زوووجي ومااوكلي !!!

[أم السعف والليف]

\


/


\




السلام عليكم ورحمة الله


صبآآآح الخير للجميع ،،


وربي مو عارفة من وين أبدأ ولا وش اكتب ؟

بس الباارح يا بنات طاار من عيني النووم واصبحت اليوم وانا مرهقة ومتضايقة


وكل هالشيء بسبة رسالة لقيتها في جوال زووجي


يابنات انا ماني جاهلة ولا صغيرة بالسن وربي انعم علي بصبر مشيت فيه حياتي


بس يا بنات نفسي قشرا واذا وقفت وقفت خلااااص


السالفة ومافيها ان زوجي عنده صديق مرة يعزه ودايم طلعاات ومكالمات وضحك ووناسة


بس هالصديق متعرف عليه من فترة بسيطة ما تتجاوز السنة .. واحسه يرتاح بالكلام معاه

وممكن يكلمه بأي وقت ويطوووووول معااه


البارح لقيت زوجي راسل له رساله يقول له فيها بس هالكلمتين :


(( أدمنتكــ يا ماااوكلي )) !!!!!


يا ويلي يا بنااات وش سوت فيني هالرسالة !!


مدري قلبي نغزني يا بنات ... حسيتها مو طبيعية هالكلمات ..حسيت ممكن يكون بينهم

شيء مو طبيعي ؟!!


لا تسخرون من تفكيري أماانة ..وربي من كثر ما اسمع انهبلت !!


وش رايكم انا معاي حق ولا مزودتها ؟؟


اتابعه واتابع سواليفه مع صديقه

ولا اطنش ولا كأني شفت شيء ؟


بالله عليكم نوروني نور الله قلوبكم بالإيماان ،،

 

[المــهــا]

لا لا لا لايوسوس لك إبليس

رساله عاديه
وكلمتها ادمنتك ياموكلي معناها انه تعود عليه وحب زميله وماوكلي يمكن زوجك يسميه ماوكلي تعليق عليه لاغير فقال ادمنتك ياموكلي

لا تتعبين نفسك وتسببين مشكله من لاشيء ياقلبي

 

[سموالذوق]

تعوذي بالله من الشيطان ان شاء الله خير لا تتصرفين بشي تندمين عليه بعدين

 

[انثى صادقه]

ههههههههههه والله ضحكت من اسمك قبل ما ادخل ولمن دخلت من اسلوبك...
لا تشكين يا قلبي رساله عاديه جدآ جدآ ما فيها اي شي لا تخلين الشيطان يوسوسلك...

 

[أم السعف والليف]

\


/


أنثى صادقة بجد ليتك ما رديتي على موضوعي

بالنسبة للنك انا حاطته وناسة وضحك..... كل ماسجلت بنك القااه موجود

قمت سجلت بهالنك وقبل معاي .... ومشيتها


وبالنسبة لإسلووبي ما اعتقد فيه شيء يضحك !!!!!!!


تكلمت معاكم بكل صراحة على انكم خوات لي في الله وفضفضت لكم باللي في خاطري


وكتبت بلهجة عامية اقرب للنفس وانسب للحال ..


بجد ضايقتي أنثى ... الله يسامحك

 

[أم السعف والليف]

أختي المها


الله يجزاك خير على ردك ولطفك

ولا ان شاء الله ما يلعب علي بليس ..انا بس تضاقت وخفت انصدم في زوجي

وحبيت آخذ رايكم

الله يرد لك زوجك على خير ويسخر بينكم يا حي يا قيوم ..

