم موحسد لاء بس ابي اجرب هاللي يقولون واشاركهم بالكلام إلين متى وانا احط إيدي على خدي واقول بكره بيتعدل ويمر بكره وشهر وسنه وهو وهو ابو طبيع مايجوز عن طبعه انا بعد من حقي اني اتهنى واعيش واحس بالاهتمام والحب والاحترام والتقدير وماأسمح لأي شخص يهمشني او يستغلني بفلوسي ..موعايشه معاه كأني طاوله او كرسي بالبيت
حلي الوحيد الطلاق لان بجلستي معاه تزيد همي هم ..هم إني أعيش مع شخص موحاسس بوجودي ولايهمه مشاعري او احاسيسي وكافي منه إللي جاني حتى بالغيره وبعرضه ماحرك اي شي فأي أمان راح أحس فيه مع هالآدمي كيف بعيش باقي حياتي مع إنسان إحتمال بأي لحظه راح يبيعني مدام تعامله معاي بهالشكل,,
حبيبتي اتمنى إنك تتخذين القرار الصائب واللي راح يريحك من هالهم اللي انتي عااايشه فيه ..
 
اتعبني هواك قال:
حبيبتي حطيت نفسي بمكانك ..
وبرغم خوفي من شي إسمه طلاق ونظرة الناس كيف بتكون لي,,
بس كم من العمر راح نعيش والاعمار بإيد الله سبحانه بجلس طول حياتي
اتحسر على زوج مومهتم فيني ومومقدرني ولامعطيني حقوقي وبغض النظرعن الاولاد
ياما ناس ماجابوا اولاد بس مع زوجاتهم عسل xعسل الله لايغير عليهم ليش اعيش مابقى من عمري بهالوضع والمشكله موحاس ولامهتم باللي اسويه له ..طيب أنا سويت اللي علي ليش بعد نصحي له وتنبيهاتي له اللي ماتعد ولاتحصى ماحاول يعدل ولوشي بيسط أنا شاوف ناس اشوف زوجات متهنيات بحياتهم موحسد لاء بس ابي اجرب هاللي يقولون واشاركهم بالكلام إلين متى وانا احط إيدي على خدي واقول بكره بيتعدل ويمر بكره وشهر وسنه وهو وهو ابو طبيع مايجوز عن طبعه انا بعد من حقي اني اتهنى واعيش واحس بالاهتمام والحب والاحترام والتقدير وماأسمح لأي شخص يهمشني او يستغلني بفلوسي ..موعايشه معاه كأني طاوله او كرسي بالبيت
حلي الوحيد الطلاق لان بجلستي معاه تزيد همي هم ..هم إني أعيش مع شخص موحاسس بوجودي ولايهمه مشاعري او احاسيسي وكافي منه إللي جاني حتى بالغيره وبعرضه ماحرك اي شي فأي أمان راح أحس فيه مع هالآدمي كيف بعيش باقي حياتي مع إنسان إحتمال بأي لحظه راح يبيعني مدام تعامله معاي بهالشكل,,
حبيبتي اتمنى إنك تتخذين القرار الصائب واللي راح يريحك من هالهم اللي انتي عااايشه فيه ..
أنقر للتوسيع...
معاها في كل كلمه
الواحد يعيش مره وحده
ومو مستاهله انكد على نفسي
عشان الناس وكلام الناس ونظراتهم الي ما تنتهي
ولا اعيش على امل لعلى وعسى تصير معجزه وزوجي الحبيب يتغير
اشتري راحتي انا مو راحة غيري​
 
سؤال محير خصوصا في صلاااااة الاستخااااااارة
انا لو مكانك وماعند اطفال اتطلق لكن صدقيني الطلااااااااق صعب وااااااايد
 
الله يفرج همك ويكون بعونك
والله اني حاسه فيك
بس حبيبتي هو كذا من اول ماتزوجتوا
والا شاكه انه فيه سبب خلاه يتغير وينحرف سلوكه
هل عنده عمل00
حاسه اللحين بالامان معاه00
لو احتجتي مساعدته بيوقف معاك
ايش السبب اللي مصبرك عليه الي الان00

لو طلبتي الطلاق وين بتعيشين00
حتكوني مرتاحه
تقدري تتحملي مسؤليه نفسك لفتره قد تطول
حتى يرزقك الله بزوج اخر00

جيبي ورقه وقلم واجلسي زي كذا اسئلي نفسك
وجاوبي بكل صراحه 00
بعدها حتقدري تقرري00

الله يكتب لك مافيه الخير00ولا تنسي الدعاااااااااء
 
اكثري من الاستغفار ادعي له با الهدايه
انا مابغى اقول اطلبي الطلاق
لان هاذا شي بتحاسب عليه يوم القيامه
لكن هاذا قرارك
ادعي ربك والله يفرج همك وهم كل مهموم
 
شوفي ياقلبي الطلاق صعب وااحد يقدر يحدد ايهم افضل تجلسي مع زوجك مع استغلاله لك او الطلاق غير انتى
اولا استخيري
بعدين جيبي ورقه وقلم واكتبي مميزات ووعيوب العيشه مع زوجك
ومميزات وعيوب حياتك عند اهلك وقارني بينهم
بس بشرط تبعدي العاطفة تماما وتفكري بعقلك
لان احنا النسوان مهما قسوا علينا الرجال نتذكر الايام الحلوة معاهم ونسسى الدموع والهموم
اتمنى افدتك
والله يوفقك ويكتب لك الخير
 
كل مقومات الزواج الناجح غير موجود ولا شرط متوفر عشان تصبري عليه مع اني اومن ان الزوجة تحاول تغييز حياتها احسن من الهروب للطلاق فعليك ان تحاولي بادخال حكيم في مشكلتك وان فقدت الامل روحي اهلك شوفي ردة فعله يمكن.....
 
الله يربط على قلبي ويهديه سواء كنت معه أو لا..
وشكرا وجزاكم الله خيرا
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل