سأكمل المشوار ولا للحشرات زوجى لي ولن يشاركنى به أحد(الجزء الثالث)

[شرطية مرور]

أختي أم الغلام احييكي على شجاعتك و طولة بالك ماشاء الله عليكي نفسي أكون مثلك

من وجهة نظري أعتقد انو تحليلك صحيح و الله أعلم شكله زوجك قرر يترك اللي كان يكلمها و هي بدأت تعمله مشاكل مثل انها تبعثلك مسجات مش محترمة على موبايلك كتهديد له ،، نصيحة استمري في اخبار زوجك عن أي شي غريب تشوفيه مثل هل مسجات خليه يكرهها من قلبه و يعرفها على حقيقتها و يندم على كل يوم قصر فيه بحقك و حق أولادك عشان وحدة من هل أشكال و في نفس الوقت انتي اعملي نفسك مش فاهمة شي، طبعا هذا كله في حال كان تحليلك للأمور صحيح ،، الله يوفقك و يكون في عونك

 

[ام الغلام]

مساء الخير
أسفة على التأخير بس بصراحة مشغولة مع الاولاد بدي إشتري لبس العيد قبل رمضان إن شاء الله
عشان ما أحب أخرج السوق في رمضان
بالنسبة للموبايل زوجى أخد الشفرة وغيرلي الرقم وبالنسبة لتليفون البيت مافي أي أرقام غريبة تتصل بس زوجى مريض واضح عليه الإجهاد وماياكل إلا قليل والظاهر إنه بجد عنده ازمة حتى ملابس الاولاد ما طلع شراهم معاي من زمان ما أطلع لوحدى مع الاولاد بس هو قالى خدى الاولاد وأشتريلهم إنتى
من البيت للشغل ويقعد بالبيت ومايطلع إلا للضرورة ويكابر لما أقوله إنت مو طبيعي ماتاكل ولاتشرب ودايما مافي نيه لللكل يقول هذى برد من التكييف
ما أعرف شو اسوي غير ادعيله ربي يفرج همه وخلاص
وممكن لو تحليلى صحيح يكون هذا الدرس ألى ربنا أعطاهوله عشان يعرف نتيجة الحرام
بالنسبة لأم زوجى تعبانة كتير ومافي امل من العلاج طلع عندها ورم سرطانى في الكبد وهم ماكانو قايلين
بس الكل عرف وكلنا ندعولها وهى في البيت مع المسكنات وخلاص ربنا يشفيها​

 

[أم جميلة]

لا حول ولا قوة الا بالله مش يمكن تعبان او متضايق عشان مامته

 

[نبراس الشرق]

اختي ام الغلام وفقك الله لما يحب ويرضى يمكن زوجك تعبه علشان امه تعبانه

وسبب مرضها الخطير يارب يشافيها ويعافيه

الله يكون في عونك راقبي واهتمي بزوجك ولكن من بعيد ولاتكثري السؤال عنه

وكل عام وانت بخير

 

[ام الغلام]

السلام عليكم ورحمة الله وبركاته
كل عام وانتم بخير وصحة وسلامة
أنا أسفة على الإنقطاع بس بصراحة مكان فيه وقت للنت خلال رمضان
أبو زوجى توفي قبل أيام من رمضان بعد تعرضه لجلطة وم بعده بأسبوعين ماتت أم زوجى من المرض والجزن
يعنى فقدنا الأعزاء في أقل من شهر ما عندى أخبار خاصه لأن الصدمة مسيطرة على العائلة كلها ماحد توقع إن الأثنين يغادرونا أنا نفسي ماتوقعت إن الحياة حتاخد ةمنى هالإثنين بالسرعة هذى وفي نفس الوقت
كل الحسابات والتوقعات للي حيصير مشوشة حياتى تعتبر مستقرة بالذات هالأسبوع بعد بداية الدراسة
زوجى مشغول كثير ولاكن نفسيته تاعبة بس يكابر على روحه قدام الكل
وطبعا بدينا فى مشاكل الإرث والميرات وتعرفو الى عنده المال دايما مهموم
بالنسبة للحشرة حاولت تستفزنى فى العزاء لاكن ماعطيتها وجه ولا عبرتها
كانت تتعمد تجلس أمام غرفة نومى في العزاء وما يحلالها الجلوس والهدرزة إلا أما باب الغرفة تجلب فراش (منذار) وتقعد مع أخواتها هناك بحجة مافي مكان من الزحمة وانا عندى بنت رضيعة فمظرة أنى ادخل الغرفة كتير وهى طول الوقت هناك مكانها وأنا ما كلمتها تركتها عشان مو وقت مشاكل وحتى لما تحاول تفتح حديت معاى أجاوب بأجوبه لاتفتح مجال للكلام الكتير
والحمد لله أظن إنه فى طريقها للزوال إذا لم تكن قد زالت من حياتى​

