زووجي ذبحنييييييييييييييييييييييييييييييييي

[om dalal]

امس بالليل حاشتني نزله معويه اول مابدت فيني و قلت حق ريلي طبعا طنشني كالعاده وزاد علي العوار

وزااااد و زاااد عاد وقت النومه شافني اتلوى و هم ليلحين مو مهتم حتى ما سألني اشفيج !! و كل ساعه اقوله

فيني لوعه و فيني لوعه عاد اهو و لاااا همه قاللي فيج لوعه روحي الحمام شمقعدج بالفراش!!! اسلوبه وااااايد

دفاشه المهم ,,, تهاوشت مع ولدي و سبيته و اهو عصب علي و قعد يسب فيني مايحس بمعاناتي انا حدي تعبانه

و ابي احد يمسك عني ولدي وقت النومه و اهو امخليه يسرح و يمرح المهم طول الليل مانمت كللللللش لاني تميت

ارجع و ارجع و قعدت اصيح عاد الصبح قعدت ريلي و قتله ودني الطبيب قاللي خلي السايق يوديج !!!!!!!!!!!!

شفتو اكثر من هاللامبالاة !!! قتله لا ابيك انت اتوديني انا وايد تعبانه , رحت الطبيب و عطوني ابره وردني البيت

هالحجي الساعه 9 الصبح من هالحزه لى الساعه 1 ماسأل عني و لا بمسج واحد عاد انا ماعبرت جان ادزله مسج

و كتبت فيه خوش زوج !!!! رد علي ابسرعه قاللي ليش!! قتله اسأل نفسك !! حتى ماكلفت حالك تسأل عني !!!
عاد حقرني و عقب ماخلص دوامه دقيت عليه كان مع رفيجه سألته ليش تأخر و قاللي اشوي عندنا شغل و سكت

لما رد البيت قتله اشدعواااا ماتقول مرتي تعبانه قاعده ابروحها ضايق خلقها !! بدال لا تطلع مع ربعك ,, سكت و هم

حقر عاد عقبها ياني علبو قاعد يتغشمر معاي قعد يقرصني و يطقني بيده و عقبها بالعقاااااال !!! بس على خفيف

يعني غشمره !! و انا اول شي كنت اقوله آآآآآآآآآآي و اهو يزييييد لما زاد بديت امد ايدي عليه بالمثل لانه ذبحني

و المشكله يطقني مكان الابره و انا اقوله ااااي يعور اهني مكان الابره عمكمممممم اصمخخخخخخخخ قعد يزيد!!

قتله انت عديم الاحساس جان يقوللي اكلي خره !! و تم طول المده يقوللي انتي خره !! عفواااا على هالكلمه بس

لازم اتكونون بالصوره و كل ماقاللي كلمه ارد عليه عاد عقب حقرته جان ينادي ولدي و يعطيه الالعاب و قال

روح طق امك فيهم !!! تتخيلووووووووووووووووووووون و انا بعز التعب و اهو قاعد يكفخ فيني عاد عقب

بدت المعركه ولدي و اهو علي ترا ولدي اصغير عمره 3 سنوات و انا ماصارلي الا 5 سنين من زواجي اهم

يطقون و انا ارد و كلللش مو امقدر ظرفي اللي انا فيه ,, بديت اسب و اقوله يالحقيييير اكرهك و مراح اقعد عندك

بروح لاهلي قاللي احسن اصلا انتي جذي اتونسيني عالاقل اخذ راحتي بمكاني و راح اعطيج افلوس بس عشان

اتروحين تقعدين عند اهلج قتله مابي افلوسك خلهم لك قاللي احسسسسسسسسن بعد ابلااااش اونس و اونس و انا

دقيت على ابوي جدامه و قتله مرنا بنروح البيت بس ابوي ماكان يقدر و انا ماكنت اقصد هالحركه قاللي بلليل تعالو

ابوي باجر بيسافر عنده شغل و امي امسافره و اخواني امسافرين يعني البيت يصفر مافيه غير ابوي فماقدر اروح

و ابوي من الصبح بيسافر قعد يسب فيني ويسمعني كلااااااام جااارح طبعا اهو يطقني بالاشياء الخفيفه عاد من حرتي

طقيت ريله بالطاوله !! جان يعصصصصصصصب و اخذني قعد طق فيني و تقررررص و انا كل كلمه و الثانيه

اقوله انت مرييييض رووووووووووووووووووح عالج و انا اشوي ببجي لاني ماني عارفه شنو سبب تصرفاته !!!

و حذفته بتلفووني و بكل شي اطووله ايدي و قعدت اصارخ اني ماني قاعده عنده و بروح لاهلي !!! بس وين اهلي

و اهو يقوللي احسسسسسسسسسن انا ابيها من الله عاد انا قتله بصراخ اهلك قصو علي قالولي حنووووووون طلعت مجرم جان يقوللي تبين اوريج الحنون

جان يقرصني تحت خدي قرررررررررررصه حدهااااا قويه اللي بقعت جان يقوللي هذا الحنون

دخلت الحمااام قعدت ابجي من قلب على حالي انا اشسويتله هذا اي قلب عنده يشوفني جذي بهالحاله و بعز مرضي و تعبي و هم يطقني !!! حسيته كارهني بمعنى الكلمه

و طلعت جان يدش الدار و شاف اعيوني حمررررر جان يقووول زييييييييييييييييييييييين مابغيتي تبجين !! رديت

عليه الله لاااااااااااااااااااا يوفقك تعبانع بناااات حدي تعبانه تصرفات زوجي امحيرتني مره اوكى و حليو و مرات

احسه مجرررررررررم !!!!!!!!!!!!!!! عفيه بنات ابي حل حق هالمشكله انا عندي منه ولدين و حاسه بتعب

مادري من اروحله و من اقوووله !! و اهو الحين نايم ابي اعرف اشلون اتصرف معاه لى قعد من النوم !!!!!

انا مافيني طاقه اروح بيت اهلي اصلا ماكو احد و ابوي ابصراحه انا خايفه عليه ابي حلللللللللللللللللللللللللللللللل نسيت اقول شغله ان ابوي ماكان يدري انا ليش بروح البيت

عباله اني بيي عشان اسلم عليه قبل لايسافر​

 

[@ورد@]

السلام عليكم ورحمة الله وبركاته

شلونك حبيبتي om dalal نشاء الله احسن

شوفي انا ماعندي خبر ومابي اشور عليك شور يخرب بيتك بس قلبي وياك

واذا هذي اول مرا زوجك يسوي كذا خليه يهدا كم يوم وتجنبيه وبعدين اذا شفتيه مروق كلميه وعرفي منه الاسباب وخليه مايعيدها

بس اذا مو اول مرا :busted_red: هذي علامات خطر وانتي اعرف بمصلحتك

واذا كان حل انك تروحين عند اهلك او تدخلين احد حكيم من اهلك وهو يتقبل سوي

والله يوفقك ويصلح مابينكم

 

[om dalal]

اهلا فيج اختي مشكوره عالرد

انا زوجي مشكلته ان الغشمره عنده طقق حتى مع ولده اذا بيتغشمر معاه عادي يطقه على ضحك ,, اهو بداها معاي اليوم ضحك لكن نهاياتها مثل ماشفتي بجي

و انا ولا مره دخلت اهلي في مثل هالمواضيع و اهلي حاليا مثل ماقتلج مو موجودين بس انا لما قتله بروحلهم لاني تنرفزت منه و من تصرفاته الغير طبيعيه

و ابصراحه بيني و بينج انا مره تهاوشت معاه و علمت امي بالموضوع و عقب السالفه اللي صارتلي انا رديت مع زوجي عادي و نسيت اللي صار لكن امي:tears: !!!

مو قادره تنسى ان زوجي في يوم من الايام غلط علي !!! حتى اهيا قالتلي اذا صارت بينج و بين زوجج مشاكل حاولي انتي اتحلينها بذكائج و لاتقولين لحد لاني

انا لهاليوم مانسى اللي صارلكم و كل ماشفت زوجج ذكرت ان في يوم من الايام كان غلطان عليج ,, من هاليوم عودت نفسي اني ماشكي لحد عن اي مشكله

اتصير بيني و بينه و انا في بداياتي كنت اقول لخالتي ام زوجي و حماتي الكبيره و كانو يكلمونه بس مع الوقت اكتشفت ان هالحركه غلللللللللللللللللللللللط و مالها

داعي و كانت هالحركه اتعقد المشكله اكثر و اكثر ,, المهم زوجي قعد من النوم و شافني بنظره و قاللي ليش مارحتوووو؟؟؟؟؟؟؟؟و قاللي ابوج بعد كشت فييييج !!!

:tears: عاد انا رديت عليه و قتله ابوي مايكشت بس انا خفت عليه من العدوى و اهو وراه سفر و انا مريضه و هذا الصج انا لما كلمته قتله وده ايي بس

اخاف اعاديك قاللي خلاص لاتيين و كلميني بالتلفون ,, انزين اللي ابيه الحين اشلون اتعامل معاه اذا رجع بلليل ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

عفيا بنات لاتبخلون علي بردودكم

 

[om dalal]

توه الحيييييييين دزلي مسج كتبلي فيه

sorry sweety


بس ماني عارفه اشلون اتصرف معاه اذا رد هل اسامحه عاااااادي ؟؟؟؟؟؟؟؟؟؟؟؟؟؟

و الا شسوي؟؟؟؟؟؟؟؟؟؟؟؟؟؟؟؟؟؟؟

ابليز ابليز ابي ردوووووووووووود

 

[نسيم الربيع]

السلام عليكم
حبيبتي أهم شيء لا تجاوبيه خليه يتكلم ولا كأنه حد يتكلم معك هذه الأشكال تيجي بالتطنيش طنشيه ولا كأنك تسمعين شيء وإذا أصر عليك أو إستفزك قومي من جدامه وإستغفري وقولي في قلبك حسبي الله ونعم الوكيل وبتشوفين إن شاء الله كيف بيحس بغلطه
وإذا حاول يستفزك قولي له ما عندي كلام أقوله إلا الله يهديك ويهديني ويبعد الشيطان عنا
بكلامك هذا بيحس إنك شاريه البيت وراحة البيت
شوفي حبيبتي إذا زوجك عنده إيميل إبعثيله إيميل هادي وقولي له يلي في خاطرك بس بأسلوب رائع يعني يخليه يحس إنك تحبيه وإنه يحبك وإنك تحتاجينه وتحتاجي لحنانه ساعة مرضك وإنكم ما تقدرون تعيشون بلا بعض وإنكم لازم تكونون المثل الأعلى لأولادكم ومن هذا الحكي وإن شاء الله لما يصحى يشوف الإيميل ويحس بغلطه
على فكره يمكن ما يحسسك إنه حس بغلطه في البدايه ولكن مره على مره رح يعترف بإذن الله تعالى
والله هذا الكلام من تجارب مرت بحياتي وتوكلي على الله وطمنيني عليك
الله يعينك هذه المشاكل بسيطه وحلها بهاي الطريقه بإذن الله تعالى

 

[om dalal]

نسيم الربيع مشكوره حبيبتي على كلامك الرابع بالنسبه للتطنيش اهو الحين دازلي مسجين و انا حاقرته

المسج الاول مثل ماقلت اللي كاتبلي فيه سوري سويتي

و الثاني توه دازه و كان كاتبلي فيه :بس هم انتي كان اسلوبج معاي حده خايس و غير محترم !

و انا مو قاعده ارد عليه

و بالنسبه للايميل اهو مايدري عنه اصلا مايفتحه و لا يفتح النت بكبره و احنا دايما نتعامل عن طريق المسجات بالموبايل

قبل لما كنا نتهاوش كنت ادزله مسجات ادعيه حق الزوجين و كان يهدي اشوي و مره اللي اهي اخر مره كتبلي فيها الحمدالله و الشكر!!

اهو المشكله انه واااااااااااااايد يسب و انا ودي ابينله اني خلاص ماراح اسكت مثل قبل قبل لما كان يسبني كنت اسكت بس اليوم كللش ماسكت عنه عشا جذي

احتر م بدى يمد ايده ..يعني اذا رد ماكلمه؟؟؟؟؟؟؟؟ ماقوله عن الشي اللي مضايقني؟؟؟

 

[نسيم الربيع]

عندما يشتمك أخبريه بأنك لا تسمحي له بذلك وأنك لا تحبين أحد أن يشتمك فكيف بحبيبي يشتمني كيف ستبقى المحبه بيننا والإحترام أخبريه بأن طفله سوف يتعود على هذا الأسلوب معكما وأنه لن يحترمكما والآن إبعثي له مسج هادي وقولي له أنك جرحت حبيبتك يعني قولي
إنت جرحت حبيبتك الله يسامحك

وشوفي كيف رح يتكلم معك

طمنيني

 

[ام الداعية]

حاولى تبينين ردت فعلك بالتطنيش واذا الح بالسؤال قوليله صراحة ما احب هذا الأسلوب ليش كذا والله انى احبك ليش ما تغير اسلوبك وهاتك من كلام الدلع

 

[om dalal]

مشكورين خواتي ماقصرتو انا الحين دزيتله مسج و كتبت فيه انك جرحتني و الله يسامحك

و بنتظر رده و الله يستر

عفيه ادعولي ,, انا ساعات اتييني وساوس اني زوجي ابد مايحبني :frown:

 

[غدير الحب]

مثل هالرجال يحسون انهم يوم يتغشمرون ولوقاسية وناسة

وانتي اذا زدتي وعصبتي فكأنه انحرج وماتوقع هالردةالفعل فبيزيد وما بتراجع ابدا ولو قلتي اي كلمة بيرد عليج

من باب انه ما مسوي شئ غلط

انتي الي عليج يوم تشوفينه بدا يتغشمر غشمرة ثقيلة انت اونه استانستي وعقب يوم بيبدا يعورج قولي له لاعاد جي موحلوتوك محلاك بغشمرتك خلك اخف لاني ما اتحمل

واكييد هوا بزيداوالعكس بس الاهم لا تعصبين اوتقولين اكرهك يعني لاتشعلليلها وهومثلا بيقرصج بس دفعي ايده واسكتي

يعنيحاوليتيوديعمرجوقومي منجدامه وسيري غرفةغير قفليعليج ويومبيكلمج قولي له انا احبكيومتغشمر بس مب بقساوةانا مب ربيعك اوشاب جي تتعامل معاي وانت انسان حنون فلاتصير دب اونه من هالكلام

وحاولي مب وايد تذكريه شولازم يسوي يسال عنج اوغيره يبيها بطريقة ثانيةيوم يرجع ويسال عنج قولي له بطريقة ذكية وين ذوقك وحسك الراقي ماسالت عني ...والخ


ويوم طرش مسجات لا تردي واذارجع اتمنىانج تقوليله مثل هالامور تبىنقاش ونحط النقاط ع الحروف انا يحقلي ازعل وماقصدت اقول هالكلام وانت غالي واحبك بس اسلوبك احيانا يطلع عن حده ومن هالرمسةالي تبين الحدودبينكم وشوحدالغشمرة وغيرهامن الامور

وحاولي اذا مواقف تقدري تصلحينها بينج وبين ريلج مايطلع من بينكم افضل بوايد

انابعدزوجي جي يقهر يعني مزاحه تكسير بس وقفته عندحده والحمدالله احسن عن قبل بوايد

والله المسهل

 

[om dalal]

مشكورين بنات و جزاكم الله خير انا بحاول اطبق اللي اتقولونه شوركم و هداية الله

بس جان زين حكاوينا و الا الاستاذه ناعمه يعقبون على موضوعي ودي اشوف ارائهم و اراء باجي الخوات

 

[ايمي]

كان الله في عونك عزيزتي وهدى الله زوجك, وليس عندي شيئ اقوله لك الا انه عندما يثور حاولي ان تهدأي ولا تردي عليه بالمثل الى ان يهدئ . وبعد ذلك يعني في ساعة صفا وضحي له خطئه , وبيني له ماتحبين وما تكرهين وانك تحاولي جاهدة ان تفعلي ما يحبه , ومن هذا الكلام. ولكن حذار ثم حذار ثم حذار ان ثم حذار ان ترضي بمسباته لك في بداية زواجك لانه سوف يستمر بذلك ولن تستطيعي ان تغيري فيه شئ وسيكون ذلك محرج لك في المستقبل امام اولادك

اتمنى لك السعادة مع زوجك والتوفيق
ايمي

 

