سألتكم بالله حنو علي وصبروني بحلولكم

[Angel5]

السلام عليكم حبيباتي
أنا مابي أطول عليكم بالمقدمات لكني راح أشكي لكم بالشي اللي في قلبي لأني تعبت من الشكوى بس ماأحد نصفني ولا فهمني
أنا انسانه كنت أرمله وفقدت أعز انسان في حياتي وجبت منه بنت الله يخليها لي وبعد ست سنوات من موته ولما كبرت بنتي تزوجت من رجل عقيم وضحيت وتزوجته عشان بنتي المهم كنت أكلمه في فترة الملكه عشان ادرس شخصيته لكنه طلع أشطر مني عيشني في جنة بكلامه وأنه راح يعوضني وللاسف كل كلامه طلع كذب في كذب حسبي الله عليه من يوم ماتزوجته وأنا اتمناه يحسسني بحب الزوج لزوجته لكن لاجدوى عنده جفاف في العاطفه مو طبيعي مع اني تكلمت معاه كثير بس مافي فايده وفوق هذا طلع بارد جنسيا وهو كان محسسني انه فحل في فترة الملكة يعني غشني في كل شي الله حسيبه مع العلم انه كان متزوج قبلي 3 حريم ومطلقهم وقلت راح اعوضه ويعوضني طلع انه طمعان فيني مايبغى يصرف علي واذا سحبت لبنتي من راتب ابوها يحسب انها فلوسي وماابي اعطيه مع اني علمته انها فلوس اليتيمه هذي بس ماهو مصدق يقول عندك فلوس والله يابنات تعبت معاه ولا ادري كيف اكسبه او اقنعه اني زوجته وانه مسؤول علي شخصيته صعبه ومعقده ونفسي اعرف نقطة ضعفه لعل وعسى اقدر اعيش معاه والله فاض صبري.

 

[حلمي ما أكتمل]

ياعمري والله .. الله يرحم ابو بنتك رحمه واسعه

بعدين ليش توافقين تتزوجين واحد عقيم ؟!!

والله ياقلبي مالي الا الدعاء لك .. الله يفرجها عليك ويعوض صبرك خير

بس لاتنسين صلاه الوتر << لها اثر كبيييييييييييير

ادعي ربك ليل ونهار انه يعوضك خير

الله يكون بعونك ياختي​

 

[رندا كووول]

كان متزوج 3حريم ومطلقهم
العيب فيه ولا فيهم...هل ورد هذا السؤال في خاطرك؟؟
وفلوس البنت امانه عندك لايلعب فيهم ..
هو ملزوم يصرف عليك,,
غير كذا مادري ايش اقولك ..لو يتعالج عن الضعف والبرود
الله معك

 

[الأندلسيهـ]

الله يجبر قلبك ويسخره لك .. للأسف ماعندي خبره ولا كان افدتك

 

[ابي اوصل فوق]

انتي الاقوى لا تخلينه يلعب فيك

 

[راجية عفوك]

حبيبتي هذا لو فيه خير ما هربو منه 3 حريم الله يعينك عموما زي ما قالت الاخت انتي الاقوا يا يتسنع معاك يا ماعليه حسوفه لا اخلاق لا تعامل لا حقوق طبيعيه لا مال وش يحدك
عيشي انتي وبنتك وحافظي على مالك ومالها وهو يا يكن رجل يا فالذلفه ماشي يحدك عليه

 

[المركونه]

معليش سامحيني بس زوجك شكله انتهازي
اذا تبين تكملين حياتك معاه انتبهي من هالنقطه زييييييين

 

[يالوردي]

انتبهي يستغل مال هاليتيمه هذا لها صدق شين وقوات عين لا مال ولا بنون لا يهمك واهتمي بنفسك وبنتك

 

[عروبه هانم]

وش الي جابرك عليه ؟؟؟فكري انتي واحسبيها صح

شوفي ايجابياته وسلبياته

وايهم يرجح اكثر بكفته اذا الايجابيات اكثر او السلبي وانتي اتخذي قرارك

اما فلوس بنتك انتبهي تعطيه ولا ريال لو يبكي دم

 

[شيخة المعازيم]

حبيبتي هذا شكله ما في ذرة من الاخلاق
ومتزوجك عشان ضاحك عليه انك وارثه او شيء زي كذا حبيبتي
شوفي هذا مو رجال ينشد فيه الظهر ولا تقدري تامني على نفسك معاه
كيفيك فكري كويس...

 

[غيمت غلا]

حبيبتي ربي بسخره لك بس انصحك نصيحه من مجربه افرشي سجادتك اخر اليل واشكي الي بقلبك لرب العالمين ولا تقصرين ابكي وطلعي الي بقلبك لان قي حديث قدسي يقول في معناه (ان رب العالمين اذا شاف عبده ضايق من الدنيا ويشكيله ويبكي يقول ما خلقت عبدي ليبكي اعطوه ما يريد والله انك تصبحين الصبح تحسين حالك احسن الناس

 

[كلي فداه]

الله يعينك طيب وش مصبرك عليه

 

[soso_lovely^_^]

اسمعي مني هذه القصه وانتي وشطاارك
يقولون حواء ما يقدر عليها احد
يحكي انه امرأه ذهبت الى رجل حتى يعطيها سحر
تجعل زوجها مثل الخاتم باصبعها
يوم راحت لساحر قال لها ابغاكي تجيبين لي شعره من شعر لااسد
قالت له من شهر الاسد ما اقدر
قالها والله السحر مارح يمشي بدون شعره من شعر الاسد
وانا ما اقدر اجيبها لازم انتي تجيبينها
قالها دبري حالك
والله اختنا راحت لحديقة الحيوان وشافت هناك اسد
راحت اعطته قطعة لحم وبعد عنه
وظلت كل يوم تروح وتجبله لحم
لين ما تعود عليها الاسد وصار كل ماشافاها
يبغى يروح لعندها
واخر مره اعطته لحم وظل ياكل بالقرب منها وهي راحت جلست بالقرب منه ونزعت الشعر من جسده بدون ما حس فيها
راحت لساحر وقالت له تفضل هذه الشعره
من شعر الاسد
قالها قدرتي تجيبين شعره من شعر الاسد وما قدرتي ترووضي زوجك ليكون مثل الخاتم باصبااعك
__________________
وحده ثانيه راحت لساحر وقالت له زوجي فيه وفيه وفيه
قالها ان كيدهن عظيم
قالت له طيب واش اسوي
قالها ان كيدهن عظيم
قالت كذه طيب
ورجعت له بعد شهر تقول له
انه صار لها مثل ما تبغي
_________
ياعمري في خلطات بالنت تشفي الرجل من بروده الجنسي
حاولي تسوين له منها وفي كمان اعشاب خليه يشرب
لا تيأسي وحاولي وهما عاملك بجفااء عامليه بطيبه وحنيه
وكوني كل ما شفتيه بالبيت تكلمي مع صحباتك واهلك بكلام حلو معسوول
مثل يا عمري يا حياتي يا نبض قلبي صدقيني رح يشتاق انه يسمع منك هذا الكلام ورح يطلب منك تبطلين تتكلمين معاهن كذه يبغا بس هو يسمع هذا الكلام
جربي ولا تيأسي واذا ما نفع الحل
تعالي وخبريني في غيرها من الحلول وانا اختك
(ان كيدهن عظيم)^_^
__________________
اما بالنسبه لليتيمه قوليها بوجهه
هذه فلوس اليتيمه مارح اعطيك لو تموتني وخليه يظرب راسه بالحيط

 

[قلبي مفقود]

الله يشرح صدرك وييسر امرك والله اذا اهلك ينشد فيهم الظهر حاولي تدخليهم بالموضوع وانتبهي لازم رجال اللي يكلمه يعني مو امك مثلا لان الرجال يفهمون بعض واذا مانفع ترى اذا تطلقتي الناس ماراح تلومك لانه مطلق 3 مرات يعني مارااح احد يتكلم عنك بشئ شين بلعكس ممكن تسمعين منهم انك احسنتي يوم تتطلقتي منه والدوله ماقصرت على المطلقات والارامل والله يسخرلك خلقه امين

 

[أحلى مدام]

للرفع