 

[عروسة ليبيا]

اختي الغاليه

وبنت بلادي

عظم الله اجركم وجعلهم الله من سكان الجنه يارب وماتو ف ايام مباركه الله يتقبلهم بالرحمه


ختمو مشوار الحياه مع بعضهم سبحان الله



ربي يصبركم يارب ويفرج عليكم


سبحان الله حسيت ان غياب وراه شي وتوقعت الام متوفيه

ولكن الاب ..... الله

الله يرحمه يارب

ويرحم موتا المسلمين


بنقولك حبيبتي زين ما عملتي فيها الناس لاهيه ومشغوله بالعزاء وهالمستفزه تصطاد فيك

اهتمي بحياتك وارجعي لنشاطك واحتوائك معاه وهي احذفيها بكل من تفكيرك بس خليك حريصه علا زوجك وبيتك



الحمدلله انك واعيه وعقاله وربي نعم عليك بتجربه الايام الي فاتو ووعرفتي كيف ترتبي حياتك

بعقلك حسن تصرفك لما مستكي لسانك عن التعصب وصرفتي بحكمه النساء وشطارتهم عرفتي تحسني الامور وتغيريها


بروحك لحظتي تغيرات في ما توقعتيهاش ممكن اتصير

عرفتي حاجات واجد عنه وقلتي بديت نشوف ف زوجي بوجهه اخر


الان زوجك ف مفترق طرق وهالحاله الي صارت صدمه كبيره
وحسب فكرتي علا نوع زوجك


اكيد بيكابر ولكن ف داخله بيكون حاااااااس بفراغ كبير

وووالصدمه قويه عليه


نبيك حبوبه تحاولي

تعكسي شويت اجواء مرحه واضيفي شوي انتعاش لي حوشك حاولي اتخففي عليه وتشيلي حمله الي مش مبينه هوا

وحتا اولادك ينعكس عليهم والحاله حال بدايه دراسه

وحاولي تخلي ولادك وقت يكون مروق يجلسو معاه ويديروله جو

ويضحكو معاه يحس بالونس معاهم


وديما قولي ربي يحفظك ليا ويفرحني بيك وبصغاري

الرجاله يحبو هالكلام زي الاطفال يبو تشجيع وجمل زي هادي تعطيهم طاقه كبيره ومعنويات عاليه حتا لو ما بين عليه


واني عارفه الحزن ف ليبيا يطوووووووووول تبدا الوحده معش تعرف تعيش حياتها مع نفسها او زوجها لان تخاف لو شافوها ناس لابسه او متهمه او مرات متعطره يقولو مش حزينه

نخافو من بعض لكن ما نخاف من الله الي حرم مظاهر الحزن ونهانا عليها


الحزن ف القلب حبيبتي وايام الحزن 3

للاسف ف ليبيا حزننا يطوول يعني تهمل الوحده روحه لين شكلها يصبح يخوف مرات

شعر جسمها وكلها ولبس داكن ووجه شاحب

انا نحكي علا الاغلب


بس حبيبتي انتي حاولي تخففي عليه

ماتخافيش مش راح يقول مش حزينه علا اهلي بالعكس هوا عارف اصلك واكيد شاف وقفتك ف العزا وعارفك شنو انتي

ف داخله من كتر ماهو زعلان عليهم يقاوم ويبي حد يطلعه من هالجو حد يبسطه ويفرفرشله الامور شوي

حبوبتي

ف بيتك ومعاه تهتمي بروحك بحيث يكون وجهك بشوش مريحك الالوان لبسك تريح العين والنفس

وكلامك حبوب وخفيف علي وذنه وقلبه وروحه


هادي المرحله ليها ابعااااااااااااااد هلبا ومهمه
لازم تكوني واعيه ليها

انتو قبل ما يصير الي صار كنتو ف بدايه الطريق الصح

وتو المركب بتاعك مهزوز حزنه وحمل العيله والورث وقصص اهله

كلها امور تخلي تفكيره مشوش ويكابر قدامك

يبدا هالمركب حاير يبحر من جديد ولا يبقا علا البر


لازم تكوني بره وامانه وتخففي حزنه بجوك وشطارتك و حتا اولادك يساعدوك بجوهم مع ابوهم

لان الشي الي هو يكابر بيه قدام الكل محتاج لحد يسمعه فيه او يحتويه او يمتص حزنه الي هو مش عارف يطلعه

نتمنى منك تكوني قد هالحمل قسمي وقتك بين الاولاد وبينه
ماتخلي جو المدرسه وواجبات العيال يلاهيك عن الامور التانيه الي تعبتي فيها سابقا

خليك متيقظه لنفسك الي كنتي هاملتها

خليكي معاه
حنونه وتعرفي كيف تحتويه كا ام وزوجه

والاهم كااااااااااااااااااااا انثى لانه بحاجتك وتعكر نفسيته وحزنه شي طبيعي

كون الحبل او الجسر الي يرجعله فرحته وبسمته من جوا قلبه يحس روحه متونس بيكي

محتاج منك محاولات احتواء مش بجو دراما

لالا بجو حب ومرح شوي و تغير اجوا بش نفسته تتغير

ويلاقا كل احتياجه النفسي والعاطفي والرجولي كله ف بيته ويكون هالبيت مكان اهله وناسه وامانه الي يدور فيه

ماتنسي دورك كا انثى

ربي معاك ويسهل عليكم يارررررررررررررررررب​

 

[سماسيم]

موفقه انشألله

 

[ام الغلام]

شكرا ليكم حبيباتى وأخواتى اكيد دعمكم يعطينى طاقة ودعواتكم تزيد في الأصرار
أختى عروس ليبيا شكرا ليك ونقولك ((وينك طولتى الغيبة))
بالنسبة لوصيتك الحمد لله ماشية بيها الحمد لله
ونحاول نخلى جو الحوش هادى ومريح والحمد لله المأسأة قربت بينا أكثر وصدمتها قوية وحس بقولته إن أغلب الناس قراب وبعاد بانو على حقيقتهم
وزي ماقولت قبل مشاكل الإرث بينت هلبا وجوه عن حقيقتها وونزعت الأقنعة
المهم ألى يهمنى فى هالأحداث هو حياتى مع زوجى وبيتى وأولادى وبعون الله وتوفيقه نحس أننا فى التجاه الصحيح
مش حنقدر نخش للنت كثير لأنه المدرسة بدت ونالدراسة مع الأولاد ماخدة وقتى بالذات في البداية
أستودعكم الله​

 

[عروسة ليبيا]

موفقه حبيبتي الله يسهل امورك


ويفرح قلبك يارب

​

 

[دلـــوعـــة]

ماشاء الله الله يوفقك ويسعدك

وغفر الله لموتاكم واسكنهم فسيح جناته

استمري حبيبيت ولاتنسي الاستعانة بالله اولا واخيرا

الله يوفقك

 

[نبراس الشرق]

عزيزتي عظم الله اجركم بالاثنين وغفر الله لهما

واسكنهما فسيج جنانه اللهم امين

كلام عروس ليبيا درر وما اقدر اقول احسن من كلامها

موفقه ان شاء الله وعام دراسي سعيد ان شاء الله للجميع