 

[أم السعف والليف]

سموو الذووق


فديت الذوق والله

تسلمين يا الغالية ولا ان شاء الله ما اتصرف غلط وعشان كذا جيت استشيركم


الله يحفظك ويسعد قلبك ،،

 

[قل قسم]

ومقلقتن عمرك ليه رساله عاديه جدا وان بعض الظن اثم يمكن كلمه بينهم او من الموانه الزايده يتكلمون كذا

مره اخوي يكلم صديقه الي مره معه في السياره معنا ويسولف عليه ويتفلسف وصوت المكبر عالي وواضح

انه صديقه



ويقول هذاك عطني بوسه بضحك اخوي وقال هههههه اما بوسه واهلي معي وهو يستهبل ولما قلت اوووه حركات


قال ايه نستهبل على بعض عشاني اقوله اهلي معي واذا خلصت امرك و يقول عطني بوسه

فاعاااااااااااادي لاتخافين ولاشي مثلنا حنا البنات لما نقول ياقلبي ياحبيبتي ياعمري عليك وماادري ايش

ليه مانقول اوووه يمكن تكون شاذه او شي

فا فيه رجال كذا بعد يوضحون مشاعرهم او يستهبلون وهذا هو مسميه ماوكلي يعني افلام كرتون

ويقصد فيها انه ذيب يعني رجال

تعوذي من ابليس وخليك واثقه فيه

 

[ضوء القلب]

لا تفكري وتسوي لنفسك مشكله من لا شيء .
اختي ما قريتي كثر المشاكل من ورا فتح جوال الزوج وقراءت الرسايل .
ترى الشيطان دخل للناس من هذا الباب وهو الي يخلي الكل يشك والشك يجر مشاكل ما لها اول من اخر .
عودي نفسك جواله حرية شخصية بس اذا اثر على حياتك وخلى زوجك متغير وصار سيء هنا ممكن تتفاهمي معاه بهدوء وبعيد عن العصبية والمشاكل والزعل .

 

[أم السعف والليف]

قل قسم ،،

فديتك يا الغالية وربي كلامك درر وانا ترى مو معقدة واعرف انه فيه ميانة بين الأصحاب

وممكن يتجاوزون حدودهم في الكلام ...

بس اللي اقلقني ان زوجي متعرف عليه من فترة بسيطة ..لكن احسه متعلق فيه كثير

ولو تشوفينه وهو يكلمه الوناسه طالعة من عيونه وبتشقق فرح ويكلمه في اليوم اكثر من خمس ست

مرات !! غير الطلعاات مع بعض

الله يسعد قلبك اسعدتيني بردك يا الغالية .. الله ينور دربك

 

[غاليه ياناعمه]

لا ان شاء الله مافيه شي ابد الرساله عاديه مره
بس انتي ادرى بحركات زوجك يعني قد لاحظتي عليه شي من قبل ؟
عشان تشكين فيه!
شكلك من النوع القلقل لاتضيقين صدرك على شي مايسوى ياخيتي

 

[أم السعف والليف]

الغالية ضوء القلب


وربي يشهد يا الغالية اني ما اطالع في جواله ولا احب هالشيء ولا افتش

وربي احيان يدق الجوال جنبي واعطيه ايااه بدون ما اطالع مين المتصل ،،

لكن بالصدفة وقعت في يدي هالرسالة وانا ابحث عن رسالة رسلتها له فيها رقم معاملة لي وبغيت الرقم

ولا والله مو من طبعي افتش.... واحب اشتري راحتي وراحة عيالي ودايم اغض الطرف عن اشياء كثير !!

تسلميت يا ضوء ... الله ينور دربك ويحفظك ،،

 

[قل قسم]

يابنت الحلال يمكن صديقه ذا شايف منه طيب ترى مو مهم الفتره تكون طويله ياكم اصحاب لهم سنين وفجئه ننصدم فيهم ولا ماتشوفينهم الا في وقت الرخا ووقت الشده ماتلقينهم

وزوجك اكيد ماجلس معه وكلمه الا انه رجال ومايبي يخسر خوته واكيد شاف منه شي يخليه يقدره هالتقدير

فالاتفكرين بقصر المعرفه ممكن وحده تعرفينها مالك شهر وتكون اقرب لك من اختك

لاتوسوسييييين

 

[تألمت حتى تعلمت]

لاتكبرين الموضوع يمكن ماوكلي بينهم نكته حتى من اسلوب مسجه انه يتكلم معه بالفصحى يعني يستهبل لو بينهم شي كان مسح المسج والا قال كلام غير هذا احس الموضوع عادي لاتعطينه اكبر من حجمه وتشغلين نفسك في شي انتي في غنى عنه واذا بينهم شي لاتخافين الايام بتوضح لك بدون ماتفكرين
الله يوفقك

 

[أم السعف والليف]

تألمت حتى تعلمت ...


تسلمين يا الغالية .. أقدر لك وقفتك على موضوعي ..ولطفك وتحليلك للموقف

وسبحان الله دائماً المستشار يكون لديه زوايا ابعد للرؤيا ... ويرى أشياء لا يراها صاحب المشكلة


أناار الله دربك وقلبك يا الغالية ،،،

 

[اتعبني هواك]

ياروحي لاتشغلين بالك ..
واذاصار بينه وبين ماوكلي على قولتك برسالته
مصير ربي يفضحه قدااااااااااامك يعني لاتعتقدين انه اذاسوى شي غلط
ربي موكاشفه لاء ياقلبي مافيه شي بعيد عن ربك
ولاتوسوسين وتفكير رايح وتفكير جاي
الله يريح بالك ويسخره لك ويطمن قلبك عيوني

 

[أم السعف والليف]

غاالية يا ناعمة


تسلمين يا الغالية على مرورك وردك

ولا والله ما عمري لاحظت عليه شيء يخليني اشك فيه من هالناحية

صح له سواابق مع بناات وصدته وواجهته وعدت على خير ولله الحمد

واعتبرها فترة مراهقة متأخرة وعدت على خير مثل ما قلت لك ... لكن انا قلقت من الرسالة لأنها لوااحد

مو لوحدة وهذا شيء اعظم الله لايكتبه على مسلم يااارب


فديتك يا الغلا .. الله ينور دربك

 

[حناااان الكون]

صباحك ورد جوري وكادي يا عسل

صلي لربك ركعتين واستغفريه وريحي ولا تشيلي هم واحسني الظن الله يحفظك

رسالة زوجك لصاحبه جدا جدا عادية

أدمنتك / معناته تعود عليه رغم فترة تعارفهم بسيطة
ماوكلي / وش ميزات ماوكلي ؟؟ سريع الحركة , ما يعرف يجلس ويستقر بمكان , يحب الحيوانات , مربي شعره , عصقول

ممكن صديق زوجك فيه من ماوكلي ممكن دبش وحركي كثير او عنده معلومات كافية عن الحيوانات او يحب يربي الشعر

عيني بالله خير واحسني الظن ودائما ادعي ربي يحفظ لك زوجك وعيالك ولا عرفتي زوجك رايحن لصاحبه استودعيه الله الذي لا تضيع ودائعه

وبامكانك انتي مع زوجك تدخلين له من عدة محاور عن الحيوانت وتربيتهم وهل هو يربي او يحب الحيوانت بالصغر , لين توصلين لمرادك اذا صاحبه يحب الحيوانات او يربي او له حديقة بالبيت فيها حيوانات بس لا يحس باي حاجة​

 

[ضحكت الدنيا1]

حبيبتي لاتشغليييييييييييييييييين بالك
انا زوجي يرسل لاصحابه احبك
وانا ماعمره ارسلها لي او حتى قالها
عااااااااااادي
ريحي بااااااااااااااالك
توضي وصلي ركعتين
وحطي راسك ونااااااااااااااااااااااااااااامي
مدري ليش الحاسه السادسه عندنا شغاله على طول
ينغزنا قلبنا على طول
ربي يسعدك ويريح بالك

 

[جمال اليل]

هلا حبيبتي الله يهديكي الرساله عاديه وااايد انا زوجي كذا مع الشباب يستهبلو ببعض لا توسوسي اووكي حبيبتي