[لحظة امل]

اختي والله ان تصرفاته مثل زوجي

يطنش ولا يهتم ابد واذا غلط مايعترف ولا يسأل عني ابد لين كنت مريضة
واذا رجع بدا يمزح لكن ماتوصل للطق عاد انا من حرتي انفجر واهو يبدي يسب

وتالي الاحداث مثلج بالضبط واخس من جدي


:thumbdown: :thumbdown:

 

[نسائيات]

اختي الغاليه
قرات مشكلتك وضحكت
بس لا تزعلين مني هي بالفعل مشكله وصعبه لكن حلها يعتمد على الفهم الصحيح لشخصية زوجك وكيفية سرقة الاهتمام منه
نعم انت تجهلين اسلوب زوجك في العقاب
لانه يشعر بالذنب ولا يعرف كيف يعبر عن مشاعره حب يلطف الجو قام تغشمر معاك بطريقته الخاصه لو سايرتيه وضحتكي كان راح يستانس هو ما يضربج لانه محتقرنج او يرغب في الضرب لا بل يرغب في الاعتذار لكن لا يعلم كيف يعتذر
وهذا يعتمد على البيئع و التنشئة اللتي نشا فيها زوج
طبعا اهمال الزوج لمرضك قاسي جدااااااااااااااااااااااااااااااااااااا

بس مع مثل هذا الزوج نصيحه ان كنت ترغبين في شيء اطلبية بشكل مباشر منه فهو لا يعرف اللف ولا الدوران
شخصية فجه لا تعرف التعامل الراقي
تستهزء من الناس بغرض الغشمره رغم انه الاشخاص اللذين لم يعتادوا عليهم يغضبون منهم لكن من تعود عليهم يحبهم
فهم شخصية مرحه محبه عطوفه وحنونه
نصيحتي لك بما انه اعتذر اقبلي اعتذاره واخبريه ان عدم اهتمامه بك قد جرح مشاعرك وانت زوجته المحبه له
عاتبيه بلطف واضحكي
وان ضربك على سبيل الغشمره اهجمي عليه هجمه شرسه واضربيه ايضا راح تلاحظين انه راح يستانس ويستغرب
اقرئي انماط الشخصيه للغاليه القلب الكبيره حتى تعرفي كيف تتعاملين مع زوجك فانتي تجهلين جوانب كثيره في شخصيته
وفقك الله

 

[متفائلة]

عن تجربة

اذا رفع صوته عليك ...أطلبى منه التوقف عن تصرفه ثم احقريه

ستلاحظين انخفاض صوته شيئا فشيئا ومع الوقت والسنين راخ يتغير 180 درجة باذن الله

المهم أن تطلبى ما تريدينه منه بصورة مباشرة بدون لف ودوران

موفقه غاليتي

 

[أ. باسمه الكوس]

أول ما قرأت العنوان حسيت ان المشكله ضخمه

قلت خل أدخل وأساعدج بهالأيام الفضيلة

اللي العمل الصالح فيها أحب إلى الله من الجهاد في سبيل الله

ولما قرأت اول الأسطر فهمت شخصية زوجك

ولما تعمقت في الموضوع ضحكت ( لاتزعلين ) لأني أعرف واحد نفس شخصية زوجك

وافهم نفسيته عدلللللللللللللللللللل

القصة وما فيها يا أختي الغاليه

إن زوجك من النوع اللي ما يعرف يعبر عن مشاعره

واسمحي لي -->إنتي من النوع الانفعالي وما صبرتي على جموده

ورحتي تبادلينه بالشكوى والتشره

والاعتراض

مما آلمه

فحاول انه يلطف الجو ويتغشمر

وكانت غشمرته بالضرب مع ولدج

وهذا كان المفروض يضحكج ويخليج تتهربين وتستعبطين وتضحكين معاه

لكن انتي قلبتيها جد

وايضا تجاوزتي الحد

واخذتي ترمين عليه كلمات وتتصرفين تصرفات قوية

وتهددينه ب بيت أهلج

اووووووووووووف كبرتيها حييييييييييل ياالغاليه

ركدي يا قلبي

وافهمي شخصية هالانسان ترى هو لطيف وحبوب

بس يحتاج صبر عشان يفهم كيف يتعامل مع الانثى الرقيقة

لا تواجهينه بقوة وتهديد وعنف وتشره

كوني ودييييييييييعه معاه

وتلطفي فيه

و احذرج من طريقة شد الانتباه عن طريق التشره والبكاء والنكد

ترى هذي تخليه يهررررررررررررررب بكل قوته

كوني معاه لطيف وحبوبة

وغشمرجيه ( كثيرة الغشمرة)

ولا تسبين ابداااااا ولا تحقرينه بكلمات تدل على انه عديم الاحساس

وما شابه ذلك

لأن هذا عيب يصير بين المره وزوجها

وهو اتبادل السب والتهديد

لا وعلى شنو؟؟؟

ولا شي

---

كما اضيف نقطه مهمه

اذا حسيتي انه مو مهتم فيج او ما يعطيج ويه

حاولي تجذبينه بلطف

مو بأسلوب الضغط والتشره والمسبات

ترى الرجال عموما فيهم صفة العناد

واذا ضغطتيه ولبستيه الخطأ اكيد بيسوي روحه مو مهتم ويزيد

لأنه ما يحب يحرج نفسه


فيسوي نفسه عادي ومو هامه

لأنه بالنهاية رجل كبير وناضج وليس طفل

تطلبين منه الشي وينفذ سيييييييييده

الحين تدرين شنو شعور زوجج؟؟

متفشل ومنحرج

ومتفاجأ من ردة فعلج

يقول بقلبه ؟؟؟ عسى ماشر؟؟؟ اش فيها ؟؟؟

لأنه هذا النمط من الرجال لا يعرف ان هذه الغشمرة تسبب الضيق للمرأة

وسعي صدرج وانا اختج

وكوني اكثر حكمة

وصبر مع زوجج

 

[نبض قلبي]

الله لا يحرمكم من بعض

بس لا تنفعلين وايد وتيلسين تلومينه ترى هذا ماينفع ولا تدخلين اهلج في شؤونج الخاصة هذا يزيد المشاكل...

حاولي انج تعاملينه بحب كل مايقولج شي قوليله انته حبيبي ومالنا غنى عنك وشوفي كيف بيتغير

ترى الزوج مثل الطفل يحتاج عناية وكل ماهتميتي فيه بيهتم فيج اكثر

والله يصلح بينج وبين زوجج ...

والسموحه ع التقصير.........

 

[&زهور الياسمين&]

الله يعينك غاليتي

إصبري وكان الله بعونك

 

[ام خالد99]

الله يعينك حبيبتي


ليه ما تسوين زيه



يعني وهو داخل البيت تخبي ورى الباب بدون ما يشوفك ومن وراه بالعقال طااااااااااااخ وقوليله ليش ماتسئل عني يالغالي


وفي اليل حطي سطل ماي بارد عللى الباب من فوق وردي الباب شوي علشان اذا دخل ينكت على راسه واضحكي واستانسي وطلعي الي بقلبك بس بطريق الغشمره والظحك

 

[بسمة أمل]

ههههههههههههههههههههههه

يا سلام عليج يا ام خالد99 و الله موتيني ضحك

ذكرتيني برسوم توم اند جيري


بس اسلوب الغشمره فعلا وااايد حلو بين الزوجين خاصه اللي يكون جريء و قوي شوي


اختي ام دلال انا مع اللي قالوه لج الخوات وعندي راي بعد بس انتي ادرى به اذا ينطبق على ريلج ولا لا

اختي احس انه ريلج شايل بقلبه شي اما منج انتي او من الخارج و يبي ينتقم حاولي تعرفين شو مضايقه او

شو اللي يخليه يطنشج خاصه وقت مرضج

وبعدين اختي نصييحه لا تسبين زوجج حتى لو سبج لان المراه لما تبدا تسب او تضرب ضرب جاد تفقد انوثتها بعين الرجل بس فهميه ان السب ما يجوز و مو من صفات المسلم وبعدين عياله بيتعلمون منه وهذا طبعا يدل على قلة التربيه و ماحد يرضى انه ينقال عنه ولا عن عياله انهم قليلين تربيه

الله يصبرج و يهدي لج زوجج و يحنن قلبه عليج