سأفتح صندوقي فهل تساعدوني في ترتيبه

[فاتونه]

بسم الله الرحمن الرحيم
كيفكم بلقيسات ان شاءالله تمام
اسمحولي اليوم افتح صندوقي لكم وياليت تساعدوني في ترتيبه
لانه ملخبط وماهو مرتب واسمحولي اتكلم بالعاميه شوي وبالفصحى شويه
ترى اول مرة اكتب موضوع فياليت تتخافلو عن الخطأ
المهم صندوقي قصت حياتي
اخواتي نظرتي لزواج انه مثل الفستان او اللباس للبنت والولد
وعني كنت محتاجه هذا الفستان الي ماتوقعت يوم انه بيكون اسود
الحين ابغاكم تتخيلو معايه
تخيلي انك داخله محل للملابس وكل مرة اهلك يجبون لك الفستان مرة ترديه مايعجبك
وبعد فترة تدخلي معاهم المحل و تشوفي فستان ومايعجبهم وتطلعو وانتي في هاذي الفترة منتي محتاجه الفستان مرة يعني شريتيه كان بها ماشريتيه عادي
المهم بعد فترة صرتي تحتاجي الفستان وصرتو تروحو المحل ويعجك فستان ويقولو لا معا انه حلو وهكذا كل مرة نزله وكل مرة رفض
وبعد فترة جاء الوقت الي محتاجه فيه للفستان وماهو زي المرات اللي راحت هاذي المرة دخلتي معاهم المحل وشفتي الفستان واعجبك ومقتنعه فيه ومصممه عليه لان كل الموصفات اللي تبغيها (تريديها) فيه واهللك اعجبهم بعد ومدحوة لك وعلقوك فيه من كثر ما مدحوة وانتي ومن الاصل عاجبك المهم الحين تمشون وبيروح ابوك يحاسب فيه وفجأة رجعه ورماة قدام عينك بدون مايقولك السبب معا انه كان مقتنع فيه ومافيه عيب يخليه يرميه وهو اكثر واحد مدحه
بالله عليكم المرة اللي بعدها مابترضون بأي فستان المهم انهم يشترون لك فستان وبس لانك خلاص مليتي من الرفض ولانك عارفه انهم ماراح ياخذون الا اللي يبغون مهما صار
هذا غطى صندوقي تسمحولي اطلع مافيه لاني مالي بعد الله الا انتم استنى ردودكم عشان اتحمس

 

[عاشقةالطبيعه]

كملي نحن معاكي

 

[منال نور]

كملي يا كتكوتة

 

[صبا بردى]

كملي ياقلبي معك

 

[سارونه الاموره]

كملي !

 

[الحلم البعيد]

كملي بس جزءكامل ارجوك

 

[قوية بإصراري]

كملي حبيبتي معاك

 

[i can do]

كملي ..

××
لكن هالطريقه اصبحت موضه للكل ..
كأنكم القنوات الفضائيه الدعايات اكثر من مضمون البرنامج ..


بعرف بس وش تستفيدون من هالحركه ..!!!

اللي مستعتده تنزل موضوع
تكتبه بالوورد كااااااامل .. وترتبه وترتب أفكارها فيه ..

وبعدها تنزله ..

كذا الكل راح يستفيد .. والكل راح يشكرك .. من دون لعب بالاعصاب وحركات الحماس ..
..​

 

[ندى العطر]

كملي;;;;;;;;;

 

[بتلات الحب]

كملي..
تلفت اعصاااااااااااابي..
ودفعه وحده..
​

 

[فاتونه]

مشكورين على ردودكم ولاتفكرون اني قصدي احرق اعصابكم بس ظروفي احيانا ماتسمحلي اكمل وبكتب لكم على حسب وقتي واتمنى تدعولي ربي يفرج همي لان لكل انسان ظروفه اللي تجبره احيانا ينسى اغلى الناس بس ما اقول الا الله لايذيقكم ماذقت

 

[فاتونه]

شوفو مابقدر اكتبها قبل وانزلها لان ماعندي وقت وظروفي الحين ماتسمحلي اكتب حبه حبه وهاذي اول مرة اكتب موضوع فياليت تحسون فيني
صندوقـــــي
بدت انخطب من كنت في المتوسط وهلي مرة يرفضون ومرة انا ارفض وعلى هذا الحال الى ان وصلت الكليه في الكليه كنت ثاني طالعه ثالث تقدم لخطبتي شاب لكن امي رفضته بسبب اسلوبهم وقتها صح زعلت لان مافي بنت توصل لهذا السن الا تتمنى الزواج بس قلت خيرة المهم بعدها وانا ثالث طالعه رابع بدى الخطاب يقلون وبحكم ان ابوي من النوع العصبي فكانو الناس يتخوفون لان الخطاب اللي قبل كانو من برى جماعتنا
في الاجازة الصيفيه بين ثالث ورابع جاني حاله غريبه اكرة الناس واخاف من كل شي حواليني لدرجه اني كنت اكرة حتى الاطفال واخاف منهم وما احب اتفرج في السماء واكرة الليل واحس الموت بيجيني في كل لحظه وما قد سمعت عن حالتي هاذي بحكم ان قرابتنا قليل ومعارفنا اقل وابوي من النوع اللي مايحب نتعرف على عوائل يسيرون علينا المهم وعندنا من العادات ان عيب البنت تجلس مع الحريم فما كنت اسمع عن هاذي الحاله كنت احس اني غريبه عن العالم واني جايه من كوكب ثاني الحمدلله على كل حال
قلت لمي بطلعه الروح لاني زي ماقلت لكم كنت اخاف حتى اتكلم ودوني اهلي لشيخ قال هاذا حسد
وما استمريت على المراجعه عندة لاني حسيت اني تعبت اهلي من المستشفيات فقلت مابغى اتعبهم زيادة المهم طول سنه رابعه في الكليه وكل مال الحاله تزيد لدرجه اوقات وانا نايمه احس احد يجي يصحيني ويخوفني كنت اكرة انام واخاف انام كنت اوقات احس احد ينام جنبي فصرت ما انام الا في النهار واهلي صاحين كنت وقتها اتمنى اني متزوجه عشان زوجي ينام جنبي وهاذا الشي يبتعد عني وارتاح ذبلت ونحفت من الهم اهلي وزميلاتي واللي حواليني طفشوني وش فيك ليه تغيرتي وشفيك ذبلتي ليه نحفتي كانت هاذي الاسئله تزيدني واخاف ارد ويقولو مجنونه ,تتخيلن,...الخ واسئلتهم تزيدني هم ليه انا غريبه
المهم هاذي الفترة تقدم لخطبتي قريب لي وكل ماكنت اتمناه فيه اكبر مني عشان يفهمني ويدلعني ومحافظ على الصلاة ومايدخن ففرحت به وتعلقت فيه وابوي الله يسامحه كان يمدحه لمي وامي تقولي فحبيته زيادة لاني كنت والحمدلله ماسمع اغاني ولااشوف مسلسلات واحافظ على الصلاة قدر استطاعتي يعني الحمد لله محافظه موملتزمه
وافقت عليه ووافق ابوي وامي بس ابوي ما اعطاهم خبر انا موافقين ليه مدري قال نستني لين مايجون ويسألون ونرد لهم خبر بعد فترة دقت امه وسالت وينكم قبل ماتدق بفترة قال ابوي لمي انا ماني موافق واذا انت وبنتك موافقين مالي شغل فيكم واذا صار لها شي والا صار مشكله مالي شغل لاني قلت لكم ماني موافق جت امي وقالت لي الكلام تصدقون اني الى الحين ما احسه كلام احسه صخور طاحت عليه احسه رصاص احس صواريخ
طيب ليه سمع عنه شي قالت مدري لانه عصبي فما نقدر ناخذ ونعطي معه
طيب ليه تعلقوني فيه
ليه تمدحوة ليه
ليه توصفو بعد ليه
حتى شكله ماشفته بس من وصف ابوي له كأني شفته والى اليوم وانا اشوفه (الحمدلله ( عسى ان تحبو شىْ وهو شرلكم )
بس انا انسانه عندي احاسيس عندي مشاعر ليه كذا كان من الاول قال ماهو موافق ماهو يعلقني فيه وبعدين يقول لا الله يسامحك يابوي
يعني مافي احد بينام جنبي ويبعد عني اللي احس فيه
مافي احد باشكيله ويطلعني من اللي انا فيه
ومااخفيكم كان يجيني وسواس ان هذا عقاب لك من الله فكنت اخاف ادعي
بعدها بفترة تقدم لي شاب ثاني اللي هو زوجي الحين
وبدت معاي صفحه سوداء كبـــــــــــــــــــــــيرة ولبست الثوب الاسود اللي قلت لكم عليه

 

[خيبت كل ظنوني]

الله يكون بعونك ياقلبي عسى الله ان يجعل لكي من كل ضيق مخرج متابعه معاك

 

[فاتونه]

يوم تقدم زوجي الحين كنت على نهايه رابع فيوم قالت لي امي الخبر فرحت وما فرحت ؟؟؟؟؟ فرحت كأي بنت تبغى تتزوج وابغى يكون لي بيت مستقل وامر وانهي على كيفي وقبل كل شي احد بيطلعني من اللي انا فيه ويسمع لي ويصدقني
ومافرحت لانه ماهو الانسانه اللي تمنيته وقلت مابغى افرح فيه يمكن مايوافقون عليه لأن موافقه ابوي اهم من موافقتي
وافق اهلي عليه واوافقت لاني عارفه ان الناس يكرهون ابوي من عصبيته فما احد بيتقدم بعدة ((وراح من بالي ان الله سبحانه هو الرزاق ماهو ابوي او غيرة))
كان مدخن واخوي يقول انه يصلي في المسجد ((مع انه بعد فترة انكر اخوي وقال ماقلت لكم انه يصلي في المسجد))؟؟؟
صارت النظرة ودخل قلبي بس شكله ما اعجبني يمكن النصيب سبحان الله
اتفقو على المهر والملكه والزواج
ابوة من النوع الي يومه بسنه مادفع شي من المهر بعد النظرة مع ان العادات عندنا انه يدفع شي بسيط بعد النظرة كلمه ابوي بعد فترة من النظرة قال باجيبه كله يوم كتب الكتاب
بعد 6شهور كان كتب الكتاب واليوم الثاني الحفله
يوم كتب الكتاب ماجاب ابوة المهر كله فزعل ابوي وقال خلاص مافي كتب كتاب ولاحفله حتى تجيب المهر وصارت بينهم مشكله المهم قال ابو زوجي نسوي كتب الكتاب وبكرة في الحفله نجيب المهر فكرهتهم وكرهت زوجي صارت الحفله حلوة والحمد لله وانبسطتنا وان واخواتي بس هدايهم كانت مرة تفشل لانهم زعلانين حتى وحدة من حمواتي قالت لي ان زوجي قال مابجيب لها شي ماتستاهل طيب انا وش ذنبي ادري انها غلطانه ليش تقولي بس خلاص الكلام وصلني اةةةةةةةةة وربي اني اكتب لكم وكأني اشوف اللي صار قدام عيوني وكأنه فلم ينعاد دعواتكم
المهم انا قلت لهلي اعطوهم خبر اني مابغى جوال وقلت لامي واخوي على اساس انه ابوي رافض عشان مايفكر اني مجبورة واني ما ابغى اكلم مع اني مجبورة بس بشكل ثاني يارب نسيني
بعدين باكمل الحين رايحه الدوام دعواتكم

 

[واثقة]

ربي يعينك

متابعه لكن اسمحي لي سانقل موضوعك إلى دفاتر اليوميات

 

[فاتونه]

ياختي ممكن اعرف ليه نقلتوه لاني ابغى الاخوات المتزوجات يساعدوني فمشاكلي كثير وابغى احد يساعدني يعني تجيني من زوجي والا منكم الله يسامحكم

 

[أمةالله الضعيفة]

في انتظار باقي قصتك حبيبتي
كان الله في عونك
ومتزعليش الاخوات هنا اغلبهم متزوجين برده ههه
لكن لن يستعجلوكي في الكتابة على اجزاء
وسيقفن بجانبك باذن الله

 

[واثقة]

عزيزتي إن كان موضوعك استشاره فاكتبيها كامله وستعرض في قسم الإستشارات الزوجيه

قسم الزوج والزواج ليس لمواضيع الإستشارات فاعذريني غاليتي

وستجدين الحكيمات المتعاونات في كل قسم من أقسام المنتدى

ننتظرك

 

[مكان القمر]

ننتظر

 

[رواق الخريف]

الله يفرجها عليك ...ترى الدنيا مافيها مستريح الله يعينك

وبأذن الله يساعدونك الأخوات والله فيهن الخير والبركة ..
​