سؤال الى كل وحده تزوجت من شخص مطلق؟؟

م

مطلقه متعذبه

New member
إنضم
2009/11/04
المشاركات
17
السلام عليكم
يابنات انا صغيره بسني وماعندي عيال وتطلقت طلقه وكنت برجع لطليقي بس مااراد الله وتم الطلاق وانتهى كل شي بينا وخطبني شخص متزوج وماعنده عيال وسمعت انه كان يحب زوجته ويبغاها بس هي مارضيت ترجعله واهلي قالو اذا بتطلق حياك بس اذا زوجتك بتبقى معاك الله يستر عليك مو راضين اني ارتبط بشخص متزوج وطلق زوجته وتمت الخطوبه بس انا خايفه انه ماينساها واخاف يجرحني ابغى اسال كل وحده تزوجت من مطلق كيف تاقلم معاها وهل ينسون طليقاتهم بسهوله ويعني مايجيب سيرتها او يقارن بينكم تعبني التفكير مره ودي اتزوج واتطمن وارتاح لاني تعذبت بحياتي والله يجزاكم خير جميعا
 
أنــآ تزوجت من مطلق وماجلست 3 اسابيع الا تطلقت ,,

لو أنه يجبهــآ مآتركهــآ يخربط ليش يتركهــآ ,,,

وبعدين يمكن هي طلبت الطلآق يمكن مايجيه عيآآآل ,,

شوفي الآسبآب ,,

لآلآتتسرعين يالغاليه ,,

وترى التوفيق بيد الله ,,, والرجــآل مو وآآآحد ,,

الله ييسر امورك...
 
حافية القدمين مشكوره عزيزتي بس انا سمعت من وحده تعرفه انه يحبها هو ماقال وهي رافضه ترجعله
عشان كذا طلق طيب يعني وش تنصحيني انا استخرت بس مافي شي لا راحه ولا ضيق
 
هلا حبيبتي والله ما قدرت اطلع قبل ما اقولك
الله يوفقك الى كل خير
ويخاف الله فيك
 
الله يوفقك يارب

وان شالله يقدروا يفيدوكي اللي مروا بمثل تجربتك​
 
عزيزتي انا متزوجة من مطلق لكن ما عمرو جاب سيرتها وانا ماحبيت اسال عن الماضي كلو علشان ما اقارن نفسي فيها الله يوفقك وخليها على ربك والله يسعدك
 
ياقلبي ,, طيب قلتي يحبهــآ ليش طلقهــآ وليش هي رفضته الا سبب قووي ,,

وكم له سنه معهآ يمكن مايجيه عيآآل أو في عيب ,, او ماحبته ,, بس لازم تسآلين,,,
 
لهم سنتين وحملت كم مره بس سقطت يعني عادي يجيب عيال بس مو قادره اوصل لسبب الطلاق هو يقول زوجتي مافيها عيب بس ماصار نصيب وهي تقول نفس الكلام وانا محتاااره
 
ياقلبي استخيري..

أنــآ تزوجت مره ثانيه أنســآن متزووووج ولله الحمد مبسوطه,,

استخيري واسألي قد ماتقدرين ,, وان الله يخيرك الخيره المباركه,,

الله يفرجلك ويسهل أمرك ,,

والله حآآسه فيك ,,,
 
تسلمي حياتي
الواجب انكم ماطلبتو منه يطلق زوجته لأنه لوكتب الله يرجعون لبعض رجعو
وكذالك خافو من العقوبه
لاكن حبيبتي استخيري والي ترتاحين له توكلي على الله وأقدمي
 
الله يكتب لك اللي فيه الخير استخيري ولا تفتحين معه موضوع عن زوجته الاولى ابد انا زوجي كان مملك وطلقها وتصوري تزوجته وانا مادريت عنه ضاقت بي الدنيا وصرت ادعي ان الله يثبتني لاني انجرحت جرح عظيم والله المستعان كان يتكلم عنها وكانت معجبته يقول لي انها نحيفه وطويله وصرت ادعي انه ينساها
اسال الله لنا ولك التوفيق والهدى والسداد
 
حبيبتي احنا ماتسببنا بطلاقها لما جاء يخطب قاله ابويه احنا مانزوج بنتنا متزوج وراح وبعد اسبوعين رجع وقال خلاص طلقتها وجاب الصك وتمت الخطوبه والله يعوضها خير انا مطلقه ومجربه وماراح اتسبب لاحد باذن الله
 
إذا بتظلي تفكري بهذا التفكير ماراح ترتاحي

توكلي على الله وإن شاء الله تتوفقي بزواجك ..شيلي هالتفكير من راسك ..وكل شي قسمة ونصيب والمكتوب عــ الجبين لازم تشوفه العين
 
تزوجت من شخص مطلق في البدايه في مقارنات بيني وبينها لكن اكيد انا الافضل

والكل يشهد لي بذالك موبس هو لكن عدت على خير وانا كنت ابغى اعرف كل شيء عنها لذرجه

تقابلت معها وقلت لها ايش سبب طلاقك منه ولكن الحمدلله طلع العيب منها بالرغم حتى هو كان

يحبها لكن نسيته حبها للابد ولاعاد يذكرها ابد توكلي على الله الله يعطيك ع قد نيتك
 
hانا زيك بتزوج وااحد مطلق وخااااااااااااااااااااااااااااااااااااايفه كثير
ياليت البنات يفيدوننا بتجاربهم لاني شاايله هم كبييير
مع اننا سالنا وسالنا لين دخنا بس ولو فيني خوف مو طبيعي
خايفه يكون فيه عيب او اي شي
ما انوم الليل من الخووف
اللي تزوجت مطلق ياليت تجي تفيدنــــــــــا:8:​
 



أنـــا بنفس وضعك حبوبه


مطلقة وتزوجت من مطلق


لكن طريقة تفكيرك هي اللي بتمشي حياتك


يعني شنو هو مو إنسان ! ماله قلب ! تقدرين انتي تنسين طليقك مثلاً ؟


مسألة النسيان شيليها من بالك

ماكو حد ينسى العشرة الا ولد الحرام

لكن تقدرين تخلينها ذكرى مثلها مثل الذكريات اللي تختزن فينا طول عمرنا

بإجتهادك انتي اول شي
هو ما تزوج الا يبغى زوجة تراعيه تقوم بشؤونه تحبه وتعيش معه

شيليها من بالك نهائياً
ولآ كأنها متواجدة على الأرض

هي انسانه راحت فحال سبيلها
مخاوفك يمكن يرجع لها يعني ؟ ساعتها لكل حديث ختام صح ؟! وتشوفي انتي شو تتصرفي وقتها

انتبهي تخربي بيتك عشان حياة سابقة

وانا دايم اقول نبش الماضي مثل حفر القبور
ما يجي منه الا كل كريه

سبب الطلاق او غيره هذا انتي مو معنية فيه

اللي يعنيك انو ما يجيب لك سيرة الماضي نهائياً ولا انتي كمان

عيشي حياتك ^،^
 
أنا تزوجت مطلق بس ماشااء الله والحمد الله ما يذكرهاا ولا أذكره فيهااا هي تجربه مرت في حيااته وانتهت

الله يوفقك ياارب
 
جزاكم الله كل خير
الله يسعدكم يابنات ريحني كلامكم الله يكتب لي اللي فيه الخير
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل